ཡུ་གུར་འགོ་ཁྲིད་
15/07/2009 11:03
ཨ་རིའི་སྲིད་འཛིན་ཡུ་གུར་འགོ་ཁྲིད་མཇལ་འཕྲད་གནང་དགོས།
RFA རླུང་འཕྲིན་ཁང་།
༄༅། །ཨ་རིའི་གྲོས་ཚོགས་ཀྱི་ཊོམ་ལེན་ཊོ་སི་འགྲོ་བ་མིའི་ཐོབ་ཐང་ཚོགས་ཆུང་གི་ཟུང་སྦྲེལ་ཚོགས་གཙོ་གྲོས་
ཚོགས་འོག་མའི་འཐུས་མི་ཕེརེང་ལྦུལྥ་མཆོག་གིས་ཨ་རིའི་སྲིད་འཛིན་སྦ་རཀ་ཨོ་སྦ་མ་མཆོག་དང་ཁོང་གི་ཕྱི་སྲིད་
ལས་ཁུངས་ཀྱི་མི་སྣ་ཁག་གིས་ཡུ་གུར་མི་རིགས་ཀྱི་འགོ་ཁྲིད་རེ་བི་ཡ་ཀ་རྡིར་མཆོག་དང་མཇལ་འཕྲད་གནང་
དགོས་པའི་སྐུལ་མ་གནང་འདུག
ཕེ་རེང་ལྦུལྥ་མཆོག་གིས་སྲིད་འཛིན་ཨོ་སྦ་མ་མཆོག་ལ་ཕུལ་བའི་ཕྱག་བྲིས་ནང་འདི་ལྟར་འཁོད་ཡོད་པ་སྟེ་ཨ་རིའི་
ཕྱི་འབྲེལ་དང་བདེ་འཇགས་ལས་ཁུངས་གཉིས་ཀྱི་མཐོ་རིམ་འགན་འཛིན་ལས་བྱེད་པས་རྒྱ་ནག་གཞུང་དང་ལྟ་སྤྱོད་
མི་མཐུན་པའི་མི་སྣ་གྲགས་ཅན་དང་ནོ་བེལ་གཟེངས་རྟགས་ཀྱི་འོས་མི་རེ་སྦི་ཡ་ཀ་རྡིར་དང་མཇལ་འཕྲད་གནང་སྟེ་
ཉེ་ཆར་ཡུ་གུར་རང་སྐྱོང་ལྗོངས་ནང་དྲག་སྤྱོད་བྱུང་བའི་སྐོར་གྲོས་བསྡུར་གནང་སྐྱོང་བའི་འབོད་སྐུལ་ཞུ་ཡི་ཡོད་ཅེས་
དང་ཡུ་གུར་རང་སྐྱོང་ལྗོངས་ནང་བྱུང་བའི་དྲག་སྤྱོད་དེའི་ནང་མི་གྲངས་༡༨༣སྐོར་གྱི་ཚེ་སྲོག་ཤོར་ཡོད་པའི་རྒྱ་ནག་
གཞུང་འབྲེལ་བརྒྱུད་ལམ་ནང་བཤད་ཡོད་ཅིང་ཡུ་གུར་རང་སྐྱོང་ལྗོངས་ཀྱི་འགོ་ཁྲིད་ཀྱིས་ཟིང་འཁྲུག་གི་སྐུལ་སློང་
བྱེད་མཁན་རེ་སྦི་ཡ་ཀ་རྡིར་རེད་ཅེས་སྐྱོན་འཛུགས་བྱས་ཡོད་པ་ཨེ་ཤེ་ཡ་རང་དབང་རླུང་འཕྲིན་ཁང་གིས་གསར་
འགོད་བྱས་འདུག་ཅེས་དང་རྒྱ་ནག་གཞུང་གི་གསར་འགྱུར་བརྒྱུད་ལམ་ཁག་ནང་འཁྱོག་བཤད་བྱས་པའི་ཉེར་ལེན་
གྱིས་རྒྱ་ཧན་མི་རིགས་ཆེན་པོའི་ལྟ་བ་ཤུགས་ཆེ་རུ་ཕྱིན་ཏེ་མི་རིགས་ཀྱི་ཟིང་འཁྲུག་སློང་གཞིར་གྱུར་ཡོད་ཅེས་དང་རྒྱ་
ནག་གི་སྲིད་འཛིན་ཧུ་ཇིན་ཏའོ་ཡིས་ས་གནས་གནས་སྟངས་བཏང་འཛིན་འོག་ཚུད་ཡོད་ལུགས་རྒྱལ་སྤྱིའི་ནང་གསལ་
བསྒྲགས་བྱས་ཡོད་ཀྱང་རྒྱལ་ས་ཨུ་རུམ་ཆི་ནང་ཧན་མི་རིགས་ཀྱིས་ཡུ་གུར་མི་རིགས་ལ་བརྡུང་རྡེག་མུ་མཐུད་གཏོང་
བཞིན་པར་ས་གནས་ཉེན་རྟོག་པས་བཀག་འགོག་མེད་པ་མ་ཟད་སྤྱི་བདེ་མི་སྣས་ཡུ་གུར་མི་རིགས་མང་པོ་བཙན་འཁྲིད་
བྱས་པ་རྣམས་ནང་མི་ཚོར་གར་ཡོད་ཤེས་རྟོགས་མེད་པར་གྱུར་ཡོད་པ་རེད་ཅེས་བཀོད་གནང་འདུག།
———
Back