ཁྲག་རྗེས་རིང་མོ་

མཐོ་སྒང་ཁ་བའི་སྟིང་གི་ཁྲག་རྗེས་རིང་མོ་ཞིག

ཁ་བའི་ལྗོངས་སུ་རྒྱ་ནག་གིས་ལོ་ཞེ་བདུན་རིང་བཅིངས་གྲོལ་ལམ་བཙན་འཛུལ་གྱི་བརྒྱུད་རིམ་དང་སྙན་ཐོ། མཐོ་སྒང་ཁ་བའི་སྟེང་གི་ཁྲག་རྗེས་རིང་མོ་ཞེས་པ་གུས་པས་མི་ལོ་༢༠ ལྷག་རིང་བཙན་བྱོལ་དུ་གྱར་ནས་རང་

ཉིད་ཀྱི་དགའ་ཉེ་གྲོགས་པོ་དང་རྒྱ་གར་གྱིས་གཙོས་ཕྱི་རྒྱལ་སློབ་གྲོགས། སློབ་གྲྭ་ཁག་གི་སློབ་དགེ་དང་སློབ་མ། གཞན་ཡང་ཕྱི་ནང་གི་ངོ་ཤེས་མཁས་དབང་དང་ཉམས་ཞིབ་པ་བཅས་དང་གྲོགས་འདྲེས་ཉམས་མྱོང་སྤེལ་རེ།

ཁོང་རྣམ་པར་བཅར་འདྲི་དང་བགྲོ་གླེང༌། སོ་སོས་ཀྱང་རང་ནུས་གང་ཡོད་ཀྱིས་ཉམས་ཞིབ་རིམ་པ་བརྒྱུད་རང་

ཉིད་བོད་མི་ཞིག་དང་ལྷག་པར་དུ་བོད་ཀྱི་མཐུན་མོང་དང་མཐུན་མིན་གྱི་ཆོས་རིག་དང་སྐད་ཡིག་བཅས་ལ་

དོ་ཁུར་དང་སེམས་ཤུགས་གང་འཚམ་ཡོད་ཁུལ་བྱས་པའི་ཆ་ནས་ཀྱང་འོས་འགན་ཆེ་ཙམ་མཐོང་ནས་དཔྱད་

རྩོམ་གྱི་འགྲོས་སུ་བྲིས་པ་ཞིག་ཡིན་ལ། རྩོམ་ཡིག་འདིར་ཚིག་སྐྱོན་དང་ནང་དོན་ཁ་གང་མ་གང་དེ་ལས་ཀྱང་

ཡོད་ངེས་ན་དགོངས་སེལ་ཞུ་རྒྱུ་ཡིན།     གངས་ཅན་བོད་ཀྱི་ཞིང་ཁམས་དེ་ཉིད་མི་ལོ་༤༩རིང་རྒྱ་ནག་གིས་

བོད་བཅིངས་འགྲོལ་ལམ་བཙན་འཛུལ་གྱི་བརྒྱུད་རིམ་ལ་བརྟེན་ནས་ངན་འབྲས་དང༌།  ཤར་ལྷོ་ཨེ་ཤ་ཡའི་

གནས་བབས་བཅས་ལས་རྒྱ་དམར་གྱིས་བོད་ཐོག་འཛིན་པའི་གཅིག་གྱུར་དང་མཁྲེགས་འཛིན་གྱི་ལྟ་གྲུབ།

བོད་དང་བོད་མི་ཚོའི་ཡ་ང་བའི་གནས་སྟངས། དེ་ལ་བརྟེན་ནས་བོད་ཀྱི་ཆོས་རིག་དང་འབྲེལ་བའི་གནའ་

དེང་ཤེས་ཡོན་དང་ཡུལ་ལུགས་གོམས་གཤིས། བོད་ཀྱི་དཔལ་འབྱོར་གྱི་གནས་སྟངས་བཅས་ཀྱི་ཐོག་དྲང་བདེན་

