མི་་ལྔ་ལ་སྲོག་ཁྲིམས་

ཤིན་ཅའང་དུ་ཡུ་གུར་མི་རིགས་ལྔ་ལ་སྲོག་ཁྲིམས་བཅད་པ།

གསར་ལམ་ཁག་ནས་གནས་ཚུལ་སྤེལ་གསལ་ལྟར་ན། རྒྱ་ནག་གི་ཁྲིམས་ཁང་ཞིག་གིས་ཁ་སྔོན་ཕྱི་ཟླ་བདུན་པའི་ནང་

ཤིན་ཅའང་གི་རྒྱལ་ས་ཨུ་རུམ་ཆི་ནང་གི་ཟིང་ཆའི་དོན་རྐྱེན་ནང་མི་བསད་པ་སོགས་ཁྲིམས་འགལ་གྱི་ཉེས་པ་བསགས་

ཡོད་ལུགས་ཀྱིས་མི་ལྔ་ལ་སྲོག་ཐོག་གི་ཉེས་ཆད་བཏང་ཡོད་པ་རེད། རྒྱ་ནག་གི་ཤིང་ཧྰ་གསར་ཤོག་ཐོག་ལ་ད་དུང་

ཤིན་ཅའང་གི་རྒྱལ་ས་ཨུ་རུམ་ཆི་གྱི་ཁྲིམས་ཁང་ནས་མི་གཉིས་ལ་ཚེ་བཙོན་གྱི་ཉེས་ཆད་ཐག་གཅོད་བྱས་པ་དང་སྲོག་

ཐོག་གི་ཉེས་ཆད་བཏང་བའི་མི་ལྔ་པོ་དེ་དག་ནི་ཡུ་གུར་མི་རིགས་ཡིན་ཞིང། དེ་བཞིན་འདི་ལོའི་ཕྱི་ཟླ་བདུན་པའི་

ཚེས་ལྔའི་ཉིན་གྱི་ཟིང་ཆའི་དོན་རྐྱེན་ནང་ཐེ་ཇུས་ཡོད་པའི་མི་ལྔ་ལ་རེས་གཟའ་པ་སངས་ཉིན་ཁྲིམས་ཐག་གཅོད་རྒྱུ་

ཡིན་སྐོར་བཀོད་ཡོད་པ་རེད།

རྒྱ་ནག་གཞུང་གིས་ཤིང་ཅང་ཟེར་འབོད་པའི་ཤར་ཏུར་ཀི་སི་ཐན་ནང་དུ་ད་བར་མི་ལོ་བཅུ་ཕྲག་མང་པོའི་རིང་ལ་

བྱུང་མྱོང་མེད་པའི་ཡུ་གུར་གྲངས་ཉུང་མི་རིགས་ཚོས་རྒྱ་ནག་གཞུང་ལ་ངོ་རྒོལ་གྱི་ལས་འགུལ་གཞི་རྒྱ་ཆེན་པོ་ཞིག་

སྤེལ་ཏེ་རྒྱལ་ས་ཨུ་རུམ་ཆི་ནང་དུ་གནས་སྡོད་རྒྱ་ཧའན་མི་རིགས་ཐོག་ལ་རྒོལ་རྡུང་བཏང་བ་དང་དོན་རྐྱེན་དེ་བྱུང་

སྟེ་ཉིན་མ་གཉིས་ཀྱི་རྗེས་སུ་རྒྱ་ཧའན་མི་རིགས་ཚོས་ཡུ་གུར་མི་རིགས་ཐོག་ཕར་རྒོལ་བྱས་ཏེ་མི་རིགས་གཉིས་བར་

གྱི་འཐབ་རྩོད་དང་འགལ་ཟླའི་རྣོ་ངར་ཆེན་པོ་བྱུང་ཡོད་པ་རེད། ཡུ་གུར་གྲངས་ཉུང་མི་རིགས་མང་པོ་ཞིག་གིས།

རྒྱ་ནག་གཞུང་ཕྱོགས་ནས་ཁོང་ཚོའི་ཆོས་དད་རང་དབང་ཐོག་བཏང་འཛིན་དང། རིག་གཞུང་གཅེས་འཛིན་ཐོག་

ལ་དམ་བསྒྲགས་བྱེད་པའི་སྲིད་ཇུས་དང།

ལྷག་པར་དུ་ཤིན་ཅའང་ས་ཁུལ་དུ་རྒྱ་ཧའན་མི་རིགས་མང་པོ་གནས་སྤོ་བྱས་ཏེ་ཡུ་གུར་མི་རིགས་རྣམས་རང་གི་

ས་གནས་ནང་གྲངས་ཉུང་མི་རིགས་སུ་འགྱུར་བཞིན་པའི་གནས་སྟངས་ལ་ཁོན་འཛིན་གྱི་རྣམ་པ་ཤུགས་ཆེ་རུ་འགྲོ་

བཞིན་པའི་ཁར་ཉེ་ཆར་ཕྱི་ཟླ་དྲུག་པའི་ནང་རྒྱ་ནག་གི་ལྷོ་ཕྱོགས་ཀོང་ཏུང་ཞིང་ཆེན་ནང་གི་བཟོ་གྲའི་ལས་བཟོ་བ་

ཡུ་གུར་མི་རིགས་ཐོག་རྒྱ་ཧའན་མི་རིགས་ལས་བཟོ་བས་རྒོལ་རྡུང་བཏང་སྟེ་ཡུ་གུར་ལས་བཟོ་བ་གཉིས་རྐྱེན་ལམ་

དུ་ཕྱིན་པའི་གནས་སྟངས་གི་ཐོག་ནས་འཁོན་འཛིན་གྱི་རྣོ་ངར་ཆེ་རུ་ཕྱིན་ཏེ་ཕྱི་ཟླ་བདུན་པའི་ཚེས་ལྔ་ཉིན་གྱི་དོན་

རྐྱེན་དེ་བྱུང་བ་ཡིན་པ་རེད།