རྩོམ་ཡིག
བུ་མོར་ཕུལ་བ།
03/12/2009 16:59
བུ་མོར་ཕུལ་བ།
ཨ་རྡོར། བོད་ནང་།
རྟོག་བཏགས་ཀྱི་སྡེ།
འོད་སྣང་ཤིག་ཤིག ལན་བུ་ཤིག་ཤིག
ཁྱོད་ཀྱི་ལུས་བདག་ལ་བསྩལ་རྗེས།
ངས་ད་དུང༌། སྦྱིན་པ་ཞིག་ཟེར་ཞོར་སྙིམ་པ་བསྲིངས་ན།
ཡིད་དུ་འོང་བའི་བུ་མོ། ད་ནི་ཁྱོད་ཀྱིས་ཐེ་ཚོམ་མི་བྱེད་པར།
དྲོད་ཀྱིས་བསྙལ་བའི་བརྩེ་དུང་གི་འོ་སྤྲི་སྟེར་བར་ཞུ།
མིག་རྩ་སྦྲང་མ་བཞིན་དུབ། མཆུ་སྒྲོས་ཉོན་མོངས་ལྟར་འཚུབ་བྱུང་ན།
ངས་རང་དབང་མེད་པར། ནུ་འབུར་ཇེ་མཁྲེགས་སུ་སོང་བའི་དམིགས་པ་བསྐྱེད་དེ།
ཁྱོད་ལུས་ཀྱི་འཇམ་མཉེན་རྣམས། གྲོན་ཆུང་དང་སེར་སྣའི་ངང༌།...
>>
———
———
ཉིན་ཟླ་སྐར་3
29/10/2009 20:20
བཀྲ་ཤིས་པའི་ཉིན་ཟླ་སྐར་གསུམ།།
ལེན་མཁན། བློ་བཟང་།
༡༽
གངས་ཅན་བོད་ཀྱི་རྒྱལ་ལོ། །
རྒྱལ་བ་བསྟན་འཛིན་རྒྱལ་མཚོ། །
གངས་རི་ལྗོངས་ལ་བྱོན་ནས།...
>>
———
མདོ་དབུས་ཁམས་གསུམ།
25/10/2009 15:17
མདོ་དབུས་ཁམས་གསུམ།
ཡུལ་ཁྱད་འཕགས་གངས་ཅན་ཁ་བའི་ལྗོངས། །
སྟོད་དབུས་གཙང་ཆོས་ཀྱི་ཆོལ་ཁ་འདི། །
བྱམས་སྙིང་རྗེ་ཆེ་ཞིང་དགེ་བཅུ་ལྡན། །
གནས་ངོ་མཚར་ལོ་རྒྱུས་འབུམ་གྱིས་ཕྱུག། །
བར་མདོ་ཁམས་མི་ཡི་ཆོལ་ཁ་འདི། །
དཔལ་ཕུན་ཚོགས་སྲིད་པའི་འབྱོར་བ་དང། །
དཔལ་རྩལ་དྲུག་རྫོགས་ཤིང་ལ་རྒྱ་ཆེ། །
བོད་ཁ་བ་ཅན་གྱི་གཟི་བརྗིད་ཡིན། །
སྨད་ཨ་མདོ་རྟ་ཡི་ཆོལ་ཁ་འདི། །
བློ་རྣམ་དཔྱོད་ནམ་མཁའི་འཇའ་ལྟར་གསལ། །
གཞུང་མདུད་བརྒྱ་བཀྲོལ་བའི་ཤེས་རབ་ཆེ། །
ལས་བླང་དོར་གནད་ལ་ནོར་བ་མེད། །
བོད་ཆོལ་གསུམ་གདོང་དམར་གངས་རིའི་བུ། །
རིགས་བཟང་པོ་འོད་གསལ་ལྷ་ནས་ཆད།...