མིན་པའི་ཐག་གཅོད་ཇི་ལྟར་བྱས་མིན་གྱི་བརྒྱུད་རིམ་བཅས་ཀྱི་སྙན་ཐོ་ལྟ་བུ་དེ་རང་གི་ཡིད་དུ་གནག་པའི་མཐོ་

སྒང་གི་ཁ་བའི་སྟེང་གི་ཁྲག་རྗེས་རིང་མོ་ཞིག་རེད་སྙམ།   དེའི་སྐོར་སྤྱིར་འཛམ་གླིང་གི་མཁས་དབང་སྤྱི་དང་བྱེ་

བྲག་འཛམ་གླིང་ཡུལ་གྲུ་ཆེ་ཕྲ་ཆུང་གསུམ་གྱི་དབུ་ཁྲིད་རྣམས་ཀྱིས་གཙོས་ཁྲིམས་ལུགས་མཁས་པ་དང༌།    སྲིད་

དོན་དབྱེ་ཞིབ་པ། དེ་བཞིན་བོད་ཀྱི་དཔོན་རིགས་དང་མཁས་དབང༌།  རྒྱ་ནག་དང་ཕྱི་རྒྱལ་གྱི་རྒྱ་རིགས་མཁས་པ་

བཅས་ཀྱིས་འདས་པའི་མི་ལོ་༤༩རིང་ཉམས་མྱོང་དང་དཔྱད་ཞིབ་རིམ་བརྒྱུད་ཀྱི་མཐའ་བསྡོམས་སམ་མདོར་

བསྡུས་ཀྱི་སྙན་ཐོ་ལྟ་བུ་ཡིད་ལ་འཛིན།  རྒྱ་ཆེ་བོད་མི་མང་གི་སྙན་ལམ་དུ་འགྲེལ་བརྗོད་ཞུ་རྒྱུའི་འོས་འགན་ཞིག་

མཐོང་བས་དེ་ལྟར་ལགས།      དེ་ཡང་ལོ་ལྟར་རྒྱ་ནག་གཞུང་གིས་བོད་ཞི་བའི་བཅིངས་གྲོལ་བཏང་བའི་དུས་

དྲན་ཟེར་བ་སྲུང་བརྩི་བྱས་ཏེ་ཆབ་སྲིད་ཀྱི་ལག་ཆ་སྣ་ཚོགས་ཤིག་བེད་སྤྱོད་བཏང་བ་མ་ཟད།    རྒྱ་དམར་གྱིས་

བཅིངས་འགྲོལ་ཟེར་བའམ་བཙན་པོས་བདག་བཟུང་དེའི་འཇུག་འབྲས་ལས་༡༩༥༩ ལོའི་ཡས་མས་སུ་བོད་མི་

༡༠༠༠༠༠ ལྷག་གི་ཚེ་སྲོག་ཤོར་བ། བོད་མིའི་ཆོས་སྲིད་གཉིས་ཀྱི་དབུ་ཁྲིད་ྋགོང་ས་མཆོག་དང༌།    བོད་མི་

༨༠༠༠༠ ལྷག་གིས་རང་གི་རྒྱལ་ཁབ་དང་བཅས་པ་དོར་ཏེ་བཙན་བྱོལ་དུ་ཕེབས་དགོས་བྱུང༌།ལྷག་པར་དུ་མི་

ལོ་༤༩ རིང་རྒྱ་ནག་གི་གཉའ་གནོན་ལ་བརྟེན་ནས་བོད་མི་བཙན་བྱོལ་བ འི་རྒྱུན་ཆད་མེད་ལ། ཕྱི་ལོ་ ༢༠༠༠

ལོ་གཅིག་པུར་བོད་མི་ ༣༠༠༠ ལྷག་བཙན་བྱོལ་དུ་འབྱོར་ཡོད་པ་དང༌། ད་དུང་ཡང་བོད་ཕྲུག་བརྒྱ་ཁྲག་མང་

པོ་འབྱོར་བཞིན་ཡོད། དེ་ཡང་ྋགོང་ས་མཆོག་ཞལ་མཇལ་ཐོབ་རེ། བོད་ཀྱི་ཆོས་རིག་དང་ཤེས་ཡོན། ཆབ་སྲིད་

