ཁྲག་ཡིག་རྩོམ་པ་པོ་
01/08/2009 09:43ཁྲག་ཡིག་རྩོམ་པ་པོ་བོར་སོང་།
བོད་ཀྱི་དུས་བབ་གསར་ཁང་གིས་གནས་ཚུལ་སྤེལ་གསལ་ལྟར་ན། སྔར་ལོའི་བོད་ནང་གི་དོན་རྐྱེན་སྐོར་གྱི་དོན་
དངོས་བརྗོད་མཁན། ༼ ཁྲག་ཡིག ༽ དཔེ་དེབ་ཀྱི་རྩོམ་པ་པོ་བོད་རིགས་ན་གཞོན་བཀྲ་ཤིས་སམ། སྨྱུག་མིང་ལ་ཐེའུ་
རང་ལགས་རྒྱ་གཞུང་གིས་ཆབ་སྲིད་དོགས་གཞིའི་འོག ཉིན་འགའི་སྔོན་ལྐོག་ནས་འཛིན་བཟུང་བྱས་ཏེ་ད་ལྟ་གར་
སོང་ཆ་མེད་ཆགས་ཡོད་འདུག
དེ་རིང་བོད་ནང་གི་དྲི་ཚིགས་ཁག་ཏུ་གནས་ཚུལ་ཐོན་པ་ལྟར་ན། ཕྱི་ཚེས་ ༢༦ ཉིན་བོད་རིགས་ན་གཞོན་རྩོམ་པ་
པོ་རྩོམ་པ་པོ་བཀྲ་ཤིས་སམ། སྨྱུག་མིང་ལ་ཐེའུ་རང་ཞུ་བར་ཆབ་སྲིད་ཀྱི་དོགས་གཞིའི་འོག རྒྱ་གཞུང་འབྲེལ་ཡོད་
ཚན་པས་ལྐོག་ནས་འཛིན་བཟུང་བཙན་ཁྲིད་བྱས་ཏེ། ད་ལྟ་གར་སོང་ཆ་མེད་ཆགས་ཡོད་འདུག ཁོང་གི་གྲོགས་
པོ་ཚོས་བརྗོད་པ་ལྟར་ན། བཀྲ་ཤིས་ཀྱིས་ཉེ་ལམ་༼ ཁྲག་ཡིག ༽ཅེས་པའི་དེབ་ཅིག་བཏོན་ཡོད་པ་དང་། དེབ་དེའི་
ནང་། ཁྲག་དྲི་བྲོ་བའི་དོན་རྐྱེན་དང་དེའི་ལྟག་རྒྱབ་ཀྱི་གསང་བ། ཞེས་པ་དང་། འུ་ཚོས་ཀྱང་རང་རང་ས་ནས་
བསྒྲགས་གཏམ་སྤེལ་ཆོག ཞེས་པ། མྱ་ངན་དང་འགྱོད་བཤགས་སོགས་སྔར་ལོའི་བོད་ནང་གི་དོན་རྐྱེན་སྐབས་ཀྱི་
དངོས་ཡོད་གནས་ཚུལ་ཁག་ཅིག་ཚོར་ཤུགས་ཆེན་པོས་བཀོད་ཡོད་སྟབས། རྒྱ་གཞུང་གིས་དཔེ་དེབ་དེ་ལ་ཆབ་
སྲིད་གནད་དོན་ཆེན་པོ་ཡོད་པའི་དོགས་གཞིའི་འོག ཉེ་ལམ་ནུབ་བྱང་མི་རིགས་སློབ་གྲྭ་ཆེན་མོ་ནས་དེབ་དེ་ཕྱིར་
བསྡུ་དང་བཀག་སྡོམ་བྱས་ཡོད་པ་མ་ཟད། འབྲེལ་ཡོད་ཚན་པས་རྩོམ་པ་པོར་ཀློག་ནས་འདྲི་བརྩད་ཡང་ཡང་བྱས་