>>
———
བདེན་གཏམ་སྨྲ་བ།
25/10/2009 10:19
བདེན་གཏམ་སྨྲ་བ།
སྙིང་སྟོབས་ནི་ཅི་ཡང་མེད་པར་སྨྲ་བའི་རྟོག་པ་མྱུར་པོ་དེ་མ་ཡིན་ལ། གང་ལའང་མི་འཛེམ་པར་སྨྲ་བའི་
བླུན་པོའི་རྒྱགས་གཏམ་ཡང་མ་ཡིན། སྙིང་སྟོབས་ནི་ཤེས་བྱའི་དེ་ཁོ་ན་ཉིད་རྟོགས་པའི་མཐར་ཐུག་གི་ཡེ་ཤེས་དེ་མ་
ཡིན་ལ། འཇིག་རྟེན་ཐུན་མོང་གི་འདོད་ཚུལ་རྩིང་པོ་དེ་ཡང་དེ་བས་མ་ཡིན། སྙིང་སྟོབས་ནི་སྐྱེས་བུ་རེ་རེའི་རྒྱུད་ན་
རང་ཚུཊ་སུ་ཆགས་ཤིང་རྣམ་དཔྱོད་ཀྱི་དཔལ་འབར་བའི་འདུ་ཤེས་རིགས་ཤིག་ཡིན། དེར་བརྟེན། སྙིང་སྟོབས་ནི་མི་
དང་མི། མི་རིགས་དང་མི་རིགས། ...
>>
———
མིག་ཆུ།
16/10/2009 17:26
དུས་ཚིགས་ཀྱི་མིག་ཆུ།
སྟོན་འཇུག་གི་མདའ་ཁ་བཙན་པོས་
སྡོང་ལོ་སེར་པོ་རིམ་གྱིས་གཏོར་བས་
ཁྲུང་ཁྲུང་དཀར་མོས་བསྟར་འཕྲེང་བསྒྲིགས་ཏེ་
རྒྱང་རིང་རྒྱང་རིང་གི་ལྷོ་ཕྱོགས་ལ་མགྲོན་དུ་བཞུད་
དེ་ནི་གནམ་གྱི་བསྐོར་ཐང་མིན་ལ་
དུས་རབས་ཀྱི་གས་ཀ་ནས་བྱུང་བའི་འཕོ་འགྱུར་རེད་
ཁྱེད་ཕེབས་སྐབས་ངས་མིག་ཆུ་ཞིག་གི་རྫོངས་པ་མེད་ལ་
ཁ་བཏགས་ཞིག་གི་སྐྱེལ་མའང་མེད་
རེད་ཡ་ ...
>>
———
ངས་ཁྱོད་ལ་འདྲི།
12/09/2009 16:49
ཕག་ལོ་བ ངས་ཁྱོད་ལ་འདྲི།
ཕག་ལོ་བ ངས་ཁྱོད་ལ་འདྲི
ཁྱོད་ཀྱིས་གསེར་ཁྲི་སེར་བོའི་ཡང་སྟེང་ནས་འཇིག་རྟེན་ལ་ལྟ་དུས
ཞོགས་པ་དང་ས་སྲོད་ལ་པོ་ཏྰ་ལའི་མཛེས་སྡུག་གི་རྒྱ་ཕིབས་མཐོང་དུས
ཁྱོད་ལ་སྐྱོ་བ་དང་སྡུག་བསྔལ་ཡོད་དམ
ཕག་ལོ་བ ངས་ཁྱོད་ལ་འདྲི
ཅི་བྱ་གཏོལ་བྲལ་གྱི་ལོ་ཟླ་རླུང་རླབས་ཀྱིས་དེད་ནས
ཁྱོད་ཀྱིས་འགྲོ་འདུག་སྤྱོད་གསུམ་བྱ་སྤུ་ལྟར་སྐྱོད་དུས
ཁྱོད་ནི་ཉམ་ཆུང་གི་བྱེའུ་ཁེར་འཕུར་ཞིག
དེ་དུས་གར་སོང་གི་གཞི་ནས་མཆི་མ་བཏོན་མྱོང་ངམ
ཕག་ལོ་བ ...