བཅས་ཀྱི་རང་དབང་ཏོག་ཙམ་ཐོབ་ཆེད་ལོ་རེར་བོད་མི་སྟོང་ཕྲག་མང་པོ་བཙན་བྱོལ་གྱི་དགོན་སྡེ་ཁག་དང་

སློབ་གྲྭ་ཁག་ཏུ་འབྱོར་བཞིན་ཡོད། དེས་ཀྱང་ད་ལྟ་རྒྱ་གཞུང་གི་ཆབ་སྲིད་ཀྱི་གཡོ་བྱུས་དང༌། ཆེས་སྡུག་རྩུབ་ཆེ་

བའི་གཉའ་གནོན་སོགས་མཚོན་ཐུབ་པ་ཞིག་མ་རེད་དམ་ཞེས་པའི་དྲི་བ་རང་བཞིན་གྱིས་སླེབས་ཐུབ་པ་ཞིག་

རེད།༢༠༠༤ ལོར་ཡང་རྒྱ་གར་དང་བལ་ཡུལ་དུ་བོད་མི་༤༣༠༠ ལྷག་འབྱོར་ཡོད་པ་དང་བལ་ཡུལ་དུ་ཡོད་པའི་

རྒྱ་གར་གཞུང་ཚབ་ཁང་ནས་བདུན་རེར་བོད་མི་སྐྱབས་བཅོལ་བ་༧༠ ཙམ་ལ་ལག་འཁྱེར་གནང་གི་ཡོད་ལ། ཟླ་

རེར་བོད་མི་༣༠༠ མ་ཟིན་ཙམ་རྒྱ་གར་དུ་སླེབས་ཡོད་པ་དང་བསྡོམས་རྩིས་བྱས་ན་ལོ་རེར་ཁྱབ་སྙོམ་༣༦༦༠ ལྷག་

བཙན་བྱོལ་དུ་འབྱོར་གྱི་ཡོད་པ་བརྗོད་ཐུབ་པ་ཞིག་རེད།༢༠༠༤ ཟླ་༡༢ ནང་བོད་མི་སྐྱབས་བཅོལ་བ་དང་གནས་

སྐོར་དུ་ཕེབས་མཁན་༩༠༠ ལྷག་རྒྱ་གར་དུ་འགྲོ་སྐྱོད་ཆོག་པའི་ཆོག་ཅན་མ་ཐོབ་པར་གསོག་འཇོག་གམ་ལུས་

བསྡད་པ་རེད།   ༢༠༠༥ དང་༢༠༠༦ སོ་སོར་བལ་སྲིད་གཞུང་གིས་བོད་མི་བཙན་བྱོལ་དུ་ཡོང་མཁན་དམིགས་

བསལ་དམ་དྲག་ཆེན་པོ་བྱས་པར་བརྟེན་སྣེ་ལེན་ཁང་དུ་བོད་མི་སྐྱབས་བཅོལ་བས་མ་ཤོང་བའི་དཀའ་ངལ་ཆེན་

པོ་འཕྲད་ཡོད་པ་རེད། ༢༠༠༧ ལོར་ཡང་བོད་སྐྱབས་བཅོལ་བ་ཚོས་གཅིགས་མཚུངས་ཀྱི་སྡུག་བསྔལ་མྱངས་ཡོད་

ལ། གནས་སྟངས་དེ་མུ་མཐུད་འགྲོ་བཞིན་པ་རེད།

ཆོས་འབྲེལ་དང་ཆོས་གྲོགས་ཀྱི་རྗེས་ཤུལ།

འདས་པའི་ལོ་༤༧ རིང་གི་རྒྱ་བོད་དང་གནའ་བོའི་རྒྱ་བོད་ཀྱི་ལོ་རྒྱུས་གཉིས་སུ་དཔྱད་བསྡུར་དང་གནས་སྟངས་

