དངངས་འཚབ་འོག་གི་པེ་ཅིང་གཞུང། བོད་ཀྱི་བང་ཆེན་གསར་ཤོག་སྤྱིའི་འདོན་ཐེངས་ ༢༣༧༩ཐོག་རྩོམ་སྒྲིག་པའི་གཏམ། ད་ལྟའི་ཆར་རྒྱ་ནག་གཞུང་དེ་ཕྱིའི་རྣམ་པའི་ཐོག་ནས་ཡར་རྒྱས་དང་མདུན་བསྐྱོད་རང་བཞིན་ཅན་གྱི་སྟོབས་ཆེན་ རྒྱལ་ཁབ་ཅིག་ཏུ་འགྱུར་བཞིན་པ་ལྟ་བུར་སྣང་ཡང། ཕྱོགས་གཞན་ཞིག་ནས་བཤད་ན་རྒྱ་ནག་ནང་དུ་ལྐོག་ཟ་རུལ་ སུངས་ཀྱི་གནས་ཚུལ་གཅིག་རྗེས་གཉིས་མཐུད་ཀྱིས་ཡོང་བཞིན་པ་དང། དབུལ་ཕྱུག་གི་བར་ཁྱད་ཧ་ཅང་ཆེ་བ། རྒྱལ་ སྤྱིའི་དངུལ་རྩའི་རླུང་འཚུབ་ཀྱི་ཤུགས་རྐྱེན་ཆེན་པོ་འཕྲད་ནས་བཟོ་གྲྭ་མང་པོས་ཐོན་སྐྱེད་བྱེད་མཚམས་འཇོག་དགོས་ ཐུག་བཞིན་པ་དང། བཟོ་གྲྭ་མང་པོ་སྒོ་རྒྱག་དགོས་ཐུག་པ་སོགས་ཀྱི་གནས་ཚུལ་འོག་ཉིན་བཞིན་མི་མང་ཁྲི་ཕྲག་མང་ པོས་ངོ་རྒོལ་གྱི་ལས་འགུལ་སྤེལ་བཞིན་ཡོད་པ་དང།     བཟོ་གྲྭ་རེ་ཟུང་གི་འགན་ཁུར་མི་སྣའང་མི་མང་གིས་རུབ་རྡུང་ བརྒྱབ་ནས་དམར་གསོད་བཏང་ཡོད། ...

མེ་མདའི་སོ་འོག་གི་གྲངས་ཉུང་མི་རིགས། བོད་ཀྱི་བང་ཆེན་གསར་ཤོག་སྤྱིའི་འདོན་ཐེངས་ ༢༣༧ ཐོག་རྩོམ་སྒྲིག་པའི་གཏམ། སྤྱིར་རྒྱ་ནག་ལ་མཚོན་ན་མི་རིགས་མང་པོ་ཡོད་པ་དང་མི་འབོར་ཆེས་ཆེ་ཤོས་ཀྱི་རྒྱལ་ཁབ་ཅིག་ཡིན་ལ། ད་ལྟའི་ཆར་ དཔལ་འབྱོར་གྱི་གནས་སྟངས་ཡར་རྒྱས་སུ་འགྲོ་བཞིན་ཡོད་པའི་སྟོབས་ཆེན་རྒྱལ་ཁབ་ཆགས་ཡོད་ནའང།    པེ་ཅིང་ གཞུང་གིས་དེང་སྐབས་རང་ཉིད་ཀྱི་མངའ་འོག་ཏུ་ཡོད་པའི་གྲངས་ཉུང་མི་རིགས་དག་གི་བདེ་སྡུག་ལ་དངོས་ཐོག་ བདེན་འཚོལ་གྱི་ཐག་གཅོད་རོགས་རམ་བྱེད་རྒྱུ་ཕར་ཞོག བདེ་སྡུག་གི་ཞུ་འབོད་ལ་མེ་མདས་ཡ་ལན་སྤྲད་པ་དང། མི་རིགས་ཀྱི་བདེ་སྡུག་ཆེད་ཞི་བའི་ངོ་རྒོལ་བྱེད་མཁན་དག་གི་ཚེ་སྲོག་ནི། ཚན་རིག་སློབ་སྦྱོང་བྱེད་མཁན་དག་གིས་ ཙི་ཙིའི་ཚེ་སྲོག་ཚོད་ལྟ་བྱེད་པའི་ལག་ཆར་བེད་སྤྱོད་བྱེད་བཞིན་པ་ལྟར།...

