ཐེའུ་རང་ལ་ཕུལ་
04/08/2009 21:07
ཐེའུ་
རྩོམ་པ་པོ། རྩེ་སྐར། བོད་ཀྱི་དུས་བབ་ནས་འདིར་བཀོད།
ཐེའུ་རང་། བོད་པ་ཚང་གི་བདེན་དོན་གྱི་ཆེད་དུ་སྟོེབས་ཀྱིས་འགྱིང་ཞིང་དུས་རབས་འདིའི་ཁ་དོག་གླེང་བའི་བུ་
རྒོད་པོ། ན་ནིང་ཁྲག་གིས་ཚོས་པའི་ལ་རྒྱའི་སྨྱུག་རྩེ་དགུང་ལ་བཏེགས་ཏེ་ཁ་ཆར་བུ་ཡུག་འཚུབ་པའི་སྒང་བ་ཚང་
གི་གཏམ་རྒྱུད་གླིང་ལ་བྲིས། མགོ་ཐོག་གི་དུས་ཚུགས་འདི་ནས་གླེང་དགོས་པ་དེ་སྙིང་གི་ཟབ་ས་ནས་གླེང་སྟེ་རང་
ཉིད་ཀྱི་སེམས་ཁྲག་ལ་འཁྱིལ་བའི་དུངས་ཀ་དང་ཤ་ཞེན་རུས་གསེང་ནས་ཕྱི་རུ་ཕུལ་བས། ང་དང་ང་ལྟ་བུའི་ན་ཟླ་
ཚོ་ཤ་ཞེན་གྱི་སྙིང་རྩ་འཕར་ནས་ཚོད་ཚོད་ལ་ངུ་རུ་བཅུག
ཐེའུ་རང་། བོད་པ་ཚང་གི་བདེ་སྡུག་གི་ཆེད་དུ་ཤུགས་ཀྱིས་བཞུད་ཅིང་མི་རབས་འདིའི་ལ་རྒྱ་ཉར་བའི་བུ་རྒོད་པོ།
ད་ལོ་ཡང་ཁྱོད་ལ་ཡོད་པའི་ལ་རྒྱ་མེ་རི་བཞིན་ཤུགས་ཀྱིས་འབར་ནས་ཡོད་སྟབས་ཤ་ལ་དགའ་ཞིང་ཁྲག་ལ་རོལ་བའི་
དམ་སྲིའི་ཚོགས་གང་ཞིག་གི་བྱས་ཉེས་ཡིན་ནམ། ཁ་སང་རྒྱ་མཚོར་རྡོ་འཕང་བ་བཞིན་ཁྱེད་རང་གློ་བུར་གར་སོང་ཆ་
མེད་ཀྱིས་རི་ལུང་སྟོང་སེང་ངེར་ལྷག་པའི་གཏམ་ངན་མི་ཁ་རླུང་གིས་འཁུར་ནས་ཡོང་། ང་དང་ང་ལྟ་བུའི་ཁྱོད་ཀྱི་
ན་ཟླ་ཚོ་ཕངས་སེམས་དང་ཞེ་འཁོན་གྱི་ཀློང་ནས་རང་དབང་མེད་པར་ངུ་ཁ་ཤོར་སོང་།
ཐེའུ་རང་། བུ་རྒོད་པོ། ཁྱོད་གང་དུ་སོང་བ་ལ་གཟི་བརྗིད་ཡོད། ཁྱོད་དང་ཁྱོད་ཀྱི་ཁྲག་ཡིག་གིས་བསྐྱེད་པའི་ན་ཟླ་
ཚོས་རྒྱ་མཚོའི་མཐའ་ལ་གཏུགས་ཏེ་ཁྱོད་རང་འཚོལ་འདོད་ཀྱི་སེམས་པ་ཧ་ཅང་བྲེལ་འཚུབ་འཚུབ་ཡོད
———
Back