ཕྱོགས་བསྡོམས་ཤིག་བརྒྱབ་ན་ཕན་ཚུན་དབར་གྱི་ཆོས་འབྲེལ་དང་ཆོས་གྲོགས་ཀྱི་རྗེས་ཤུལ་ལྗན་པ་དེ་མཐོང་ཐུབ་

ལ།       དེ་ལ་བརྟེན་ཕན་ཚུན་དབར་ཇི་ཙམ་རིང་དགྲ་བོར་གནས་མིན་དང་ཆོས་རིག་དང་སྐད་ཡིག་གང་ཅིའི་

ཐད་ནས་ལོ་རབས་ཇི་ཙམ་ནས་ཇི་ཙམ་བར་ཐ་དད་དུ་གནས་ཡོད་མེད་དེ་ལས་ཀྱང་གསལ་རྟོགས་བྱེད་ཐུབ།

ཕྱི་ལོ་༦༤༡ ལོར་བོད་རྒྱའི་འབྲེལ་ལམ་ཆེད། རྒྱ་ནག་རྒྱལ་པོའི་སྲས་མོ་འུན་ཤིང་ཀོང་ཇོ་བོད་ཀྱི་རྒྱལ་པོ་སྲོང་བཙན་

སྒམ་པོའི་བཙུན་མོར་ཕུལ་ཏེ་ཁོང་མོའི་སྐུ་སྐལ་ཇོ་བོ་ཤཱཀྱ་མུ་ནི་བདེན་དྲངས་པ་མ་ཟད། དེ་རྒྱ་བོད་མི་རིགས་གཉིས་

ཀས་ཕྱག་མཆོད་ཞུ་སའི་ཡུལ་ཞིག་ཏུ་ཆགས། དེ་རྗེས་དུས་རབས་གཅིག་མ་ཟིན་ཙམ་ཕྱི་ལོ་༧༣༡ ལོར་རྒྱལ་ཁབ་གཉིས་

ཀྱི་འབྲེལ་ལམ་ཆེད།སླར་ཡང་ཆོས་སེམསས་ཆེ་བའི་རྒྱ་ནག་རྒྱལ་པོའི་སྲས་མོ་ཆིང་ཆེང་བོད་རྒྱལ་ཁྲི་སྡེ་གཙུག་བརྟན་གྱི་

བཙུན་མོར་ཕུལ་ཡོད་པ་དེས་ཀྱང་བོད་དུ་ནང་ཆོས་ལ་གཞི་རྒྱ་ཆེ་བའི་ཞབས་འདེགས་ཤིག་ཕུལ་ཡོད་པས་ཆོས་འབྲེལ་

ཡར་རྒྱས་ཕྱིན་ཏེ་རྒྱ་བོད་དབར་དུ་ཆོས་འབྲེལ་དང༌།  ཆོས་གྲོགས་ཀྱི་དུས་རབས་ཤིག་བྱུང༌། ལྷག་པར་དུ་དོ་སྣང་བྱེད་

འོས་པ་ཞིག་ལ། དེ་འདྲའི་དུས་རབས་བྱེ་བྲག་པ་རྒྱ་ནག་ནང་ཏང་དང་བོད་དུ་ཡར་ལུང་གི་དུས་རབས་ཞེས་དེ་ནི་

ཁྱིམས་མཚེས་རྒྱལ་ཁབ་དབར་གྱི་འབྲེལ་ལམ་དེ་རིན་ཐང་ཅན་དང༌། འོད་མདངས་འཚེར་བ་ཞིག་ཡོད་པར་བརྩིས་

པ་མ་ཟད། ད་ལྟའི་བོད་རྒྱའི་ཆབ་སྲིད་ཀྱི་འགྱུར་འགྲོས་ཀྱི་གནས་སྟངས་ལ་གཞིགས་ན་དེ་ལྟར་བརྩིས་པ་དེར་སླར་

ཡང་རེ་བ་ཞིག་བཅང་ཆོག    རྒྱུ་མཚན་དེ་ལ་བརྟེན་ནས་རྒྱ་བོད་གཉིས་ལོ་རྒྱུས་ཀྱི་དུས་རབས་ཐོག་ཕན་ཚུན་ཞི་