༸གོང་ས་མཆོག་རྒྱབ་ཤེད་དུ་ཁུར་ནས་དབུ་མའི་ལམ་སྨྲ་མཁན་ཚོར།   རྩོམ་པ་པོ།  འཇིགས་བྲལ་བསྟན་འཛིན།  བོད་ཀྱི་དུས་བབ་ཟིན་བྲིས་ནས་ཤུས། དབུ་མའི་ལམ་ནི་བོད་ཀྱི་གནད་དོན་ཐག་གཅོད་བྱེད་ཆེད་བཏོན་པའི་ཆབ་སྲིད་ཀྱི་ཐབས་ལམ་ཞིག་ཡིན་མིན་ལ་ བོད་མི་ཚོས་དོགས་པ་གང་ཡང་བྱེད་མི་སྲིད་ལ། བོད་མི་ཕལ་ཆེ་བ་དབུ་མའི་ལམ་གྱི་རྗེས་འབྲངས་པ་ཆགས་ཡོད།  ཡིན་ནའང་བོད་མི་མང་ཆེ་བས་དབུ་མའི་ལམ་གྱི་གཞི་ལམ་འབྲས་གསུམ་གྱི་འགྲོ་སྟངས་གང་ཡང་ཁུངས་འཁྱོལ་ བ་ཤེས་ཀྱི་མི་འདུག   ཐ་ན་བཀའ་བློན་དང་། སྤྱི་འཐུས་མི་ཉུང་བ་ཞིག་གིས་ཀྱང་དབུ་མའི་ལམ་འགྲེལ་བཤད་ སྐྱོན་སྐབས་༸གོང་ས་མཆོག་གི་དགོངས་གཞི་ཡིན་པས་ཤར་བསྐྱོད་བྱེད་དགོས་ཚུལ་དང་།  ...

རང་སྐྱོང་ཨེ། ཡང་བསྐྱར་བསམ་བློ་ཐོངས། རྩོམ་པ་པོ།   ཨེ་ལིའོ་ཊི་ སྤེར་ལིང་། Elliot Sperling དགེ་འདུན་རབ་གསལ་གྱིས་བསྒྱུར། —————– ད་དུང་ཡང་རྒྱ་ནག་གིས་༧རྒྱལ་བ་རིན་པོ་ཆེ་དང་བཙན་བྱོལ་བོད་གཞུང་རྩེད་མོ་རྩེ་བཞིན་པ་འདིའི་ཐད་དཔང་ རྟགས་ཤིག་དགོས་ཀྱི་ཡོད་ན། ཉེ་ཆར་གྱི་གནད་དོན་དག་གིས་གནས་སྟངས་ཧ་ཅང་གསལ་པོ་བཟོས་ཡོད་པ་རེད། སྔ་ལོའི་སྤྱི་ཟླ་ ༡༡ པའི་ནང་བོད་མི་ཚོས་རྒྱ་ནག་ལ་འཆར་གཞིའི་ཡིག་ཆ་ཞིག་སྤྲད་པ་རེད་ལ། དེའི་དགོས་དོན་ནི་ ༧རྒྱལ་བ་རིན་པོ་ཆེའི་བོད་རང་སྐྱོང་གི་ཐད་བཞེད་ཕྱོགས་ནི་ད་ ལྟ་ཡོད་བཞིན་པའི་རྒྱ་ནག་གི་མི་རིགས་རང་སྐྱོང་ ཁྲིམས་ལུགས་དང་ཆ་ཚང་མཐུན་པ་ ཞིག་ཡིན་པ་སྟོན་རྒྱུའི་ཆེད་དུ་ཡིན་པ་རེད།   ཡིག་ཆ་དེ་ངར་པོ་དང་བཅས་ ཕྱིར་སློག་བྱས་ཤིང་ཕྱོགས་གཉིས་བར་གྱི་གྲོས་མོལ་དེ་ སྐད་ཅོར་དང་བཅས་མཚམས་བཞག་པ་རེད།   ཕྱི་ཟླ་ ༦ ཚེས་ ༢༢ ཉིན་བཙན་བྱོལ་བོད་མིའི་ལས་བྱེད་དག་མཉམ་འཛོམས་ཀྱིས་ཁོང་ཚོའི་ལངས་ཕྱོགས་གསལ་...