>>
ལེགས་བཤད།
ལེགས་བཤད། ༩
23/10/2009 10:32
ལུགས་ཀྱི་བསྟན་བཅོས་ཤེས་རབ་སྡོང་བུ་ཞེས་བྱ་བ། ༩
ཨེ་མ་སྐྱེ་བོ་ངན་པ་དང་། །བད་ཀན་དག་གི་རང་བཞིན་མཚུངས། །
འཇམ་པོ་ཡིས་ནི་འཁྲུག་འགྱུར་ལ། །རྩུབ་པོ་ཡིས་ནི་ཞི་བར་འགྱུར། །
སྐྱེ་བོ་ངན་དང་གསེར་དང་རྔ། །མི་སྲུན་རྟ་དང་བུད་མེད་དྲེགས། །
བརྡུངས་ནས་དུལ་བ་ཉིད་འགྱུར་གྱི། །དེ་དག་ལེགས་བྱས་སྣོད་མ་ཡིན། །
སྐྱེ་བོ་ངན་དང་ལྷན་ཅིག་ཏུ། །དགྲར་གྱུར་མཛའ་བའང་མཛེས་མ་ཡིན། །
ཁྱིམ་ནི་རྩེ་བར་བྱེད་པའམ། །ལྷག་པའང་མཛེས་པར་འགྱུར་མ་ཡིན། །
སྦྲུལ་བས་ཀྱང་ནི་མི་སྲུན་གདུག །སྦྲུལ་གདུག་སྨན་དང་སྔགས་ཀྱིས་ཞི། །
མི་སྲུན་ཅིས་ཀྱང་ཞི་མི་བྱེད། །མི་སྲུན་པ་ཡི་ཉེས་པ་ནི།...
>>
———
ལེགས་བཤད། ༨
23/10/2009 10:30
ལུགས་ཀྱི་བསྟན་བཅོས་ཤེས་རབ་སྡོང་བུ་ཞེས་བྱ་བ། ༨
འཇིག་རྟེན་ཕ་རོལ་འགྲོ་བ་དག །ཤེས་པར་སྨྲ་ལ་སུ་ཞིག་མཁས། །
དེ་ནི་ཉམས་སུ་ལེན་པ་ན། །དྲང་སྲོང་རྣམས་ཀྱང་མཁས་པ་ཡིན། །
འབྱོར་པ་གཡོ་ཞིང་ལང་ཚོ་ཡུད་ཀྱིས་འཇིག །སྲོག་ནི་གཤིན་རྗེའི་སོ་གཅིག་གནས་དང་མཚུངས། །
འོན་ཀྱང་འཇིག་རྟེན་ཕ་རོལ་སྒྲུབ་ལ་ལྷོད། །ཀྱེ་མ་མི་ཡི་སྤྱོད་པ་ངོ་མཚར་ཆེ། །
བློ་གྲོས་བཟང་ཡང་ལེ་ལོ་ཡིས། །སྐྱེ་བ་མཐོན་པོར་མི་འགྱུར་ཏེ། །
ལག་རྩིས་ས་ལ་འབྲི་བ་ཡི། །ཕོ་ལོང་གཤེར་བ་དག་དང་མཚུངས། །
གལ་ཏེ་འགྲོ་བ་འདི་ཀུན་གྱིས། །འཆི་བདག་སྤྱི་བོར་གནས་མཐོང་ན། །
ཟས་ཀྱང་ཡི་གར་མི་འོང་ན།...