བདེའི་ངང་གཅིག་ཕན་གཅིག་གྲོགས་བྱས་མྱོང་བའང་དཔོག་ཐུབ་པ་ཞིག་རེད།

ཞི་བའི་བཅིངས་གྲོལ་ཟེར་བ་དང་བཙན་འཛུལ་གྱི་མཇུག་འབྲས།

རྒྱ་ནག་གིས་༡༩༥༡ ལོར་བོད་དེ་བཙན་རྒྱལ་རིང་ལུགས་དང་མྱལ་བ་འདྲ་བའི་ཆེས་སྡུག་རྩུབ་ཆེ་བའི་བཀས་བཀོད་

བརྒྱུད་འཛིན་རིང་ལུགས་གཉིས་ལས་ཞི་བའི་བཅིངས་འགྲོལ་བཏང་སྟེ་ལྷ་ཡུལ་འདྲ་བའི་སྤྱི་ཚོགས་རིང་ལུགས་སུ་རྒྱུད་

བཀོད་དམ་གསར་བརྗེས་བྱས་ལུགས་དྲིལ་བསྒྲགས་རིམ་པ་བྱས་ཡོད།  དོན་དངོས་སུ་དེ་ནི་གནའ་དུས་སུ་ནུབ་ཕྱོགས་

པའི་མི་སེར་སྤེལ་བའི་རིང་ལུགས་དང་ཁྱད་པར་མེད་པའི་ནོར་འཁྲུལ་ཅན་གྱི་བསམ་བློ་ཞིག་ཡིན་པ་འཛམ་གླིང་མི་

མང་པོར་འཁོར་ཡོད།       དྲང་བདེན་དང་ཕན་ཐོགས་གཞིར་བཅོལ་ན། བཙན་བཟུང་ལ་བརྟེན་ནས་རིམ་བཞིན་

དཔལ་འབྱོར་དང་སྤྱི་ཚོགས་ཡར་རྒྱས་འགྲོ་ངེས་ལ། ལྷག་པར་དུ་རྒྱ་ནག་གི་བཅའ་ཁྲིམས་གཞིར་བཅོལ་ན་གྲངས་ཉུང་

མི་རིགས་ཁག་ལ་ཐོབ་ཐང་རྩི་སྲུང་གིས་རྒྱལ་ཁབ་བརྟན་ལྷིང་ཡོང་ཐུབ་པ་ཞིག་བསྒྱུར་ཐུབ།  ཡིན་ཡང་རྒྱ་ནག་གིས་

བོད་དུ་རོགས་སྐྱོར་དང་རྒྱབ་སྐྱོར་བྱེད་རྒྱུ་ལྟ་ཅི་རིང་ནས་རང་ཉིད་ཀྱིས་དགྲ་ཡ་དང་ཐ་ཤལ་རིང་ལུགས་ཤིག་ཏུ་བརྩིས་

པའི་བཙན་རྒྱལ་རིང་ལུགས་ཀྱི་སྲིད་བྱུས་དེ་བོད་དུ་ལག་བསྟར་བྱས་པ་དང༌། ལྷག་པར་དུ་དམག་ཆེན་གཉིས་པའི་

སྐབས་ཉི་ཧོང་གིས་རྒྱ་ནག་དང་ཤར་ཨེ་ཤ་ཡའི་རྒྱལ་ཁབ་མང་པོ་ཞིག་བདག་བཟུང་བྱས་རིང་གི་སྲིད་བྱུས་བརྗེན་པ་

དེ་ལག་བསྟར་བྱས་པའི་མཇུག་འབྲས་སུ་བོད་མི་ཚོས་ཀྱང་ལས་གུལ་འདྲ་མིན་བརྒྱུད་རྒྱལ་སྤྱིའི་ཐོག་རྒྱ་བོད་ཀྱི་རྒྱལ་