ཡུལ་མི་གནས་སྤོར་གྱིས་མི་རིགས་ཀྱི་གནད་དོན་ཐག་གཅོད་ཐུབ་བམ། ཝང་ལི་ཞོན།       ཝང་ལི་ཞོན་གྱིས་བརྩམས།    དོན་གོས་བསྒྱུར།    བོད་ཀྱི་དུས་བབ་ནས་འདིར་བཀོད། ཀྲུང་གོའི་སྲིད་གཞུང་གིས། མི་རིགས་ས་ཁུལ་དུ་རྒྱ་རིགས་གནས་སྤོར་བྱེད་བཞིན་པ་དེ་མི་རིགས་གནད་དོན་ཐག་ གཅོད་ཀྱི་མཆོག་ཏུ་གྱུར་བའི་རིགས་ལམ་ཞིག་ཏུ་བརྩི་བཞིན་ཡོད་འདུག་ལ། ཐབས་ཇུས་འདི་གཏན་འབེབས་བྱེད་ མཁན་དག་གིས། མི་རིགས་ས་ཁུལ་དུ་རྒྱ་རིགས་གྲངས་འབོར་མང་དུ་ཕྱིན་པ་དང་བསྟུན་ནས་མི་རིགས་ཀྱི་གནད་ དོན་ཆུང་དུ་འགྲོ་བའི་ལྟ་ཚུལ་བཟུང་འདུག  ང་ཚོས་ཀྱང་སྣང་དོགས་མེད་པའི་སྒོ་ནས་ཀྲུང་གོའི་ཐབས་ཇུས་ལག་ ལེན་བསྟར་པའི་ཕྱོགས་སུ་ལངས་ཏེ་བསམ་བློ་ཞིག་གཏོང་དགོས་བསམ། གལ་སྲིད། རྒྱ་རིགས་འབོར་ཆེན་གནས་སྤོར་ བྱས་ཏེ་དངོས་སུ་ས་གནས་ཡུལ་མི་སྣུབ་པ་ཡིན་ན།...

གཤིས་ཀ་ཞིག་མཚོན་ཚུལ། རྩོམ་སྒྲིག་པས། བོད་ཀྱི་དུས་བབ་གསར་ཤོག་སྤྱིའི་འདོན་ཐེངས་ ༤༥༡ པའི་སྟེང་གི་རྩོམ་སྒྲིག་པའི་གཏམ། ཉིན་དེར་གངས་སྐྱིད་ཀྱི་གཞུང་ཞབས་ལས་བྱེད་ཅིག་དང་མཉམ་དུ་དྲ་རྒྱའི་སྐོར་ནས་རྩོད་པ་བྱས། ཁོས། རྒྱ་ནག་ གིས་བོད་ཕྱི་ཕྱོགས་ཀྱི་དྲ་རྒྱ་རྣམས་བཀག་འདུག་ཚུལ་སྐྱོན་བརྗོད་བྱས། ངས་ཁོ་ལ། དེ་བདེན་པ་རེད། ཡིན་ཡང་། བཙན་བྱོལ་བོད་གཞུང་གིས་ཀྱང་གཞུང་གི་བོད་ཡིག་དྲ་རྒྱ་དེ་བོད་ཕྱི་ནང་གཉིས་ཀར་བཀག་འདུག་ཅེས་ལན་ བཏབས། ད་སྐབས་འཛམ་གླིང་གང་སར་སྟབས་བདེ་ཤོས་ཀྱི་མཐུན་རྐྱེན་དང་ཕུན་སུམ་ཚོགས་ཤོས་ཀྱི་རིག་གནས་ ཤིག་ཡོད་པ་ནི་དྲ་རྒྱ་རེད། དྲ་རྒྱའི་བརྒྱུད་ལམ་སྟེང་གི་གནས་ཚུལ་ཕྱུག་པོ་འདིས་མི་རྣམས་ལ་ཤེས་ཡོན་སྤྲོད་པ་དང་ མཛའ་འབྲེལ་གྱི་ཁོར་ཡུག་ཅིག་བསྐྲུན་གྱིན་ཡོད། དྲ་ཐོག་གི་རིག་གནས་དང་ལས་འགུལ་གྱི་སྣང་ཚུལ་འདི་ནི་དངོས་ ཡོད་ཅིག་ལ་གྱུར་དང་འགྱུར་བཞིན་ཡོད།...

