ཞུ་གཏུཊ་ཀྱི་ལས་འགུལ
08/12/2009 11:52
ཁམས་ཕྱོཊ་སུ་བོད་མི་ཚོས་ཞུ་གཏུཊ་ཀྱི་ལས་འགུལ་སྤེལ་བ། བོད་ཀྱི་ཁམས་ཉག་ཆུ་ཁའི་ས་ཁུལ་དུ་བོད་མི་རྣམས་ཀྱིས་ཞི་བའི་ཞུ་གཏུགས་ཀྱི་ལས་འགུལ་སྤེལ་མཁན་བོད་རིགས་
བདུན་བཅུ་ལྷག་ཙམ་ཉག་ཆུ་ཁའི་རྗོང་ནས་ལེ་དབར་བཞིའི་མཚམས་སུ་ཡོད་པའི་རྒྱ་ནག་གི་བཙོན་ཁང་གསར་པའི་
ནང་བཀག་ཉར་བྱེད་བཞིན་ཡོད་པའི་གནས་ཚུལ་ཤེས་རྟོགས་བྱུང་འདུག ཕྱི་ཟླ་བཅུ་པའི་ཚེས་ལྔ་དང་དྲུག་གི་ཉིན་
བོད་ཀྱི་ཁམས་ཉག་ཆུ་ཁའི་རྫོང་གི་ས་ཁུལ་ཡིན་པའི་ཨོ་ཐོག་དང་མགོ་ལོག་ས་གཉིས་ནས་ཡིན་པའི་བོད་རིགས་ན་
གཞོན་དྲུག་བཅུ་ཙམ་གྱིས་རྫོང་ཐོག་ཏུ་ཕྱིན་ནས།རྒྱ་ནག་གིས་འཛིན་བཟུང་བཀག་ཉར་འོག་ཏུ་གནས་བཞིན་པའི་
སྤྲུལ་སྐུ་བསྟན་འཛིན་བདེ་ལེགས་རིན་པ་ཆེ་མཆོག་གློད་འགྲོལ་གཏང་དགོས་པའི་འབོད་བསྐུལ་གནང་ཡོད་པ་རེད།
ཡིན་ནའང་རྒྱ་ནག་གི་དཔོན་རིགས་ཚོས་ཁོང་རྣམས་ཀྱི་ཞུ་གཏུགས་ལ་ཉན་འཇོག་བྱས་མེད་པ་མ་ཟད། ཉེས་རྡུང་
ཚབས་ཆེ་བཏང་ནས་འཛིན་བཟུང་བཀག་ཉར་བྱས་ཡོད་པ་དང་།ཁོང་རྣམས་ཀྱི་མོ་ཊར་སྦག་སྦག་གཏོར་སྐྱོན་་བཏང་
ནས་དམག་མིའི་སྣུམ་འཁོར་ནང་བཅུག་ནས་བཙན་འཕྲོག་བྱས་ཡོད་པ་རེད།
དེ་ཡང་ཞི་བའི་ལས་འགུལ་ནང་མཉམ་ཞུགས་གནང་མཁན་བོད་རིགས་ཤིག་གིས་ཨ་མི་རི་ཀའི་ནང་དུ་བཞུགས་
མཁན་བོད་རིགས་ཤིག་ལ་གསུངས་དོན་ལྟར་ན།བོད་རིགས་མང་པོ་ཞིག་འཛིན་བཟུང་བྱས་ཡོད་པ་དང་དེ་ཁོང་
ནས་བོད་རིགས་དྲུག་བཅུ་ནས་བདུན་བཅུ་ཙམ་ཉག་ཆུ་ཁའི་རྗོང་ནས་ལེ་དབར་བཞི་མཚམས་སུ་རྒྱ་ནག་གིས་གསར་
དུ་བརྒྱབ་པའི་བཙོན་ཁང་ཞིག་གི་ནང་དུ་བཀག་ཉར་བྱས་ཡོད་པའི་འགྲེལ་བརྗོད་གནང་འདུག
ཕྱི་ལོ་ཉིས་སྟོང་གཉིས་ལོ་ནས་བཙོན་འཇུག་བྱས་པའི་སྤྲུལ་སྐུ་བསྟན་འཛིན་བདེ་ལེགས་གློད་འགྲོལ་གཏང་དགོས་
པའི་ཞུ་གཏུགས་ལས་འགུལ་ནང་ཉག་ཆུ་ཁའི་རྗོང་གི་ཁྱབ་ཁུངས་ཡིན་པའི་གོ་ལོག་དང་ཨོ་ཐོག་ས་ཁུལ་གཉིས་
ནས་བོད་མི་ལྔ་བརྒྱ་ལྷག་ཙམ་མཉམ་ཞུགས་བྱས་ཡོད་པ་དང་། ལི་ཐང་དང་ཉག་ཆུ་ཁའི་ས་ཁུལ་དུ་རྒྱ་ནག་གིས་
དམག་མི་འབོར་ཆེན་བཀྲམ་ཡོད་པ་བཅས་ཀྱི་གནས་ཚུལ་འདི་ག་རླུང་འཕྲིན་ཁང་ལ་འགྲེལ་བརྗོད་གནང་འདུག།
———
Back