ཁབ་དང་མི་རིགས། སོ་སོའི་མཐུན་མིན་གྱི་ཆོས་རིག་དང་སྐད་ཡིག་སོགས་རྒྱུ་མཚན་གང་ཐད་ཀྱང་དངོས་སུ་ཐ་དད་

དུ་བསྟན་པ་རེད།   གལ་ཏེ་བོད་བཙན་བཟུང་ངམ་བོད་དུ་བཙན་འཛུལ་བྱས་པ་དེ་དྲང་བདེན་གྱི་ཐག་གཅོད་ཅིག་

ཡིན་ན་ཉི་ཧོང་གིས་ཤར་ཨེ་ཤ་ཡ་ཡུལ་གྲུ་ཁག་བདག་བཟུང་བྱས་པ་དེ་ཡང་རྒྱུ་མཚན་ཡང་དག་ཅིག་ཏུ་བགྲང་ན་

འཐུས། ད་དུང་ཉི་ཧོང་གིས་བཙནའཛུལ་བྱས་པའི་རྒྱ་ནག་དང༌།   ཧོང་ཀོང་དབྱིན་ཇིས་ཇི་ལྟར་མི་སེར་སྤེལ་བའི་

སྐོར་གྱི་ལོ་རྒྱུས་སོགས་ཀྱང་རྒྱ་ནག་ངོས་ནས་བཤད་ཚོད་དཀའ་བ་ཞིག་དང༌།   དེ་ལྟ་བུའི་རྒྱུ་མཚན་མང་པོ་ཞིག་

བགྲང་རྒྱུ་ཡོད་པ་ནི་ལོ་རྒྱུས་ཙམ་མིན་པར་དེང་དུས་ཆབ་སྲིད་ཐོག་ནས་ཀྱང་དྲང་བདེན་ཞིག་གཏན་ནས་མིན་པ་

རེད།   སྐབས་འདིར་སེམས་ནང་རང་བཞིན་གྱི་དོགས་པ་ཞིག་ཡོང་གི་ཡོད་པ་དེ་ནི། གང་ཞིག་གིས་བོད་དེ་བཀས་

བཀོད་རྒྱུད་འཛིན་གྱི་སྲིད་གཞུང་ལས་བཅིངས་གྲོལ་བཏང་མེད་དམ་ཞེས་པའི་དྲི་བ་དེ་ཡོང་སྲིད། གལ་ཏེ་བོད་དེ་

བཀས་བཀོད་རྒྱུད་འཛིན་རིང་ལུགས་ལས་མཐར་སྐྲོད་བཏང་བའི་རྒྱུ་མཚན་གྱིས་རྒྱལ་ཁབ་གཞན་གྱིས་བཙན་འཛུལ་

དང་བདག་བཟུང་བྱས་ཆོག་པ་ཡིན་ན། རིག་གནས་གསར་བརྗེའི་སྐབས་རྒྱ་ནག་གཞུང་དང་གཏུམ་དྲག་ཆེ་བའི་སྲིད་

བྱུས་ནི།  དེ་ལས་ཆེས་ཞན་པ་དང་མི་མང་གིས་ཆེས་མ་རན་པ་མཐོང་ཡོད་པ་སོགས་ཀྱི་རྒྱུ་མཚན་ལ་བརྟེན་ནས་ཨུ་

རུ་སུ་དང་ཨ་རི་གཉིས་ལ་རྒྱ་ནག་བདག་བཟུང་དང་བཙན་འཛུལ་བྱེད་ཆོག་པའི་དབང་ཆ་ཡོད་ཅེས་ཤོད་མཁན་

མང་པོ་ཡོད་ལ། དེ་ལ་རྒྱུ་མཚན་མེད་པ་ལར་ནས་མིན།རྒྱ་ནག་གི་བྱེད་སྟངས་ངོ་མར་ཞིབ་ལྟ་ཞིག་བྱེད་ཚེ་གནད་