མི་ལོ་ཧྲིལ་པོ་ལྔ་བཅུ་འཁོར་བའི་དེ་རིང༌། བོད་ཀྱི་རྒྱལ་ས་ལྷ་སར་བོད་རིགས་རྣམས་ཀྱིས་རྒྱ་ནག་གཞུང་གི་ཞི་བའི་སྒེར་ལངས་བྱས་ནས་མི་ལོ་ཧྲིལ་པོ་༥༠ འཁོར་བའི་དུས་དྲན་གྱི་ཉིན་མོར་མི་ལོ་ལྔ་བཅུའི་རིང་གི་བོད་རྒྱའི་འཐབ་རྩོད་ཀྱི་གནས་བབས་ལ་ཕྱི་མིག་ཅིག་ བལྟས་ན། རྒྱ་དམར་གཞུང་གིས་བོད་ཡུལ་ཡོངས་སུ་རྫོགས་པ་བཙན་འོག་དང་དམ་དྲག་གི་འོག་ཏུ་བཅུག་ཐུབ་ ཡོད་ཀྱང༌། ཕྱོགས་གཅིག་ནས་མི་ལོ་༥༠རིང་བོད་ཀྱི་རང་དབང་འཐབ་རྩོད་ཀྱི་གོམ་ཁ་གཏན་ནས་ལྷོད་མ་མྱོང་ བས་རྒྱ་དམར་གཞུང་ལ་མཚོན་ན་བོད་ཀྱི་གནད་དོན་དེ་ལྕགས་ཀྱི་ཐོ་ལུམ་ཞིག་ཁོག་ཏུ་མིད་པ་དང་མཚུངས་པར་ གཏན་ནས་ཞུ་མ་ཐུབ་པར་ཁོག་པའི་ནང་གི་ན་ཚ་ཞིག་ཏུ་གྱུར་ནས་བཤལ་སྐྱུག་གང་རུང་ཞིག་མི་བྱེད་ཐབས་མེད་ དུ་གྱུར་ཡོད། ད་ལྟའི་དུས་འདིར་རྒྱ་དམར་གཞུང་གི་ངོས་ནས་བོད་པ་མང་པོ་ཞིག་ལ་བཙན་གནོན་གྱི་འོག་ནས་ བོད་ནང་གི་གནས་སྟངས་ཡག་པོ་ཡོད་པ་དང༌། ...

མནར་གཅོད་མུན་ནག་གི་ལོ་ལྔ་བཅུ། ཉེ་བའི་ཆར་བོད་ལྗོངས་ཉིན་རེའི་ཚགས་པར་ཟེར་བའི་སྟེང་༵༵ཞིང་བྲན་ལ་བཅིངས་འགྲོལ་བཏང་བ་ནི་མི་མང་གི་ རྒྱལ་ཁ་ཡིནཀཀཟེར་བའི་འགོ་བརྗོད་འོག་རྩོམ་ཡིག་ཅིག་སྤེལ་ཡོད་པ་དང༌། རྩོམ་ཡིག་དེའི་ནང་དོན་གཙོ་བོ་ནི། རྒྱ་ནག་གཞུང་གིས་བཀའ་རྒྱ་བཏང་བ་ལྟར་ཕྱི་ལོ་༢༠༠༩ ཟླ་༣ ཚེས་༢༨ དེ་ཉིད་བོད་ཀྱི་ཞིང་བྲན་པ་ཁྲི་ཚོ་བརྒྱར་ བཅིངས་འགྲོལ་ཐོབ་པའི་དྲན་གསོའི་ཉིན་མོར་གཏན་འཁེལ་བྱས་པར་དགའ་འབོད་ཞུ་བའི་ཕྱིར་དུ་ཡིན་ཚུལ་དང༌། བོད་ཀྱི་ལམ་ལུགས་རྙིང་པ་ཆེས་གདུག་རྩུབ་དང་མུན་ནག་ཡིན་པ་མ་ཟད། ྋགོང་ས་སྐུ་ཕྲེང་རིམ་བྱོན་ནི་བོད་མི་ རིགས་ལ་གདུག་རྩུབ་ཚད་མེད་གཏོང་མཁན་གྱི་བྱེད་གཏེ་ཡིན་ཚུལ་ཡང་བཀོད་པ་རེད། བོད་རྙིང་པའི་ལམ་ལུགས་ ཆ་ཚང་ཡང་དག་པ་ཞིག་ཡིན་མི་སྲིད་པ་དང༌།     ...

