ལག་པ་ཆེ་ཤོས།
23/10/2009 13:10
འཛམ་གླིང་ནང་གི་ལག་པ་ཆེ་ཤོས།
བོད་ཀྱི་བང་ཆེན།
ཕྱི་ལོ་༢༠༠༧ ཟླ་༡༡ ཚེས་༡ ཉིན་གྱི་གནས་ཚུལ་སྤེལ་བ་ལྟར་ན། རྒྱ་ནག་ཇེང་སུ་༼ Jiangsu༽ཞིང་ཆེན་ནས་ཡིན་པའི་ལི་
ཧུ་༼ Liu Hua༽ཞེས་པ་རང་ལོ་༢༤ ཡིན་པ་དེའི་ལག་པ་གཡོན་མ་དེ་འཛམ་གླིང་ནང་གི་ལག་པ་ཆེ་ཤོས་ཡིན་པ་རེད་
འདུག ཁོའི་མཐེ་བོང་ནས་འཛུབ་མོ་གསུམ་ཧ་ཅང་གི་ཆེན་པོ་དང་གཞན་གཉིས་སྤྱིར་བཏང་གི་འཛུབ་མོ་རེད་འདུག
ལི་འུ་ལོ་རེ་བཞིན་ཆེ་རུ་འགྲོ་དུས་ཁོའི་འཛུབ་མོ་རྣམས་ཀྱང་ཆེ་རུ་འགྲོ་ཡི་ཡོད་འདུག འདས་ལོ་༢༠༠༧ ཕྱི་ཟླ་༧ ནང་
ཁོ་རང་ཤང་གྷ་ཡི་༼ Shanghai No. 9༽མི་དམངས་སྨན་ཁང་དུ་ཕྱིན་པ་དང་དེར་ཁོའི་འཛུབ་མོ་རྣམས་ཚད་བརྒྱབ་
དུས་ཁོའི་མཐེ་བོང་དེ་སེཎ་ཊི་མི་ཊར་༢༦་༼26 centimeters༽དང་དེ་ནས་འཛུབ་མོ་གཉིས་པ་དེ་སེཎ་ཊི་མི་ཊར་༣༠
དང་འཛུབ་མོ་བར་མ་དེ་སེཎ་ཊི་མི་ཊར་༡༥ ཡོད་པ་དང་ཁོའི་ལག་པ་གཡོན་མ་དེ་ཆ་ཚང་གི་ལྗིད་ཚད་ཀིའ་ལོ་༡༠
ཡོད་འདུག ལི་འུའི་ན་ཚ་དེའི་མིང་ལ་མེའ་ཀོརོ་ཌེཀ་ཊ་ཡིལ་༼ macrodactyly ༽ཟེར་གྱི་ཡོད་པ་དང་ན་ཚ་དེ་ནི་
ལག་པའི་མཛུབ་མོའམ་རྐང་པའི་མཛུབ་མོ་རྣམས་སྤྱི་དང་མི་མཐུན་པ་སྐྱེ་ཡི་ཡོད། ན་ཚ་དེའི་རྐྱེན་ནི་ད་ལྟའང་ཤེས་
ཀྱི་མེད། ལི་འུའི་འཛུབ་མོ་དང་ལག་པ་ཆེ་རུ་འགྲོ་རྒྱུ་ཉེ་ཆར་མཚམས་ཆད་ཡོད་པ་དང་ཕྱི་ལོ་༢༠༠༧ ཟླ་༧ ཚེས་༢༠
ཉིན་གཤག་བཅོས་སྨན་པས་ཆུ་ཚོད་བདུན་རིང་བཤའ་་བཅོས་བྱས་ཡོད། དེའི་སྐབས་ཁོའི་ལག་པ་ནས་ཤ་དང་རུས་
པ་ཀཱི་ལོ་༥ ལྷག་ཙམ་གཏུབ་ཡོད་འདུག དེ་ནས་བཤའ་བཅོས་གཉིས་པ་དེ་ཟླ་བ་དྲུག་གི་རྗེས་ལ་བྱས་འདུག
ད་ལྟ་ཁོའི་ལག་པ་དང་འཛུབ་མོ་རྣམས་སྤྱི་དང་མཐུན་པའི་བཟོ་ལྟ་དང་བེད་སྤྱོད་ཡོད་པ་་ཆགས་རྒྱུར་རེ་བ་བྱེད་ཀྱི་
ཡོད་པ་རེད།།
———
Back