ཤིན་ཅང་མི་༡༦ སྐྱབས་བཅོལ

ཡུ་གུར་མི་༡༦གིས་མཉམ་འབྲེལ་རྒྱལ་ཚོགས་སུ་སྐྱབས་བཅོལ། ཤིན་ཅང་ཞེས་འབོད་པའི་ཤར་ཏུར་ཀི་སི་ཐན་གྱི་ཡུ་གུར་མི་རིགས་ཉུང་ཐར་ཡང་མི་གྲངས་བཅུ་དྲུག་ཤིན་ཅང་

ནས་ཀམ་སྦོ་ཌི་ཡའི་ནང་བྲོས་བྱོལ་དུ་སླེབས་ནས་ཡུལ་དེའི་ནང་ཡོད་པའི་འཛམ་གླིང་མཉམ་འབྲེལ་རྒྱལ་ཚོགས་

ཀྱི་སྐྱབས་བཅོལ་ལས་ཁང་ལ་སྐྱབས་བཅོལ་ཞུས་ཡོད་པའི་སྐོར་ཀམ་སྦོ་ཌི་ཡ་གཞུང་གི་མགྲིན་ཚབ་པས་གཟའ་

པ་སངས་ཉིན་འགྲེལ་བརྗོད་གནང་བཞག 

ཀམ་སྦོ་ཌི་ཡའི་ནང་སྲིད་ལས་ཁང་གི་མགྲིན་ཚབ་པ་ཁིའུ་སོབ་ཧེཀ་ཡིས་ཕེ་རན་སི་གསར་འགྱུར་བརྒྱུད་ལམ་

ལ་འགྲེལ་བརྗོད་གནང་དོན་ལྟར་ན་   ཐོག་མར་ང་ཚོས་ཤེས་རྟོགས་བྱུང་བར་སྐྱབས་བཅོལ་ཞུ་མཁན་ཡུ་གྲུར་

མི་རིགས་མི་གྲངས་བཅུ་དྲུག་ཡོད་པ་དང་ཡིན་ནའི་ད་ཆ་མི་གྲངས་ག་ཚོད་ཁ་སྣོན་བྱུང་ཡོད་མིན་དང་གང་

འདྲ་བྱས་ནས་འཛམ་གླིང་མཉམ་འབྲེལ་རྒྱལ་ཚོགས་སྐྱབས་བཅོལ་ལས་ཁང་གི་བཏང་འཛིན་འོག་གནས་ཐུབ་

མིན་སོགས་ཀྱི་ཞིབ་ཕྲའི་གནས་ཚུལ་གང་ཡང་ཤེས་རྟོགས་གསལ་པོ་མེད་ཅིང་ད་ལྟའི་ཆར་ང་ཚོར་འཛམ་གླིང་

མཉམ་འབྲེལ་རྒྱལ་ཚོགས་སྐྱབས་བཅོལ་ལས་ཁང་གིས་དེའི་སྐོར་གྱི་གནས་ཚུལ་གང་ཡང་འགྲེལ་བརྗོད་གནང་

མ་བྱུང་ཞེས་གསུང་བཞག

ཨ་རིའི་སྙན་གྲགས་ཆེ་བའི་ཚགས་ཤོག་ལྦ་ཤིང་ཀྲོན་ཕོ་ཉ་ཞེས་པའི་ཐོག་གཟའ་ཕུར་བུའི་ཉིན་གནས་ཚུལ་འཁོད་

པར་གཞིགས་ན་ཤིན་ཅང་ནས་ཀམ་སྦོ་ཌི་ཡ་རུ་བྲོས་བྱོལ་དུ་ཡོང་ནས་ཡུལ་དེའི་ནང་ཡོད་པའི་འཛམ་གླིང་མཉམ་

འབྲེལ་རྒྱལ་ཚོགས་ཀྱི་སྐྱབས་བཅོལ་ལས་ཁང་ལ་སྐྱབས་བཅོལ་ཞུ་མཁན་མི་གྲངས་༢༢ཡོད་པ་འཁོད་ཡོད་པ་དང་

ཡིན་ནའི་འཛམ་གླིང་མཉམ་འབྲེལ་རྒྱལ་ཚོགས་སྐྱབས་བཅོལ་ལས་ཁང་གིས་དེའི་སྐོར་ལ་ད་ལྟའི་ཆར་འགྲེལ་

བརྗོད་གང་ཡང་གནང་མིན་འདུག

ད་ལོ་ཕྱི་ཟླ་བདུན་པའི་ནང་ཤིན་ཅང་ས་ཁུལ་ནང་ཡུ་གུར་མི་རིགས་ཚོས་རྒྱ་ནག་གཞུང་གི་དབང་འཛིན་ལ་ངོ་

རྒོལ་གྱི་རྔམ་སྟོན་བྱས་ནས་ཡུ་གུར་མི་རིགས་དང་ཤིན་ཅང་ནང་ཡོད་པའི་རྒྱ་མི་རིགས་དབར་འཁྲུག་ཟིང་བྱུང་

ཏེ་རྒྱ་ནག་གཞུང་ཕྱོགས་ཀྱིས་གྲངས་འབོར་ཕྱིར་བསྒྲགས་བྱས་པར་གཞིགས་ན་ཉུང་ཐར་མི་གྲངས་༡༩༧རྐྱེན་ལམ་

དུ་ཕྱིན་ཡོད་པ་དང་མི་གྲངས་༡༦༠༠ལྷག་ཙམ་ལ་རྨས་སྐྱོན་ཕོག་ཡོད་ལུགས་བཤད་ཡོད་པ་དང་ཤིན་ཅང་ནང་

འཁྲུག་ཟིང་གི་དོན་རྐྱེན་བྱུང་བའི་རྗེས་རྒྱ་ནག་གཞུང་གིས་ཡུ་གུར་མི་རིགས་འཕོན་ཆེ་འཛིན་བཟུང་བྱས་ཡོད་པ་

མ་ཟད་ད་རེས་ཕྱི་ཟླ་བཅུ་གཅིག་པའི་ནང་ཤིན་ཅང་གི་དོན་རྐྱེན་དང་འབྲེལ་བ་ཡོད་པའི་མི་གྲངས་༡༠སྲོག་ཐོག་

བཏང་ཡོད་པ་དང་དོན་རྐྱེན་བྱུང་བ་ནས་ད་བར་མི་གྲངས་༢༡ལ་སྲོག་ཐོག་གི་ཉེས་ཆད་བཅད་ཡོད་པ་རེད་