ཤིང་། དུས་རྒྱུན་ཁོང་གི་འགྲོ་འདུག་སྤྱོད་གསུམ་ལ་རྟོག་ཞིབ་བྱས་ཡོད་འདུག བོད་ནང་གི་ཧི་གཟུགས་དྲ་བའི་
སྟེང་གི་རྩོམ་པ་པོ་བཀྲ་ཤིས་ལགས་ཀྱི་ཟིན་བྲིས། ཐེའུ་རང་གི་བཙན་ས། ཞེས་པའི་སྟེང་ཟླ་འདིའི་ཕྱི་ཚེས་ ༡༤
ཉིན་ཁོང་གིས་ ( འདང་རྒྱག་རན་རེད། ) ཞེས་པའི་ཟིན་ཐོ་མཐའ་མ་དེ་སྤེལ་འདུག
རྩོམ་པ་པོ་ཐེའུ་རང་ལགས་ཀྱིས་སྔོན་མ་ནས་བོད་ནང་གི་ཤར་དུང་རི་སོགས་དུས་དེབ་དང་ཚགས་པར་ཁག་ཏུ་
རིན་ཐང་ཅན་གྱི་རྩོམ་ཡིག་མང་པོ་བཀོད་མྱོང་ཞིང་། ལྷག་པར་དུ་ ༼ ཁྲག་ཡིག ༽ ཅེས་པའི་དཔེ་དེབ་ནང་སྔར་ལོའི་
བོད་ནང་གི་ཞི་བའི་གྱེན་ལངས་ཆེན་མོ། རྒྱ་དམར་གྱིས་རྐང་བཙུགས་ཏེ་དྲག་རྒོལ་གྱི་ངོ་བོར་བསྒྱུར་བའི་སྐོར་
གསལ་རྗེན་དུ་བཀོད་དོན། ང་ཚོའི་ཞི་བའི་འོས་ལངས་ཆེན་མོ་སུ་ཞིག་གིས་འཆར་གཞི་དང་སྒྲིག་འཛུགས་ཡོད་
པའི་སྒོ་ནས་རྡུང་གཅོག་འཕྲོག་བསྲེག་གི་ངོ་བོར་བསྒྱུར་སོང་བའི་བདེན་དབང་དང་པོ། ( སངྐ་པོར་གྱི་གསར་
འགོད་པ་ཞིག་གིས་རྒྱལ་སྤྱིའི་གསར་འགྱུར་བརྒྱུད་ལམ་དུ་བསྒྲགས་པའི་གནས་ཚུལ ) དང་། བདེ་དཔང་གཉིས་པ།
(ལྷ་སར་སློབ་སྦྱོང་དུ་ཡོང་བའི་འབར་མའི་བུད་མེད་ཅིག་གིས་གྲི་རིང་བཟུང་བའི་བོད་ལ་གྱོན་མཁན་གྱི་དམག་མི་
ཞིག་གིས་བོད་ལ་ཕུད་དེ་དམག་ལ་གྱོན་པ་དངོས་སུ་མཐོང་བ། ) བདེན་དཔང་གསུམ་པ། ( ཉིན་དེའི་བོད་མིའི་ཞི་
རྒོལ་ཁྲོད་ཀྱི་དྲག་པོའི་བྱ་སྤྱོད་སྤེལ་མཁན་དག་ལྷ་སའི་ཡུལ་མི་ཚོས་སྔར་མཐོང་མྱོང་མི་འདུག་ལ། ལས་འགུལ་གྲུབ་
རྗེས་ཀྱང་གར་སོང་ཆ་མེད་ཆགས་ཚུལ་ ) བདེན་དཔང་བཞི་བ། ( རྡུང་གཅོག་འཕྲོག་བསྲེག་གི་བྱ་འགུལ་ཡོད་ཚད་
