འཛམ་གླིང་ནང་གི་མི་ཐུང་ཤོས་ལ་གཟེངས་རྟགས་སྤྲད་པ། དེ་ཡང་ཟླ་འདིའི་ཚེས་༡༤ ཉིན་བལ་ཡུལ་ནས་བྷི་བྷི་སའི་གསར་འགོད་པས་གནས་ཚུལ་སྤེལ་བ་ལྟར་ན། རང་ལོ་༡༨ ལ་སོན་པའི་བལ་པོ་ཁཱ་གྷན་ར་ཐ་པཱ་མཱ་གྷར་ཟེར་བར། འཛམ་གླིང་ནང་གི་མི་གཟུགས་པོ་ཐུང་ཤོས་ཆགས་ཡོད་པ་རེད། ཁཱ་གྷན་ར་ཐ་པཱ་མཱ་གྷར་ནི་བལ་ཡུལ་གྱི་རྒྱལ་ས་ཀ་ཐ་མན་ཌུ་ནས་རྒྱང་ཐག་ཅུང་ཟད་རིང་བའི་བྷག་ལོན་རྫོང་ཁོངས་སུ་སྐྱེས་ཤིང། སྐྱེས་དུས་ནས་ལྗིད་ཚད་སོགས་མིའི་ཚད་ལོངས་མེད་པ་དང། དེ་ནས་རིམ་གྱིས་ལོ་མང་པོ་སོང་རུང་གཟུགས་པོ་འཚར་ལོངས་བྱུང་མེད་པས། ད་ལྟའི་སྐབས་རང་ལོ་༡༨ ལ་སོན་ཡོད་རུང་གཟུགས་པོ་ཚད་གཞི་བྱིས་པ་ལོ་གསུམ་ཙམ་གྱི་ཚད་ལས་མེད་པ་རེད། འཛམ་གླིང་ཟིན་ཐོ་ལྷན་ཁང་གི་འཐུས་མི་ཁག་གཅིག བལ་ཡུལ་དུ་ཡོང་ནས་ཁཱ་གྷན་ར་ཐ་པཱ་མཱ་གྷར་གྱི་གཟུགས་པོ་དང་ལོ་ཚད་ལ་ཞིབ་འཇུག་བྱས་ཏེ། འཛམ་གླིང་ཟིན་ཐོའི་ནང་མི་གཟུགས་པོ་ཐུང་ཤོས་ཀྱི་གཟེངས་རྟགས་དེ་སྤྲད་ཡོད་པ་རེད། གཟེངས་རྟགས་ཐོབ་མཁན་མཱ་གྷར་གྱིས་གསར་འགོད་པ་ཚོར། ནང་མི་དང་ཁྱིམ་ཚང་སྐྱོ་པོ་ཡིན་པས་ཁང་པ་སྤུས་གཙང་ཞིག་དགོས་མཁོ་ཆེ་བ་དང། དེ་བཞིན་གང་མགྱོགས་ཆང་ས་རྒྱག་འདོད་ཡོད་སྐོར་སོགས་འགྲེལ་བརྗོད་བྱས་ཡོད་པ་རེད། འཛམ་གླིང་ཟིན་ཐོ་ཟེར་བ་ནི།...

ལོ་རྒྱུས་ཐོག་གི་ཀུ་ཤུ་ཆེ་ཤོས། འཛམ་གླིང་ནང་ལོ་རྒྱུས་ཐོག་ཀུ་ཤུ་ཆེ་ཤོས་ནི་༢༠༠༥ ལོར་སྐྱེས་པ་རེད། དེ་ཡང་ཧིང་ཧོང་གི་ཧི་རོ་ས་ཀི་གྲོང་ ཁྱེར་དུ་ཡོད་པའི་ཆི་ས་ཏོ་ཨི་ཝ་ས་ཀི་ཞེས་པའི་ཤིང་ཏོག་འདེབས་ལས་བྱེད་མཁན་ཞིག་གི་ཤིང་ཏོག་ཞིང་ ཁར་སྐྱེས་པའི་ཀུ་ཤུ་ཞིག་ནི་འཛམ་གླིང་ནང་ཀུ་ཤུ་ཆེ་ཤོས་སུ་གྱུར་པ་དང་།     དེ་ནི་ལྗིད་ཚད་ནི་ཀི་ལོ་༡་༨༤༩ ཡིན་པ་རེད།

