གསོ་རིག་བརྗོད་དོན

                     ༄༅། །བོད་ཀྱི་གསོ་རིག་བརྗོད་དོན་རགས་བསྡུས།

དེ་ལ་གཉིས། དགོས་པ་དང་འབྲེལ་བའི་བཤད་བྱ་ངོས་བཟུང་བ་དང་། གསོ་རིག་དངོས་ཀྱི་ཚུལ་བཤད་པའོ།།

དང་པོ་ལ། ལུས་སྲོག་གསོ་བའི་རིག་པ་ཀུན་གྱི་བཅུད།། དཔལ་ལྡན་རྒྱུད་ཆེན་བདུད་རྩི་སྙིང་པོའི་ལུས།། ཞེས་རྟེན་ལུས་དང་བརྟེན་པ་སྲོག་བཅས་བདེ་བར་འཚོ་ཞིང་མི་འདོད་པའི་ན་བ་གསོ་བར་བྱེད་པའི་ཐབས་སམ་རིག་

པ་སྟོན་བྱེད་ཀྱི་གཞུང་མདོ་དང་རྒྱུད་སྡེ་མཐའ་ཡས་པ་བཞུགས་ཀྱང་།   དེ་དག་ཐམས་ཅད་ཀྱི་བཅུད།   དཔལ་ལྡན་

བདུད་རྩིའི་སྙིང་པོ་ཡན་ལག་བརྒྱད་པ་གསང་བ་མན་ངག་གི་རྒྱུད་རིན་པོ་ཆེ་ཞེས་བྱ་བ་ནི། སྐྱེ་བོ་ཀུན་གྱིས་གོ་སླ་བ་

དང་། ལག་ལེན་བྱེད་བདེ་བ། ཡན་ལག་བརྒྱད་ཀྱི་དོན་རྫོགས་པར་སྟོན་ཞིང་ཤིན་ཏུ་ཕན་རླབས་ཆེ་བས་བོད་ཀྱི་གསོ་བ་

རིག་པ་ལས་བསྟན་བཅོས་འདིའི་རྣམ་པར་གཞག་པ་རགས་ཙམ་ཤེས་ན། གསོ་དཔྱད་ཀུན་གྱི་དོན་བདེ་བླག་ཏུ་རྟོགས་

པར་འགྱུར་བར་གསུངས་པས། དེའི་ཕྱིར་རང་དང་སྐལ་མཉམ་དག་ལ་སྨན་ཆེད་ལྷག་བསམ་གྱིས་མདོ་ཙམ་དགོད་པར་

སྤྲོའོ།། 

གཉིས་པ་གསོ་རིག་དངོས་ཀྱི་ཚུལ་བཤད་པ་དེ་ལ་ནད་དང་ལུས་ཟུངས་དྲི་མ་རྣམ་གསུམ་པོ་རང་རང་གི་གནས་དང་།

ལྡང་ཚད་ལས་རྣམ་པར་གྱུར་དང་མ་གྱུར་པ་གཉིས་ལས།     དང་པོ་ནི།   གནས་པར་བྱེད་པ་མིན་པའི་ལུས་ལ།   སྲོག་

འཛིན། གྱེན་རྒྱུ། ཁྱབ་བྱེད། མེ་མཉམ། ཐུར་སེལ་ཏེ་རྩ་བའི་རླུང་ལྔ། འཇུ་བྱེད།  མདངས་འགྱུར།  སྒྲུབ་བྱེད། མཐོང་བྱེད།

མདོག་གསལ་ཏེ་རྩ་བའི་མཁྲིས་པ་ལྔ། རྟེན་བྱེད། མྱགས་བྱེད། མྱོང་བྱེད། ཚིམ་བྱེད། འབྱོར་བྱེད་དེ་རྩ་བའི་བད་ཀན་ལྔའོ།།

དྭངས་མ། ཁྲག ཤ ཚིལ། རུས། རྐང་། ཁུ་བ་སྟེ་ལུས་ཟུངས་བདུན། བཤང་བ། གཅི་བ། རྔུལ་ཏེ་དྲི་མ་གསུམ་རྣམས་བསྡོམས་

པས་ཉི་ཤུ་རྩ་ལྔའོ།། གཉིས་པ་རྣམ་པར་གྱུར་པ་ལས། ན་བའི་ལུས་དང་། ནད་གསོ་བའི་ཚུལ་གཉིས་ལས།           

དང་པོ་ལུས་འཇོམས་པར་བྱེད་པ་ན་བའི་ལུས་ལ། རྒྱུ། རྐྱེན། འཇུག་སྒོ གནས། རྒྱུ་ལམ། ལྡང་དུས། འབྲས་བུ། ལྡོག་རྒྱུ།

