ས་སྐྱ་པ།
06/11/2009 12:57
ས་སྐྱ་པ།
ས་སྐྱ་བའི་མ་དགོན་དེ་ས་སྐྱ་དབོན་པོ་རིའི་ས་དཀར་གྱི་དབུས་ལོགས་སུ་བཏབ་པ་འབྲེལ་བ་རྒྱུ་མཚན་དུ་བྱས་
ནས། དགོན་པ་དེར་ས་སྐྱ་དགོན་པ་ཞེས་མཚན་སྙན་ཐོགས་པ་མ་ཟད། དེའི་ཆོས་ལུགས་ཀྱི་གྲུབ་མཐའ་ལའང་
ས་སྐྱ་བ་ཞེས་པའི་མཚན་སྙན་ཡུལ་གྲུ་ཀུན་ལ་གྲགས་པ་རེད། ས་ཆེན་དཀོན་ཅོག་རྒྱལ་པོ་མཆོག་ནས་རིང་
ལུགས་དེའི་སྲོལ་གཏོད་ནས་བོད་ཀྱི་རབ་བྱུང་དང་པོའི་ཆུ་གླང་ལོ་སྟེ་སྤྱི་ལོ་1073 ལོར་གདན་ས་ཆེན་པོ་དེ་
དངོས་སུ་ཕྱག་བཏབ་པའི་ཁར། ས་ཆེན་ཀུན་དགའ་རྙིང་པོ་སོགས་གོང་མ་རྣམ་ལྔས་དར་རྒྱས་སུ་བཏང་ཞིང་།
གསུང་ངག་རིན་པོ་ཆེ་ལམ་འབྲས་ཆོས་ཀྱི་སྙིང་པོར་བྱེད་པའི་རིང་ལུགས་འཛིན་མཁན་རྗེས་འབྲངས་པ་ཆགས།
དེ་ལ་ཆོས་རྒྱུད་དང་གདུང་རྒྱུད་གཉིས་ཡོད། རབ་བྱུང་བཞི་པར་ས་པཎ་ཁུ་དབོན་ཧོར་གྱི་རྒྱལ་པོ་དང་མཆོད་
ཡོན་གྱི་འབྲེལ་བ་ལ་བརྟེན་ནས་ས་སྐྱ་པས་ལོ་གྲངས་བརྒྱ་ཙམ་གྱི་བར་དུ་བོད་ཁམས་ཡོངས་ལ་དབང་བསྒྱུར་
ཏེ། ཏཱ་དབེན་གོང་མ་རྒྱལ་པོའི་ལུང་བཞིན་བླ་མས་ཆོས་ཀྱིས་བྱ་བ་མཛད་ཅིང་། ཆོས་དང་མཐུན་པའི་འཇིག་
རྟེན་གྱི་བཀའ་གནང་། བླ་དཔོན་རྣམས་ཀྱིས་སྲིད་ཀྱི་བྱ་བ་མཛད། ས་སྐྱ་པའི་བསྟན་འཛིན་སྐྱེས་བུ་མང་
ཞིང་། དེ་ཡང་གསང་སྔགས་ཀྱི་བསྟན་པ་འཛིན་མཁན་གྲགས་པ་ཆེ་ཤོས་ངོར་རྫོང་གཉེས་ཏེ། ངོར་ཆེན་ཀུན་
དགའ་བཟང་པོ་དང་རྗོང་པ་ཀུན་དགའ་རྣམ་རྒྱལ་གཉིས་ཡིན། ཕྱིས་གསང་སྔགས་ལུགས་ཀྱི་བསྟན་པ་འཛིན་
མཁན་ལ་ངོར་ལུགས་ཞེས་དང་། མདོ་ཕྱོགས་ཀྱི་བསྟན་པ་འཛིན་མཁན་ལ་རྫོང་ལུགས་ཞེས་འབོད་པ་མང།
མདོ་ཕྱོགས་ཀྱི་བསྟན་པ་འཛིན་མཁན་གྲགས་པ་ཆེ་ཤོས་སུ་གཡག་རོང་གཉིས་ཡིན་ཞིང་། ཁོང་རྣམ་གཉིས་
ཀྱིས་མཛད་པའི་མདོ་ཕྱོགས་ཀྱི་བཀའ་བསྟན་བཅོས་ཤིན་ཏུ་མང་བ་དང་། རིག་པའི་གནས་ལྔ་ལ་བྱང་ཆུབ་
པའི་བུ་སློབ་ཡང་ཤིན་ཏུ་མང། རྒྱུད་འཛིན་གྲུབ་མཐའ་ནི། ས་སྐྱ། ངོར་པ། ཚར་པ། རྫོང་པ། ཇོ་ནང་། ཞ་ལུ།
བོ་དོང་བཅས་ཡིན།
ཕྱིས་སུ་ས་སྐྱ་པ་ནང་ཁུལ་དུ་ཞི་མཐུན་མ་བྱུང་བར་བླ་བྲང་བཞིར་གྱེས་ནས་བསྟན་པ་ཇི་ཉམས་སུ་གྱུར།
ཉམས་ལེན་བྱ་ཡུལ་གྱི་གཞུང་གཙོ་བོ་《ལམ་འབྲལ་》ཞེས་པ་དེ་ཡིན། གྲུབ་མཐའ་དེ་བོད་ཙམ་མ་
ཟད། སོག་པོའི་ཡུལ་ལའང་ཁྱབ་པ་ཆེ་ཙམ་ཡོད།
———
Back