བོད་མི་འཛིན་བཟུང་
08/12/2011 00:37རྒྱ་གཞུང་ཉེན་རྟོག་པས་བོད་མི་འཛིན་བཟུང་བྱས་པའི་བརྙན་འཕྲིན་གསར་པ་ཞིག
རྒྱ་ནག་གཞུང་གིས་བོད་ཀྱི་སེ་ར་དགོན་པའི་ཉེ་འཁྲིས་སུ་ཡོད་པའི་ལྷ་ས་གྲོང་ཁྱེར་ཁྲེང་ཀོན་ཆུས་དོག་སྡེ་ཤང་རུ་ཁག་གཉིས་པ་གཙོ་བོ་གྱུར་བའི་ས་གནས་མང་ཚོགས་ཀྱི་ཁྱིམ་དུ་བསྔོག་བཤེར་དང་མི་སྣ་གང་བྱུང་འཛིན་བཟུང་བྱས་པའི་བརྙན་པར་ཞིག་འབྱོར་ཡོད་པ་རེད།
དེ་ཡང་tibet.net ཐོག་ཟླ་འདིའི་ཚེས་༧ ཉིན་གནས་ཚུལ་སྤེལ་བའི་ནང་འཁོད་དོན། ལྷ་ས་གྲོང་ཁྱེར་སྤྱི་བདེ་ཚན་པའི་ཁྱབ་ཁོངས་ཀྱི་སྡེ་ཚན་ཁག་གཅིག་སྟེ། དྲག་ཆས་ཉེན་རྟོག་དམག་མི་དང། ཉེན་རྟོག་རུ་ཆེན། སྤྱི་བདེ་ཉེན་རྟོག་པ། དམིགས་བསལ་དྲག་ཆས་ཉེན་རྟོག་པ། མཐའ་མཚམས་སྲུང་དམག་སོགས་ཚན་པ་ཁག་ལྔ་ཙམ་ལས་གྲུབ་པའི་དྲག་ཆས་སྤྲས་པའི་དམག་ མིས་ཕྱི་ལོ་ ༢༠༠༨ ཟླ་ ༣ པའི་མཇུག་བོད་ཀྱི་སེ་ར་དགོན་པའི་ཉེ་འཁྲིས་སུ་ཡོད་པའི་ལྷ་ས་གྲོང་ཁྱེར་ཁྲེང་ ཀོན་ཆུས་དོག་སྡེ་ཤང་རུ་ཁག་གཉིས་པ་གཙོ་བོ་གྱུར་བའི་ས་གནས་མང་ཚོགས་ཀྱི་ཁྱིམ་དུ་བསྔོག་བཤེར་དང་མི་སྣ་གང་བྱུང་འཛིན་བཟུང་བྱས་ཡོད་འདུག་པ་དང། འཛིན་བཟུང་བྱེད་དགོས་པའི་རྒྱུ་མཚན་གཙོ་བོ་ནི་ཕྱི་ལོ་ ༢༠༠༨ ཟླ་ ༣ ཚེས་ ༡༠ ཉིན་ལྷ་སར་སེར་འབྲས་གཉིས་ཀྱི་དགེ་འདུན་པས་ཞི་བའི་ངོ་རྒོལ་གྱི་ལས་འགུལ་ཐོག་མར་བྱུང་རྗེས་ཕྱི་ཟླ་ ༣ ཚེས་ ༡༡ ཉིན་སེ་རའི་ལམ་སོགས་སུ་སེ་རའི་དགེ་འདུན་པ་དང། ཆུ་བཟང་དགོན་པའི་བཙུན་མ་སོགས་ཀྱིས་ཞི་བའི་སྐད་འབོད་བྱེད་སྐབས་ལམ་བར་དྲག་ཆས་ ཉེན་རྟོག་པས་བཀག་འགོག་བྱས་རྗེས་དོག་སྡེ་ཤང་གི་མང་ཚོགས་ཁག་གཅིག་གིས་ཞི་བའི་ ངོ་རྒོལ་ནང་མཉམ་ཞུགས་བྱས་པའི་གནས་ཚུལ་ཐོན་ཡོད་འདུག གནས་ཚུལ་དེས་རྐྱེན་པས་ལྷ་ས་གྲོང་ཁྱེར་སྤྱི་བདེ་ཚན་པས་ཉིན་དེ་རང་དུ་འཛིན་ བཟུང་བྱེད་མ་ཐུབ་པའི་ས་གནས་མང་ཚོགས་ཁག་གཅིག་ཞིབ་རྩད་བྱས་རྗེས་གློ་བུར་དུ་ དྲག་ཤུགས་བེད་སྤྱོད་ཀྱིས་ཁྱིམ་དུ་ཡོང་སྟེ་འཛིན་བཟུང་བྱས་ཡོད་པ་མ་ཟད། ཁྱིམ་ཚང་སྔོག་བཤེར་བྱས་པ། གང་བྱུང་ཉེས་རྡུང་བཏང་བ་སོགས་བྱུང་ཡོད། འཛིན་བཟུང་བྱས་པའི་མི་སྣ་དེ་དག་ཁྲོད་ནས་ཁག་གཅིག་འཆི་གསོན་ཇི་བྱུང་གི་གནས་ སྟངས་ད་དུང་ཡང་ནང་མི་ཚོས་ཤེས་རྟོགས་མེད་པའི་གནས་ཚུལ་ཐོན་ཡོད་པ་བཅས།།
———
Back