ཉིས་སྟོང་བརྒྱད་ལོའི་བོད་དོན་ལ་ཕྱི་མིག ཕྱི་ལོ་༢༠༠༨ ལོ་རྫོགས་སོང་བ་དང༌། ༢༠༠༩ ལོ་ང་ཚོའི་མིག་མདུན་དུ་སླེབས་པ་རེད། འདས་མ་ཐག་པའི་ལོ་འདིའི་ ནང་བོད་དོན་ཐད་ཛ་དྲག་གི་གནས་ཚུལ་མང་པོ་ཞིག་བྱུང་ཡོད་པ་རེད། གནས་སྟངས་འདི་ལ་བརྟེན་ནས་ལོ་འདིའི་ ནང་བོད་རྒྱའི་འཐབ་རྩོད་ཀྱི་རྒྱུན་རིང་དུ་བཏང་ཡོད་ལ། བུ་རབས་ཚ་བརྒྱུད་ལ་བརྗེད་མི་ཐུབ་པའི་ལོ་རྒྱུས་ཀྱི་རྨ་ཁ་ ཆེན་པོ་ཞིག་བོད་མི་རིགས་ཀྱི་སེམས་ནང་དུ་བཞག་ཡོད། ྋགོང་ས་མཆོག་གིས་དབུ་ཁྲིད་པའི་བཙན་བྱོལ་བོད་གཞུང་ གིས་སྐུ་ཚབ་རྣམ་གཉིས་བརྒྱུད་རྒྱ་ནག་གཞུང་ལ་མེར་ཚིག་མེར་གཏུག་གིས་འབྲེལ་བ་བྱས་ཡོད་ཀྱང༌། རྒྱ་གཞུང་གིས་ ཨོ་ལིམ་པིག་རྩེད་འགྲན་ལམ་ལྷོང་ཡོང་ཐབས་ཙམ་ལས་བོད་ཀྱི་གནད་དོན་ཐག་གཅོད་ཡོང་བར་བསམ་བློ་གཏན་ ནས་བཏང་མེད་པས། ད་ཆ་སྐུ་ཚབ་ཐུག་འཕྲད་ལན་མང་བྱས་པ་དེར་གྲུབ་འབྲས་གང་ཡང་མེད་པར་གྱུར་ཡོད། གནད་དོན་འདི་ནི་རྒྱ་ནག་གཞུང་གིས་བོད་དོན་ཐོག་བསམ་གཞིག་གཏན་ནས་མ་བྱས་པའི་གྲུབ་འབྲས་ཡིན་ལ། ...

མཐོ་སྒང་ཁ་བའི་སྟིང་གི་ཁྲག་རྗེས་རིང་མོ་ཞིག ཁ་བའི་ལྗོངས་སུ་རྒྱ་ནག་གིས་ལོ་ཞེ་བདུན་རིང་བཅིངས་གྲོལ་ལམ་བཙན་འཛུལ་གྱི་བརྒྱུད་རིམ་དང་སྙན་ཐོ། མཐོ་སྒང་ཁ་བའི་སྟེང་གི་ཁྲག་རྗེས་རིང་མོ་ཞེས་པ་གུས་པས་མི་ལོ་༢༠ ལྷག་རིང་བཙན་བྱོལ་དུ་གྱར་ནས་རང་ ཉིད་ཀྱི་དགའ་ཉེ་གྲོགས་པོ་དང་རྒྱ་གར་གྱིས་གཙོས་ཕྱི་རྒྱལ་སློབ་གྲོགས། སློབ་གྲྭ་ཁག་གི་སློབ་དགེ་དང་སློབ་མ། གཞན་ཡང་ཕྱི་ནང་གི་ངོ་ཤེས་མཁས་དབང་དང་ཉམས་ཞིབ་པ་བཅས་དང་གྲོགས་འདྲེས་ཉམས་མྱོང་སྤེལ་རེ། ཁོང་རྣམ་པར་བཅར་འདྲི་དང་བགྲོ་གླེང༌། སོ་སོས་ཀྱང་རང་ནུས་གང་ཡོད་ཀྱིས་ཉམས་ཞིབ་རིམ་པ་བརྒྱུད་རང་ ཉིད་བོད་མི་ཞིག་དང་ལྷག་པར་དུ་བོད་ཀྱི་མཐུན་མོང་དང་མཐུན་མིན་གྱི་ཆོས་རིག་དང་སྐད་ཡིག་བཅས་ལ་ དོ་ཁུར་དང་སེམས་ཤུགས་གང་འཚམ་ཡོད་ཁུལ་བྱས་པའི་ཆ་ནས་ཀྱང་འོས་འགན་ཆེ་ཙམ་མཐོང་ནས་དཔྱད་ རྩོམ་གྱི་འགྲོས་སུ་བྲིས་པ་ཞིག་ཡིན་ལ།...