>>
———
ལེགས་བཤད། ༧
23/10/2009 10:29
ལུགས་ཀྱི་བསྟན་བཅོས་ཤེས་རབ་སྡོང་བུ་ཞེས་བྱ་བ། ༧
སྦྱིན་པས་མ་ཡིན་རིམ་གྲོས་མིན། །མཆོད་པས་མ་ཡིན་བསྙེན་བཀུར་མིན། །
བརྟན་པས་མ་ཡིན་བརྩོན་པས་མིན། །ཀུན་ཏུ་མི་བཟད་བུད་མེད་ཡིན། །
མཁའ་ལྡིང་དབང་པོས་ཁྱེར་བའི་ཚེ། །པད་དཀར་ཀླུ་ཡིས་སྨྲས་པ་ནི། །
གསང་ཚིག་བུད་མེད་ལ་སྨྲ་བ། །དེ་ཡི་སྲོག་ནི་དེ་ཟད་འགྱུར། །
དོན་དང་ཆོས་ནི་རྣམ་པར་ཉམས་བྱེད་ཅིང་། །མཐོ་རིས་དག་དང་ཐར་པའི་གེགས་བྱེད་ལ། །
གནོད་པ་ཀུན་གྱི་རྩ་བ་ཉིད་གྱུར་པས། །དེ་བས་གཞན་གྱི་བུད་མེད་རྟག་ཏུ་སྤང་། །
གང་གི་ཚིགས་བཅད་གཅིག་ཙམ་ཞིག །བླ་མས་སློབ་མ་ལ་བྱིན་ན། །
གང་ཞིག་བཏང་ནས་ཤོག་བཏང་འགྱུར།...
>>
———
ལེགས་བཤད། ༦
23/10/2009 10:27
ལུགས་ཀྱི་བསྟན་བཅོས་ཤེས་རབ་སྡོང་བུ་ཞེས་བྱ་བ། ༦
ངང་པ་ཁྭ་ཡི་ཚོགས་ནང་མཛེས་མ་ཡིན། །ཅང་ཤེས་བོང་བུའི་ཚོགས་ནང་མཛེས་མ་ཡིན། །
སེང་གེ་ཝ་ཡི་ཚོགས་ནང་མཛེས་མ་ཡིན། །མཁས་པ་བླུན་པོའི་ཚོགས་ནང་མཛེས་མ་ཡིན། །
གང་ཞིག་ཆེན་པོས་སྤྱི་བོ་བཀུར། །དེ་ཉིད་དམན་པས་རྩྭ་སྙམ་སེམས། །
མཁས་པས་ཕྱག་བྱས་མཆོད་རྟེན་ནི། །ཁྭ་དག་སྟན་དུ་བྱེད་པ་ཡིན། །
བདག་ལ་གྲངས་མེད་ཡོད་གྱུར་ཀྱང་། །གཞན་ལ་ཉུང་ཟད་ཡོད་པ་ཡི། །
ཡོན་ཏན་མེད་ལ་དམ་པ་དགའ། །སྤྱོད་པ་འདི་ནི་ངོ་མཚར་ཆེ། །
ཐམས་ཅད་མཁྱེན་པའི་ཡོན་ཏན་ནི། །ཐམས་ཅད་མཁྱེན་པ་ཉིད་ཀྱིས་མཁྱེན། །
ས་གཞི་ཡི་ནི་ལྕི་བའི་ཚད།...