རྒྱ་ནག་གིས་རྒྱལ་སྤྱིའི་གསར་འགྱུར་བརྒྱུད་ལམ་ཁག་ཏུ་འཆར་གཞི་དང་སྒྲིག་འཛུག་ཡོད་པའི་སྒོ་ནས་སྤེལ་བ། )
བཅས་ཡིན། ཞེས་དོན་དངོས་ཁག་འཇིགས་ཞུམ་བྲལ་བའི་ངང་བཀོད་འདུག
གོང་གི་གནས་ཚུལ་དེའི་ཐད། དེ་རིང་སྔ་དྲོ་བོད་ནང་གི་ཧི་གཟིགས་དྲ་བར་རྩོམ་པ་པོ་དཔྱིད་མྱུག་ལགས་ཀྱིས་
གནས་ཚུལ་སྤེལ་དོན། བློ་རིག་གཉིས་འཛོམས་དང་དཔའ་སྟོབས་གཉིས་ལྡན་ཅན་གྱི་ཁ་བ་རི་བའི་སྤུན་ཟླ་བཀྲ་
ཤེས་སམ་ཐེའུ་རང་ལགས་སྤྱི་ཟླ་ ༧ ཚེས་ ༢༦ ཉིན་ནག་ཕྱོགས་དགྲ་བོས་ལྐོག་འཛིན་བྱས་ཏེ། རྡོ་ཐོག་བྱ་འཕུར་
རྗེས་མེད་བཞིན་གར་སོང་ཆ་མེད་དུ་གྱུར། ཁོ་བོའི་བློས་ཐུབ་ཀྱི་གྲོགས་པོ་ཁ་ཤས་ཀྱི་བཤད་པ་ལྟར་ན། ༢༠༠༨
ལོའི་ཡར་ལངས་གི་རྗེས་ནས་བཟུང་། སྲིད་གཞུང་གིས་ཁོང་ལ་ལན་མང་འདྲི་སྤྱོད་དོགས་ཟོན་བྱས་པ་མ་ཟད།
ཁོང་གི་འགྲོ་འདུག་སྤྱོད་གསུམ་ལ་གཅིག་རྗེས་གཉིས་མཐུད་ཀྱིས་གསལ་ཆ་ལན་གིན་འདུག་ཟེར། ༢༠༠༨ ལོའི་
ལོ་མཇུག་ལ་ཁོང་གིས་བོད་རིགས་སྤུན་ཟླའི་ཉག་ཕྲ་བའི་ལས་དབང་ལ་བསམ་བློ་བཏང་སྟེ། ཤ་དང་ཁྲག་ལ་འདྲེས་
པའི་སྐད་ཆ་གསོན་པོ་ཁྲག་ཡིག་ལ་སྦྱར་ནས་དམར་པོའི་སྲིད་གཞུང་གི་ནག་ཉེས་དང་གཉའ་གནོན། ངན་ཚང་
ཡོད་ཚད་གསལ་བསྒྲགས་བྱས་ཡོད་པས་ཁོང་ཉིད་སྔ་མོ་ནས་སྲིད་གཞུང་གིས་མིག་ནང་གི་འཚེར་མ་ལྟ་བུར་གྱུར་
ཡོད། བློ་རིག་རྟུལ་ཕོད་ཅན་ཁོང་ཉིད་ད་ལྟ་དམར་པོའི་སྲིད་གཞུང་གི་མུན་ནག་བཙོན་ནང་ནས་སྡུག་བསྔལ་དང་། ན་ཟུག་ག་ཚོད་མྱོང་དགོས་པ་ང་ཚོའི་སེམས་ན་གསལ་བོ་ཡིན། ༢༠༠༩ ལོའི་ཟླ་ ༧ ཚེས་ ༢༨ ཉིན་ལྷ་ས་ནས་གཏམ་
ངན་འདི་ཐོས་ཏེ་བློ་བུར་དུ་སྦྱར། ཞེས་བཀོད་འདུག
———
Back