ནང་ཆོས་ངོ་སྤྲོད། 27
04/09/2009 17:51དྲན་ཤེས་ལྡན་པས་གཞན་དོན་སྒྲུབ་པ་ལ་བསླབ་པ།
བཞི་པ་ནི། རྩ་བ་ལས།
མདོར་ན་གང་དུ་སྤྱོད་ལམ་གང་བྱེད་ཀྱང༌། །རང་གི་སེམས་ཀྱི་གནས་སྐབས་ཅི་འདྲ་ཞེས། །
རྒྱུན་དུ་དྲན་དང་ཤེས་བཞིན་ལྡན་པ་ཡིས། །གཞན་དོན་སྒྲུབ་པ་རྒྱལ་སྲས་ལག་ལེན་ཡིན། །
ཞེས་པ་འདི་ཡན་གྱིས་དངོས་གཞིའི་གཞུང་གྲུབ་པ་ཡིན།
དགེ་བ་རྫོགས་བྱང་དུ་བསྔོ་བ།
ལྔ་པ་ནི། རྩ་བ་ལས།
དེ་ལྟར་བརྩོན་པས་བསྒྲུབས་པའི་དགེ་བ་རྣམས། །མཐའ་ཡས་འགྲོ་བའི་སྡུག་བསྔལ་བསལ་བྱའི་ཕྱིར། །
འཁོར་གསུམ་རྣམ་པར་དག་པའི་ཤེས་རབ་ཀྱིས། །བྱང་ཆུབ་བསྔོ་བ་རྒྱལ་སྲས་ལག་ལེན་ཡིན། །
ཞེས་པའི་འཁོར་གསུམ་ནི་གོང་དང་འདྲ་ཞིང༌། འདི་ཡན་གྱིས་ལག་ལེན་སུམ་ཅུ་སོ་བདུན་རྣམས་གྲུབ་པ་ཡིན།
གང་གི་དོན་དུ་ཇི་ལྟར་དུ་བརྩམས་པ།
གསུམ་པ་མཇུག་གི་དོན་ལ་ལྔ། གང་གི་དོན་དུ་ཇི་ལྟར་བརྩམས་པ། ལག་ལེན་འཁྲུལ་མེད་དུ་བསྟན་པ། ཁེངས་བསྐྱུང་ཞིང་བཟོད་པར་གསོལ་བ། བརྩམས་པའི་དགེ་བ་བྱང་ཆུབ་ཏུ་བསྔོ་བ། ཕུན་སུམ་ཚོགས་པ་བཞི་ལྡན་གྱི་སྦྱར་བྱང་ངོ༌། །
དང་པོ་ནི། རྩ་བ་ལས།
མདོ་རྒྱུད་བསྟན་བཅོས་རྣམས་ལས་གསུངས་པའི་དོན། །དམ་པ་རྣམས་ཀྱི་གསུང་གི་རྗེས་འབྲངས་ནས། །
རྒྱལ་སྲས་རྣམས་ཀྱི་ལག་ལེན་སུམ་ཅུ་བདུན། །རྒྱལ་སྲས་ལམ་ལ་སློབ་འདོད་དོན་དུ་བཀོད། །
ལག་ལེན་འཁྲུལ་མེད་དུ་བསྟན་པ།
གཉིས་པ་ནི། རྩ་བ་ལས།
བློ་གྲོས་དམན་ཞིང་སྦྱངས་པ་ཆུང་བའི་ཕྱིར། །མཁས་པ་དགྱེས་པའི་སྡེབ་སྦྱོར་མ་མཆིས་ཏེ། །
མདོ་དང་དམ་པའི་གསུང་ལ་བརྟེན་པའི་ཕྱིར། །རྒྱལ་སྲས་ལག་ལེན་འཁྲུལ་མེད་ལགས་པར་སེམས། །
ཁེངས་བསྐྱུང་ཞིང་བཟོད་པར་གསོལ་བ།
གསུམ་པ་ནི། རྩ་བ་ལས།
འོན་ཀྱང་རྒྱལ་སྲས་སྤྱོད་པ་རླབས་ཆེན་རྣམས། །བློ་དམན་བདག་འདྲས་གཏིང་དཔག་དཀའ་བའི་ཕྱིར། །
འགལ་དང་མ་འབྲེལ་ལ་སོགས་ཉེས་པའི་ཚོགས། །དམ་པ་རྣམས་ཀྱིས་བཟོད་པར་མཛད་དུ་གསོལ། །
བརྩམས་པའི་དགེ་བ་བྱང་ཆུབ་ཏུ་བསྔོ་བ།
བཞི་པ་ནི། རྩ་བ་ལས།
དེ་ལས་བྱུང་བའི་དགེ་བས་འགྲོ་བ་ཀུན། །དོན་དམ་ཀུན་རྫོབ་བྱང་ཆུབ་སེམས་མཆོག་གིས། །
སྲིད་དང་ཞི་བའི་མཐའ་ལ་མི་གནས་པའི། །སྤྱས་རས་གཟིགས་མགོན་དེ་དང་མཚུངས་པར་ཤོག །
ཕུན་སུམ་ཚོགས་པ་བཞི་ལྡན་གྱི་སྦྱར་བྱང༌།
ལྔ་པ་ནི། ཅེས་པ་འདི་ནི་རང་གཞན་ལ་ཕན་པའི་དོན་དུ་ལུང་དང་རིགས་པ་སྨྲ་བའི་བཙུན་པ་ཐོགས་མེད་ཀྱིས་
དངུལ་ཆུའི་རིན་ཆེན་ཕུག་ཏུ་སྦྱར་བའོ། །ཞེས་གསུངས་ཏེ། གང་བརྩམ་བྱ། གང་ཕྱིར་བརྩམས་པ། གང་གིས་རྩོམ་པ་པ
ོ། གང་དུ་བརྩམས་པ་སྟེ། ཕུན་སུམ་ཚོགས་པ་བཞི་དང་ལྡན་པའི་སྦྱར་བྱང་སྨོན་པའོ།། །། རྗེས་མར་་་
———
Back