མདོ་དབུས་ཁམས་གསུམ།

མདོ་དབུས་ཁམས་གསུམ།

ཡུལ་ཁྱད་འཕགས་གངས་ཅན་ཁ་བའི་ལྗོངས། །

སྟོད་དབུས་གཙང་ཆོས་ཀྱི་ཆོལ་ཁ་འདི། །

བྱམས་སྙིང་རྗེ་ཆེ་ཞིང་དགེ་བཅུ་ལྡན། །

གནས་ངོ་མཚར་ལོ་རྒྱུས་འབུམ་གྱིས་ཕྱུག། །

བར་མདོ་ཁམས་མི་ཡི་ཆོལ་ཁ་འདི། །

དཔལ་ཕུན་ཚོགས་སྲིད་པའི་འབྱོར་བ་དང། །

དཔལ་རྩལ་དྲུག་རྫོགས་ཤིང་ལ་རྒྱ་ཆེ། །

བོད་ཁ་བ་ཅན་གྱི་གཟི་བརྗིད་ཡིན། །

སྨད་ཨ་མདོ་རྟ་ཡི་ཆོལ་ཁ་འདི། །

བློ་རྣམ་དཔྱོད་ནམ་མཁའི་འཇའ་ལྟར་གསལ། །

གཞུང་མདུད་བརྒྱ་བཀྲོལ་བའི་ཤེས་རབ་ཆེ། །

ལས་བླང་དོར་གནད་ལ་ནོར་བ་མེད། །

བོད་ཆོལ་གསུམ་གདོང་དམར་གངས་རིའི་བུ། །

རིགས་བཟང་པོ་འོད་གསལ་ལྷ་ནས་ཆད། །

ལྷོ་འཛམ་གླིང་སྲིད་པའི་མཛེས་རྒྱན་དུ། །

ས་གོ་ལའི་གཙུག་ན་མངོན་པར་འཕགས། །