ཉིན་ཟླ་སྐར་3
29/10/2009 20:20བཀྲ་ཤིས་པའི་ཉིན་ཟླ་སྐར་གསུམ།།
ལེན་མཁན། བློ་བཟང་།
༡༽
གངས་ཅན་བོད་ཀྱི་རྒྱལ་ལོ། །
རྒྱལ་བ་བསྟན་འཛིན་རྒྱལ་མཚོ། །
གངས་རི་ལྗོངས་ལ་བྱོན་ནས། །
ཞབས་པད་བརྟན་པའི་བཀྲ་ཤིས། །
༢༽
གདོང་དམར་བོད་ཀྱི་དེད་དཔོན། །
པཎ་ཆེན་སྣང་བར་མཐའ་ཡས། །
གདོང་དམར་བོད་ལ་བྱོན་ནས། །
དར་ཞིང་རྒྱས་པའི་བཀྲ་ཤིས། །
༣༽
འདི་ཕྱིའི་གཏན་གྱི་སྐྱབས་གནས། །
སྐྱབས་རྗེ་ཀརྨ་རིན་ཆེན། །
ཁ་བའི་ལྗོངས་ལ་བྱོན་ནས། །
ཞབས་པད་བརྟན་པའི་བཀྲ་ཤིས། །
༈
བསིལ་ལྡན་ཁ་བའི་ལྗོངས་ལ། །
སྐྱབས་རྗེ་ཉི་ཟླ་སྐར་གསུམ། །
གངས་རི་ལྗོངས་ལ་བྱོན་ནས། །
བོད་མིའི་རླུང་རྟ་དར་སོང་། །
[]
———
Back