བོད་མི་ཡིན་ཁུལ།
18/12/2009 11:39
ཐའེ་ཝན་དུ་བོད་མི་ཡིན་ཁུལ་གྱིས་ལག་འཁྱེར་རག་ཐབས་བྱས་པ།
ཐའེ་ལྦན་གྱི་རྒྱལ་ས་ཏཨི་པི་རུ་བོད་མི་ཡིན་ཚུལ་གྱི་མིང་ཐོག་ནས་མི་གྲངས་སུམ་ཅུ་ཙམ་གྱིས་ཐའེ་ལྦན་ནང་གཏན་
སྡོད་ཆོག་པའི་ཁྲིམས་མཐུན་གྱི་ལག་འཁྱེར་རག་ཐབས་ཆེད་ཐེ་ལྦན་བོད་སོག་ལས་ཁུངས་ཀྱི་ཕྱི་ལ་ཚོུད་ལྔ་བཅུའི་རིང་
ཟས་བཅད་ངོ་རྒོལ་གྱི་ལས་འགུལ་འགོ་འཛུགས་བྱས་ཡོད་པའི་གནས་ཚུལ་ཐོན་འདུག
ཐའེ་ལྦན་བོད་སོག་ལས་ཁུངས་ཀྱི་མགྲིན་ཚབ་པ་ཁྲིཡེན་ཧྲི་ཡིན་གྱིས་བརྗོད་ན་སྐྱབས་བཅོལ་བོད་མི་ཡིན་པའི་ངོ་
སྤྲོད་ར་སྤྲོད་ཐུབ་ཚེ་ཁྲིམས་ཐོག་ནས་ཐའེ་ལྦན་ནང་བོད་མི་གཏན་སྡོད་ཆོག་གི་ཡོད་པ་རེད། ཡིན་ཡང་ད་རེས་ཟས་
བཅད་ངོ་རྒོལ་ནང་ཞུགས་པའི་མི་གྲངས་སུམ་ཅུ་དེ་དག་བོད་མི་སྐྱབས་བྱོལ་བ་ངོ་མ་ཡིན་མིན་སྐོར་ཐེ་ཚོམས་ཡོད་
པ་མ་ཟད་ཁོང་རྣམས་རྒྱ་གར་བ་དང་ཡང་ན་བལ་པོའི་མི་རིགས་ཡིན་པ་ལས་བོད་དང་ཐད་ཀར་འབྲེལ་བ་ཡོད་པ་
གང་ཡང་མཐོང་རྒྱུ་མེད་སྐོར་ཕེརན་སི་གསར་འགྱུར་ལས་ཁང་ལ་གསལ་འདོན་བྱས་བཞག བོད་སོག་ལས་ཁུངས་ཀྱི་
མགྲིན་ཚབ་པ་དེས་མུ་མཐུད་བརྗོད་ན། བོད་རིགས་ཡིན་ཚུལ་ཐོག་ནས་ཐའེ་ལྦན་ནང་གཏན་སྡོད་ལག་ཁྱེར་ཞུ་
མཁན་དེ་ཚོའི་ཁོངས་ནས་ཁ་ཤས་ཀྱིས་བོད་དང་ཏཱ་ལའི་བླ་མའི་སྐོར་གནས་ཚུལ་སྤུ་ཙམ་ཤེས་རྟོགས་མིན་འདུག་ལ་
རྒྱུ་མཚན་དེ་ཚོའི་ཐོག་ནས་ང་ཚོས་ཁོ་ཚོ་བོད་མི་ཡིན་པར་ཡིད་ཆེས་ཡོང་གི་མིན་འདུག་ཅེས་དང་ཁྲིམས་ཐོག་ནས་
ཁོ་ཚོ་ཐའེ་ལྦན་ནང་ཁྲིམས་འགལ་གྱི་འཛུལ་ཞུགས་བྱས་པར་ངོས་འཛིན་ཡོད་པར་སོང་། ཁོང་རྣམས་རིན་པས་ཐའེ་
ལྦན་ནས་ཕྱིར་འབུད་བྱེད་སྲིད་པའི་སྐོར་ཡང་གསལ་འདོན་བྱས་བཞག །
———
Back