དོན་གང་གི་ཆ་ནས་ཀྱང་བོད་ཞི་བའི་བཅིངས་གྲོལ་བཏང་ལུགས་འགྲེལ་བརྗོད་བྱེད་མི་ཐུབ་པ་དང༌། ད་དུང་

འཕྲལ་མར་དེ་ལ་བརྟེན་ནས་རྒྱ་མིས་བཙུགས་པའི་བོད་རང་སྐྱོང་ལྗོངས་ཟེར་བ་དེར་རྒྱ་ཆེའི་བོད་མིས་ངོ་རྒོལ་གྱི་

རྣམ་འགྱུར་བསྟན་ཏེ་ཕྱི་ལོ་༡༩༥༩ ཟླ་༣ ནས་ཟླ་༡༠ བར་གཅིག་པུར་བོད་མི་༨༧༠༠༠ ལྷག་གིས་རང་དབང་སྒེར་

ལངས་བྱས་ཡོད་པ་དང༌། ཕྱི་ལོ་༡༩༥༠ ནས་༡༩༥༩ བར་མདོ་ཁམས་བོད་རིགས་དཔའ་བོ་བརྒྱ་ཁྲག་མང་པོའི་རང་

སྲོག་ཤོར་ཡོད་པས་ད་ལྟ་ང་ཚོས་དཔའ་བོ་དུས་དྲན་སྲུང་བརྩི་དང་ཁོང་རྣམ་པའི་བྱས་རྗེས་རྣམས་ངེས་པར་དུ་རྡོ་

རིང་ཐོག་འགོད་དགོས་པའི་གནས་སྟངས་ཤིག་ཆགས་ཡོད། རྒྱ་ནག་གི་བཙན་འཛུལ་ལ་བརྟེན་ནས་བོད་མི་ས་ཡ་

གཅིག་དང་གྲངས་ཆུང་གཉིས་ལྷག་གི་ཚེ་སྲོག་ཤོར་ཡོད་པ་ཕྱི་ལོ་༡༩༨༠ ནང་བཙན་བྱོལ་གཞུང་གིས་ཕྱིར་བསྒྲགས་

བྱས་ཡོད་ལ། དེ་ནི་བོད་མི་ས་ཡ་དྲུག་གི་མི་འབོར་ལ་གཞིགས་ན་ཚད་གཞི་མཐོ་པོ་ཞིག་ཡིན། ཕྱི་ལོ་༡༩༥༨ ནས་

༡༩༦༡ ནང་བོད་དེ་ཆེས་གནས་སྟངས་སྐྱོ་བའི་ལོ་རྒྱུས་སུ་ལྷུངས་ཡོད་པ་དང༌། ཡང་སྒོས་ཕྱི་ལོ་༡༩༦༦ ནས་༡༩༧༦ བར་རིག་གནས་གསར་བརྗེས་བྱུང་སྟེ་དེ་སྔ་བྱུང་མ་མྱོང་བའི་སྡུག་བསྔལ་དང༌། གནས་སྟངས་ཐབས་སྡུག་ནང་ལྷུངས་

ཡོད་པ་བཅས་ལ་བརྟེན་ནས་བོད་མི་ཚོའི་སེམས་ནང་ཞི་བའི་བཅིངས་གྲོལ་བཏང་བའི་ཚོར་སྣང་ཞིག་གཏན་ནས་

སླེབས་མེད་པ་དང་ནམ་ཡང་ཡོང་མི་སྲིད་པ་ཞིག་རེད། ཕྱི་ལོ་༡༩༨༠ ནང་རྒྱ་ནག་དམར་ཕྱོགས་ཚོགས་པའི་དྲུང་ཆེ་

ཧུ་ཡའོ་བྷན་བོད་དུ་སླེབས་ཏེ་བློ་ཐག་ཆོད་པོས་བརྗོད་དོན།  རྒྱ་གཞུང་གིས་སྒོར་ཐེར་འབུམ་མང་པོ་བོད་དུ་བཏང་

བ་དེ་དག་ཡར་ཀླུང་གཙང་པོར་གཡུག་པ་ཡིན་ནམ།          བོད་ཞི་བའི་བཅིངས་འགྲོལ་བཏང་བའི་དགོས་དོན་

