བོད་མདོ་སྨད་འཛམ་ཐང་བུད་མེད་ཅིག་གིས་རང་ལུས་མེར་བསྲེག
01/06/2012 15:52
བོད་མདོ་སྨད་འཛམ་ཐང་བུད་མེད་ཅིག་གིས་རང་ལུས་མེར་བསྲེག
བོད་ཀྱི་བང་ཆེན།།
དེ་རིང་བོད་མདོ་སྨད་འཛམ་ཐང་བར་མ་ཡུལ་ཚོ་རུ་བུད་མེད་རི་ཀྱོ་ཞེས་པ་ཞིག་གིས་རྒྱ་གཞུང་ལ་ངོ་རྒོལ་གྱིས་རང་ལུས་མེར་བསྲེག་བཏང་སྟེ་སྐུ་གྲོངས་ཡོད་འདུག
དེ་ཡང་དྷ་སར་གནས་སྡོད་ཚང་དབྱངས་རྒྱ་མཚོས་གནས་ཚུལ་འགྲེལ་བརྗོད་གནང་བ་ལྟར་ན། ཕྱི་ཟླ་༥ཚེས་༣༠ཉིན་གྱི་ཕྱི་དྲོའི་དུས་ཚོད་༣ཡས་མས་སུ་འཛམ་ཐང་ཇོ་ནང་དགོན་ཆེན་གྱི་ཉེ་འཁྲིས་སུ་ཕ་ཕྱུག་ལོ་དང་། མ་རིན་ལྷ་གཉིས་ཀྱི་བུ་མོ་རང་ལོ་༣༣ཡས་མས་ཡིན་པ་རི་ཀྱོ་ལགས་ཀྱིས་བོད་མི་རིགས་ཀྱི་རྩ་དོན་ཆེད་སྐུ་ལུས་མེར་བསྲེག་བཏང་སྟེ། ས་གནས་དེ་ག་རང་ལ་སྐུ་གྲོངས་ཡོད་འདུག
རྒྱལ་གཅེས་དཔའ་མོ་རི་ཀྱོ་ལགས་ནི་གཉེན་སྒྲིག་ཟིན་ཡོད་ལ། ཁོ་མོའི་ཁྱོ་གའི་མིང་ལ་སྣང་སྟོང་ཟེར་བ་དང་། ཁོ་གཉིས་ལ་བྱིས་པ་ཆུང་ཆུང་གསུམ་ཡོད་འདུག ཁོ་མོ་ནི་འཛམ་ཐང་བར་མ་ཡུལ་ཚོའི་གཙང་སྡེ་ཞེས་པ་ནས་ཡིན་འདུག །
———
Back