ལས་དབང་། གཞས་ཚིག

ལས་དབང་།

ཚིག  ལུང་རྟོགས་བསྟན་འཛིན།

དབྱངས།  ཤེར་བསྟན།

ལེན་མཁན།           ཤེར་བསྟན།

རི་ཁ་བ་ཅན་གྱི་འཇིག་རྟེན་ན།།

བོད་མགོ་ནག་ཚེར་མགོའི་བྱེའུ་ཆུང་རེད།།

སྡིག་ཀླ་ཀློ་རྒྱ་ཁྲ་དར་མ་རེད།།

བྱེའུ་ཚེར་མགོའི་ནམ་ཁྱེར་ཆ་མེད་རེད།།

རི་ཁ་བ་ཅན་གྱི་འཇིག་རྟེན་ན།

བོད་མགོ་ནག་སྤང་ཀའི་ལུག་ཁྱུ་རེད།།

སྡིག་ཀླ་ཀློ་རི་སྤྱང་སྔོན་མོ་རེད།།

སྤང་ལུག་ཁྱུ་ནམ་གསོད་ཆ་མེད་རེད།།

རི་ཁ་བ་ཅན་འཇིག་རྟེན་ན།།

བོད་མགོ་ནག་ལ་ཁའི་དར་ལྕོག་རེད།།

སྡིག་ཀླ་ཀློ་འཐོར་རླུང་དྲག་པོ་རེད།།

ལས་དར་ལྕོག་གར་སྐྱོད་ཆ་མེད་རེད།།

རི་ཁ་བ་ཅན་འཇིག་རྟེན་ན།།

བོད་མགོ་ནག་ཉམ་ཆུང་སེམས་ཅན་རེད།།

སྡིག་ཀླ་ཀློ་ལག་དམར་ཤན་པ་རེད།།

མ་སེམས་ཅན་ནམ་གསོད་ཆ་མེད་རེད།།