བསྒྲུབས་ཐུབ་མེད་ལུགས་སོགས་འགྲེལ་བརྗོད་གསལ་པོ་བྱས་ཡོད། དེའི་སྐབས་བོད་ཀྱི་ས་ཁུལ་མང་པོའི་གནས་སྟངས་

༡༩༥༠ ནང་གི་གནས་སྟངས་ལས་ཇེ་སྡུག་ཏུ་ཕྱིན་ཡོད་པ་དང༌། འོན་ཀྱང་ད་དུང་རྒྱ་ནག་གིས་རྟག་ཏུ་བོད་དེ་ལོ་རྒྱུས་

ཀྱི་ཐོག་ནས་རྒྱ་ནག་གི་ཆ་ཤས་ཡིན་ལུགས་དང༌། ནམ་ཡང་རང་བཙན་གྱི་རྒྱལ་ཁབ་ཅིག་མིན་ལུགས་བསྐྱར་བཤད་

དང་ཡང་བཤད་མུ་མཐུད་བྱས་པ་རེད།        གལ་ཏེ་དེ་ལྟར་ཡིན་རང་གི་གཅིག་མཚུངས་ཀྱི་ཡར་རྒྱས་དང་གཅིག་

མཚུངས་ཀྱི་འདུ་ཤེས་ཡོང་དགོས་ཀྱང་དེ་ནི་ནམ་ཡང་བྱུང་མེད་པ་རེད། ཕྱི་ལོ་༡༩༥༡ ལོར་རྒྱ་ནག་གིས་བཙན་དབང་

གིས་རྒྱ་བོད་གཉིས་ཀྱི་ལོ་རྒྱུས་ཐོག་བྱུང་མ་མྱོང་བའི་གྲོས་མཐུན་ནམ་ཆིངས་ཡིག་དོན་ཚན་བཅུ་བདུན་ཟེར་བ་དེ་

བཙན་དབང་གྱིས་བཞག་ཏུ་བཅུགས་པའི་མཇུག་འབྲས་ལ་བརྟེན་ནས་བོད་ཀྱིས་རྒྱ་ནག་ལ་མགོ་སྒུར་བ་རྒྱ་བོད་ལོ་

རྒྱུས་ནང་ཐོག་མ་དེ་ཆགས་ཡོད། བོད་ནི་ས་མཐོ་དབེན་པའི་རྒྱལ་ཁབ་གཅིག་ཡིན་སྟབས་ཕྱི་ལོ་༡༩༡༣ ནས་ཕྱི་ལོ་

༡༩༥༡བར་བོད་དེ་རང་བཙན་གྱི་རྒྱལ་ཁབ་ཅིག་ཡིན་མིན་སྐོར་གྱི་ལོ་རྒྱུས་ཤེས་རྟོགས་ཡོད་མཁན་ཉུང་ནའང་བོད་

རྒྱའི་མཁས་པ་ཚོས་དེའི་ཐད་ཀྱི་གནས་ཚུལ་གསལ་པོ་མཁྱེན་རྟོགས་ཡོད་པ་ཞིག་རེད་ལ། སྒོས་སུ་དེང་དུས་སྙན་གྲགས་

ཆེ་བའི་ཨ་རིའི་དུས་དེབ་སྒྱཎྤདྲརྣཎརྡ གྟྣཐྲཔྱཎསྣྲདཕྲཅིག་བོད་དེ་རང་བཙན་གྱི་ཡུལ་ཞིག་ཏུ་ངོས་འཛིན་གྱིས་བོད་

ཀྱི་རྒྱལ་དར་རྙིང་ཤོས་ཀྱི་པར་རིས་༡༩༣༠ ཡས་མས་སུ་འཛམ་གླིང་ཡོངས་པར་འགྲེམས་བྱས་ཡོད་པ་ནི་བསུབ་དུ་མེད་

པའི་ལོ་རྒྱུས་ཀྱི་བྱུང་བ་རེད།