འཛམ་གླིང་ནང་གི་ཁྱི་ཆུང་ཤོས། ཨ་རིའི་ཧྥ་ལོ་རི་ཌ་རུ་ཡོད་པའི་ཧེ་ཝན་ སེན་ཊི་ བྷི་རཱན་ཌི་ཟེར་བའི་ཁྱི་མོ་ཞིག་ཡོད་པ་ནི་འཛམ་གླིང་ནང་ ཁྱི་ཆུང་ཤོས་ཤིག་ཡིན་པ་རེད། སྤྱིར་ཆི་ཧུ་ཧུ་ཝ་ཟེར་བའི་ཁྱིའི་རིགས་ནི་འཛམ་གླིང་ནང་ཁྱི་རིགས་ཆུང་ཤོས་                 གྲས་ཡིན་པ་རེད། བྷི་རཱན་ཌི་ནི་ཕྱི་ལོ་༢༠༠༥ ལོར་ཁྱི་ཆུང་ཤོས་ཀྱི་ཐོ་འགོད་བྱས་པ་དང་། ད་བར་འཛམ་གླིང་ ནང་ཁྱི་གསོན་པོ་ཆུང་ཤོས་ལ་ངོས་འཛིན་ཐོབ་ཡོད། ཁྱི་འདིའི་ཆེ་ཆུང་ནི་མགོ་སྣ་རྩེ་ནས་མཇུག་མའི་རྩེ་བར་ སེན་ཊི་མི་ཊར་༡༥་༢ ལས་མེད་པ་རེད།

འཛམ་གླིང་ནང་ཕྲུ་གུའི་ཕ་ལོ་ན་ཆེ་ཤོས། འཛམ་གླིང་ནང་ཕ་རྒན་ལོ་ཆེ་ཤོས་ནི་རྒྱ་གར་གྱི་ཞིང་པ་ན་ནུ་རཱམ་ཟེར་བ་དེ་ཡིན་ཅིང་། ཁོང༩༠ ལ་སོན་ སྐབས་ཕྲུ་གུ་ཞིག་བཟོས་པ་དང་། དེ་ནི་ཕྲུ་གུ་༢༡ པ་ཡིན་པ་རེད། ཁོང་གི་བུད་མེད་བཞི་ལ་གཉེན་སྒྲིག་བྱས་ པ་དང་། འབྱུང་འགྱུར་ལོ་བརྒྱ་ཐམ་པ་མ་ཟིན་བར་མུ་མཐུད་ནས་ཕྲུ་གུ་བཟོ་རྒྱུ་ཡིན་ཟེར།                       

ལུས་པོ་མཉམ་དུ་སྦྲེལ་བའི་མཚེ་མ་ལོ་ཆེ་ཤོས། ཕྱི་ལོ་༡༩༥༡ ལོར་མོ་རན་གྷ་ཡཱོན་ལ་མཚེ་ཕྲུག་ལུས་སྦྲེལ་བ་ཞིག་སྐྱེས་པ་དང་། སྐྱེས་ཟིན་རྗེས་སྨན་པས་སོ་ སོར་དབྱེ་ཐབས་གནང་བ་དང་སྐབས་དེར་གྲུབ་འབྲས་མ་ཐོན་པ་མ་ཟད། ཕྲུ་གུ་གཉིས་ཀྱི་ཚེ་སྲོག་ལ་ཉེན་ ཁ་ཆེན་པོ་བྱུང་། ཕ་མ་གཉིས་ལ་བྱེད་ཐབས་བྲལ་ནས་དཀའ་ངལ་ཆེན་པོ་འཕྲད་པ་རེད། མཚེ་མ་གཉིས་ ཀྱི་མིང་ལ་རོན་ནི་དང་ཌོན་ནི་ཟེར་གྱི་ཡོད་ལ། ད་ཆ་ལོ་༥༨ ལ་སླེབས་པ་དང་། ཁོང་གཉིས་ཐེངས་མང་ འཆི་གྲབས་བྱས་པས།                    ད་ལྟ་དངོས་སྒྲུང་གློག་བརྙན་བཟོ་མཁན་ཁག་ཅིག་གིས་པར་བརྒྱབ་ནས་མི་ཚེའི་ལོ་རྒྱུས་དངོས་གློག་བརྙན་གྱི་ ལམ་ནས་བཟོ་བཞིན་ཡོད་འདུག།