མདོར་དྲིལ་བཅས་དགུ། རྒྱུ་དུག་གསུམ། དུས་དམན་ལྷག་ལོག་པ། གདོན་གློ་བུར་བ། ཟས་དམན་ལྷག་ལོག་པ། སྤྱོད་ལམ་

དམན་ལྷག་ལོག་པ་བཞི་ནི་རྐྱེན་བཞིའོ།། པགས་ལ་འགྲམས་པ། ཤ་ལ་རྒྱས་པ། རྩ་རུ་རྒྱུ་བ། རུས་ལ་ཞེན་པ། དོན་ལ་བབས་

པ། སྣོད་དུ་ལྷུང་བ་དྲུག་ནི་འཇུག་སྒོ་དྲུག་གོ། ཀླད་པ། མཆིན་མཁྲིས། དཔྱི་སྐེད་གསུམ་ནི་རིམ་བཞིན་བད་མཁྲིས་རླུང་

གསུམ་གྱི་གནམ་གསུམ་མོ།། རུས་པ། རྣ་བ། རེག་བྱ། སྙིང་ངམ་སྲོག་རྩ། ལོང་སྟེ་ལྔ་ནི་རླུང་གི་རྒྱུ་ལམ་ལྔ། ཁྲག རྔུལ། མིག

མཆིན་མཁྲིས། རྒྱུ་མ་སྟེ་ལྔ་ནི་མཁྲིས་པའི་རྒྱུ་ལམ་ལྔ། དྭངས་མ་ཤ་ཚིལ་རྐང་ཁུ་བ། བཤང་གཅི། སྣ་ལྕེ། གློ་མཆེར་མཁལ་

མ། ཕོ་བ་ལྒང་པ་སྟེ་ལྔ་ནི་བད་ཀན་གྱི་རྒྱུ་ལམ་ལྔའོ།། རྒས་པ། དར་མ། བྱིས་པ་གསུམ་ནི་ན་སོས་རླུང་མཁྲིས་བད་ཀན་གྱིས་

གཉན་པ་གསུམ་མོ།། དད་ཅན་གྲང་བ། སྐམ་ས་ཚ་གདུང་ཆེ་བ། རླན་ཅན་སྣུམ་པ་གསུམ་ནི་ཉེས་པ་གསུམ་གྱི་ཡུལ་

གསུམ་མོ།། དབྱར་དུས་དགོང་དང་ཐོ་རངས། སྟོན་དུས་ཉིན་གུང་མཚན་གུང་། དཔྱིད་དུས་སྲོད་དང་སྔ་དྲོ་གསུམ་

ནི་ཉེས་པ་གསུམ་གྱི་ལྡང་དུས་གསུམ་མོ།། འཚོ་བ་གསུམ་ཟད་པ། འདུ་བ་གཤེད་དུ་བབས་པ། སྦྱོར་བ་མཚུངས་པ།

གནད་དུ་བབས་པ། དུས་ལས་འདས་ཏེ་རླུང་ནད་སྲོག་རྟེན་ཆད་པ། ཚ་བ་ལ་བཟླས་པ། གྲང་བ་གཏིང་འཁར་བ།

ཟུངས་ཀྱིས་མི་ཐུབ་པ། རྣམ་པར་འཚེ་བ་སྟེ་དགུ་ནི་འབྲས་བུ་སྲོག་གཅོད་ཀྱི་ནད་དགུའོ།། རླུང་ཞི་ནས་མཁྲིས་པར་

ལྡོག་པ། བད་ཀན་དུ་ལྡོག་པ། རླུང་མ་ཞི་བར་མཁྲིས་པར་ལྡོག་པ། བད་ཀན་དུ་ལྡོག་པ། བད་ཀན་ཞི་ནས་རླུང་དུ་ལྡོག་

པ། མཁྲིས་པར་ལྡོག་པ་སྟེ་ལྡོག་རྒྱུ་བཅུ་གཉིས་སོ།། རླུང་དང་བད་ཀན་གྲང་བ་ཆུའི་རང་བཞིན། ཁྲག་དང་ལྡོག་པ། བད་

ཀན་མ་ཞི་བར་རླུང་དུ་ལྡོག་པ། མཁྲིས་པར་ལྡོག་པ་སྟེ་ལྡོག་རྒྱུ་བཅུ་གཉིས་སོ། །རླུང་དང་བད་ཀན་གྲང་བ་ཆུའི་རང་

བཞིན། ཁྲག་དང་མཁྲིས་པ་ཚ་བ་མེའི་རང་བཞིན། སྲིན་དང་ཆུ་སེར་ཚ་གྲང་ཐུན་མོང་གི་རང་བཞིན་ཅན་དུ་གས་པ་

སྟེ་མདོ་དོན་དྲིལ་བ་ཚ་གྲང་གཉིས་སུ་འདུས་པས་ཁྱོན་བསྡོམས་བརྒྱད་ཅུ་རྩ་བརྒྱད་དོ།།