>>
———
ལེགས་བཤད། ༥
23/10/2009 10:23
ལུགས་ཀྱི་བསྟན་བཅོས་ཤེས་རབ་སྡོང་བུ་ཞེས་བྱ་བ། ༥
བསྟན་བཅོས་འཛིན་པས་ཐར་པ་ཡིན། །ལུས་དུབ་པས་ཀྱང་མ་ཡིན་ཏེ། །
ཤེས་རབ་ཀྱིས་ནི་སེམས་བཏུལ་ན། །ཐར་པ་ཐག་ཉེ་འདི་ན་ཡོད། །
ཉེས་པའི་སྐྱོན་ནི་བྲེག་པར་གྱིས། །མགོ་བོ་བྲེག་པས་ཅི་ཞིག་བྱ། །
གང་ཞིག་ཡིད་ཀྱི་གོས་མེད་ན། །རས་ཀྱི་ཆོས་གོས་ཅི་ལ་ཕན། །
སེམས་ཅན་རྣམས་ལ་གང་གི་ཚེམས། །སྙིང་རྗེས་བརླན་པར་གྱུར་བ་དག །
ཐར་དང་ཡེ་ཤེས་དེ་ཡིན་གྱི། །ཐལ་བ་རལ་པ་ཆོས་གོས་མིན། །
གང་ཞིག་ལང་ཚོ་ལ་ཞི་བ། །དེ་ནི་ཞི་བར་བདག་གིས་ཤེས། །
ཁམས་རྣམས་ཡོངས་སུ་ཟད་པ་ན། །ཅི་ཡི་ཕྱིར་ན་ཞི་མི་འགྱུར། །
མཛའ་བཤེས་ཉེ་དུ་དུར་ཁྲོད་དུ།...
>>
བོད་ཀྱི་གཏམ་དཔེ།
———
བོད་ཀྱི་གཏམ་དཔེ་ ༢༨
22/10/2009 20:37
བོད་ཀྱི་གཏམ་དཔེ་བདམས་བཀོད། ༢༨
བ།
བ་མོ་མེད་པའི་མར་དཀྲོག་དང་།།
བྱ་དེ་མེད་པའི་སྒོ་ང་།།
བ་བསད་པ་ལས་བཞོས་པ་དགའ།།
བ་ལང་གིགཨམ་ཅོག་ལ།།
པི་ཝང་བཏང་བ།།
བ་མ་ཤི་ལྕི་རྙང་རྒྱུན་མི་ཆད།།
བ་ལ་མཛོ་སྐྱེས།།
བོང་ལ་དྲེལ་སྐྱེས།།
བ་གླང་རྒན་གཞོན་དཔྱད་པ་ལ།།
བླུན་པོ་མཁས་ཀྱང་ཡོན་ཏན་མིན།།
བ་མོ་དབྱར་ཞོ་དགུན་ནས་གསོ།།
བ་ཆེ་འདྲིས་དང་བེའུ་ཆུང་འདྲིས་རེད།།
བ་མོ་དེའི་ཉལ་སྟངས་ལ་བལྟས་ན།།
བེའུ་ལྡན་ཀྱོག་ཅིག་ལས་ཡོང་བ་མི་འདུག།
བ་ཤི་ལེ་ཤེས་ན་གླང་བརྗེ།།...
>>
———
———
བོད་ཀྱི་གཏམ་དཔེ་ ༢༦
22/10/2009 20:32
བོད་ཀྱི་གཏམ་དཔེ་བདམས་བཀོད། ༢༦
ཕ།
ཕ་མ་སྤུན་མཆེད་ཟེར་བ་དེ།།
དཀྱིལ་འཁོར་གཅིག་གི་ལྷ་ཚོགས་ཡིན།།
ཕ་མ་བཟང་པོའི་བུ་ཚ།།
དགེ་རྒན་དང་དགེ་ཕྲུག
ཕ་གཏམ་བུ་ལ་འཇགས།།
ཕ་ཤུལ་བུས་འཛིན།།
ཕ་རྩེ་བུ་རབས།།
མདའ་རྩེ་སྒྲོ་རབས།།
ཕ་མ་དང་ཕྲུ་གུ།།
དགེ་རྒན་དང་དགེ་ཕྲུག།
ཕ་རྒྱུད་བུ་ལ་མ་ཁྲིད་ན།།
རི་བོང་ཤོ་ཏོ་ག་ནས་ཡོང་།།
ཕ་ཡུལ་ནོར་བུ་མཐོང་དུས།།
ཁྱེད་ལས་ང་རང་དྲན་པ།།...
>>
———