འཛམ་གླིང་ནང་གླིང་བུ་རྙིང་ཤོས། གནའ་ཤུལ་བརྟག་དཔྱད་པ་རྣམས་ཀྱིས་ཉེ་ཆར་གནའ་ཤུལ་རྙིང་པ་ཞིག་གསར་རྙེད་བྱུང་བ་དང་། དངོས་ རྗས་དེ་ནི་ལོ་༣༥༠༠༠ ཡིན་ཅིང་། ཐུ་བྷིན་ཇེན་གཙུག་ལག་སློབ་གྲྭའི་གནའ་ཤུལ་དཔྱད་ཞིབ་པ་ནིག་ཁོ་ལ་                                              སིཁོ་ནར་ཊིས་གསར་དུ་རྙེད་པའི་རུས་པ་དུམ་བུ་༡༢ རྣམས་ལྷུ་བསྒྲིགས་ནས། མཐར་རྒོད་རྐང་གི་གླིང་བུ་ ཞིག་ཡིན་པ་བསྒྲུབས་ཡོད་པ་རེད། ཁོང་གི་བརྗོད་ན་གླིང་བུ་དེ་ལོ་༣༥༠༠༠ ཙམ་རེད་འདུག་ཅེས་བརྗོད་ ཀྱང་། གླིང་བུ་དེ་ཤར་ནུབ་གང་ནས་བྱུང་མིན་ད་དུང་ཁ་གསལ་མེད་པ་རེད།

འཛམ་གླིང་ནང་ཕྲུ་གུ་སྐྱེ་མཁན་ལོ་ཆེ་ཤོས། རྒྱ་གར་ནས་ཡིན་པའི་ར་ཇོ་དྷེ་ཝི་ལོ་ཧན་ནི་ཕྲུ་གུ་བཙའ་མཁན་གྱི་བུད་མེད་ལོ་ཆེ་ཤོས་ཡིན་པ་རེད། ད་ལོ་ ན་ལོ་༧༡ ལ་སོན་ཡོད་པ་དང་། འདས་ལོ་༢༠༠༨    ལོར་ཁོང་ལོ་ན་༧༠ སོན་པའི་སྐབས་ཕྲུ་གུ་དང་པོ་དེ་                          བཙས་པ་དང་། དེའི་ཆེད་ཁོང་གིས་ལོ་ངོ་༤༠ ལྷག་ཙམ་རེ་སྒུག་བྱས་ཡོད་པ་རེད། ད་ཆ་ཁོང་གིས་ཕྲུ་གུ་དེ་ གསོ་སྐྱོང་གང་ལེགས་བྱེད་ཀྱི་ཡོད་པ་དང་། ཉུང་མཐར་ལོ་གསུམ་ཙམ་རིང་ཕྲུ་གུར་འོ་མ་སྟེར་རྒྱུུ་ཡིན་ཞེས་ བརྗོད་ཡོད་པ་རེད།

འཛམ་གླིང་ནང་ལུས་རྩལ་དགེ་རྒན་ལོ་ན་རྒན་ཤོས། རང་ལོ་ལོ་༨༣ ལ་སོན་པའི་ལུས་རྩལ་དགེ་རྒན་ཨོ་སི་ཊོ་ལི་ཡ་ནས་ཡིན་པའི་བྷེ་ཊེ་ཁལ་མཱན་ལོ་ན་མཐོ་ཡང༌།                         དུང་ལུས་རྩལ་སྦྱོང་བརྡར་བདེ་བླག་ཏུ་རྩེ་ཐུབ་པ་དང་། རང་ཉིད་ཀྱི་ཐུན་མིན་སྲོལ་བཏོད་པའི་རྩ་རླུང་འཕྲུལ་ འཁོར་ཡང་སྦྱོང་བརྡར་བྱེད་ཀྱི་ཡོད། ཁོང་གི་ལོ་ངོ་༤༠ ལྷག་ལུས་ ལུས་རྩལ་སྦྱོང་བརྡར་བྱས་ན་འཕྲོད་བསྟེན་ ལ་ཇི་ཙམ་ཕན་གྱི་ཡོད་པའི་ར་སྤྲོད་གསལ་པོ་གནང་ཡོད།