ཕྱི་ཟླ་དྲུག་པ། སྟོད་དིང་རི་རྫོང་ཤེལ་དཀར་ཆོས་སྡེའི་དགེ་འདུན་པ་འཛིན་བཟུང༌། འདི་གར་ཁུངས་ལྡན་གནས་ཚུལ་འབྱོར་གསལ་ལྟར་ན། དིང་རི་རྫོང་ཤེལ་དཀར་ཆོས་སྡེར་རྒྱ་གཞུང་གིས་བཙན་བཀའི་ འོག་རྒྱལ་གཅེས་ཆོས་གཅེས་ཞེས་པའི་ལས་འགུལ་སྤེལ་སྐབས། དགེ་འདུན་པས་ངོས་ལེན་མ་བྱས་པར་བརྟེན། དགེ་འདུན་ པ་བཅུ་གསུམ་འཛིན་བཟུང་བཙོན་འཇུག་བྱས་རྗེས་གང་དུ་ཁྲིད་ཡོད་མེད་ཤེས་རྟོགས་བྱུང་མེད་པ་རེད། དིང་རི་རྫོང་ ཤེལ་དཀར་ཆོས་སྡེའི་ཕྱག་མཛོད་གྲྭ་མཁྱེན་རབ་མཐར་ཕྱིན་ལགས་ཀྱིས་སྣེ་ཁྲིད་འོག་དགེ་འདུན་བཅུ་གཉིས་ཀྱིས་རྒྱལ་ གཅེས་ཆོས་གཅེས་ཟེར་བའི་སློབ་གསོ་ལ་ངོས་ལེན་མ་བྱས་པ་དང༌། རྒྱ་ཆེ་བའི་རྔམ་སྟོན་ཁྲོམ་སྐོར་བྱེད་རྒྱུའི་འཆར་གཞི་ ཡོད་པ་ལྟར། དེ་ཁུལ་མང་ཚོགས་ལའང་བརྒྱུད་སྐུལ་བྱེད་རྒྱུའི་གསང་བརྡ་གྱར་ཏེ་དགོན་པར་གཏན་སྡོད་བྱས་པའི་རྒྱ་ གཞུང་གི་ལས་དོན་ཚོགས་ཆུང་དང༌།  ...

ཕྱི་ཟླ་ལྔ་པ།  བོད་ཀྱི་བླ་ཆེན་རྣམ་པ་དྷ་སར་ལྷན་ཚོགས་གནང་བ། ཟླ་འདིའི་ཚེས་༢ ཉིན་བོད་གཞུང་ཆོས་དོན་ལས་ཁུངས་ཀྱི་གོ་སྒྲིག་འོག་དྷ་སར་བོད་ཀྱི་ཆེས་མཐོའི་བླ་ཆེན་རྣམས་ ལྷན་ཚོགས་ཀྱིས་བོད་ཀྱི་ཆོས་དང་རིག་གཞུང་མི་ཉམས་རྒྱུན་འཛིན་དང༌། ཉམས་པ་སླར་གསོ་ཡོང་ཆེད་དང༌། བོད་ ཀྱི་བླ་སྤྲུལ་ངོས་འཛིན་གནང་ཕྱོགས། འཁོར་རྣམ་པ་བཞི་ཡོངས་སུ་རྫོགས་པ་ཡོང་བའི་ཆེད་དགེ་སློང་མའི་སྡོམ་རྒྱུན་ ལེན་རྒྱུ་ཡོད་མེད་སྐོར་བཅས་ལ་བཀའ་བསྡུར་གནང་བའི་ཚོགས་ཐུན་དང་པོའི་ཐོག་ྋགོང་ས་མཆོག་ཆིབས་བསྒྱུར་ གྱིས་ལམ་སྟོན་བཀའ་སློབ་གནང་ཡོད་པ་རེད། སྐབས་དེར་བཙན་བྱོལ་བོད་གཞུང་བཀའ་བློན་ཁྲི་པ་ཟམ་གདོང་རིན་པོ་ཆེ་མཆོག་གིས་དབུས་བཀའ་བློན་ཕྱག་རོགས་ དྲུག་མཉམ་ཞུགས་ཀྱིས་ཆོས་དོན་བཀའ་བློན་ཚེ་རིང་ཕུན་ཚོགས་མཆོག་གིས་ཚོགས་འདུའི་དགོས་དམིགས་དང་འབྲེལ་ བའི་གསུང་བཤད་སྒྲོགས་སྦྱང་གནང་བ་དང༌། བཀའ་བློན་ཁྲི་པ་མཆོག་གིས་བརྗོད་གཞི་དེ་ཚོ་དང་འབྲེལ་བའི་བཀའ་ ཤག་གི་གསུང་བཤད་གནང་རྗེས། ྋགོང་ས་མཆོག་གི་ལམ་སྟོན་བཀའ་སློབ་གནང་ཡོད་པ་རེད། ལྷན་ཚོགས་དེའི་ཐོག་ ས་སྐྱ་གོང་མ་བདག་ཁྲི་རིན་པོ་ཆེ་དང༌། རྒྱལ་དབང་ཀརྨ་པ་རིན་པོ་ཆེ། སྨན་རི་ཁྲི་འཛིན་ལུང་རྟོགས་བསྟན་པའི་ཉི་མ་ རིན་པོ་ཆེ། ཤར་པ་ཆོས་རྗེ་རིན་པོ་ཆེ།...

ཕྱི་ཟླ་བཞི་པ། ལྷ་སར་རྒྱ་གཞུང་གི་དམ་དྲག་འོག་བོད་མིའི་ངོ་རྒོལ། ཟླ་༣ པའི་ཚེས་༢༧ ཉིན་རྒྱ་ནག་གཞུང་གིས་དམིགས་བསལ་འདེམས་སྒྲིག་བྱས་པའི་རྒྱལ་སྤྱིའི་གསར་འགོད་ པ་ཁག་ ཅིག་བོད་ཀྱི་རྒྱལ་ས་ལྷ་སར་འབྱོར་ཡོད་པ་དང༌།    རྒྱ་ནག་གཞུང་གིས་ལྷ་སའི་གནས་སྟངས་བདེ་འཇགས་ཡིན་སྐོར་ བརྗོད་ཡོད་ནའང༌། གསར་འགོད་པ་རྣམས་གཙུག་ལག་ཁང་གི་མདུན་ཐང་དུ་སླེབས་སྐབས། དགེ་འདུན་པ་༣༠ ཙམ་ གློ་བུར་དུ་གསར་འགོད་པ་ཚོའི་མདུན་དུ་སླེབས་ནས་བོད་དོན་སྐད་འབོད་གནང་བ་ དང༌། དགེ་འདུན་པ་རྣམས་ཀྱིས་ མིག་ནས་མཆི་མ་ཐོན་བཞིན་བོད་ལ་རང་དབང་མེད་པ་དང༌། ད་ལྟ་བོད་ནང་གི་ཞི་རྒོལ་དེ་ྋགོང་ས་མཆོག་གིས་ལམ་ སྟོན་གནང་བ་ཞིག་མིན་སྐོར། དེ་བཞིན་རྒྱ་ནག་གཞུང་གིས་ཁྱེད་ཚོ་མགོ་སྐོར་གཏོང་གི་ཡོད་པ་རེད། ཁྱེད་ཚོས་ཡིད་ཆེས་ མ་གནང་ཞེས་པ་སོགས་གསར་འགོད་པར་བརྗོད་མ་ཐག། རྒྱ་ནག་གཞུང་གི་ཉེན་རྟོག་དམག་མི་ཡོང་ནས་དགེ་འདུན་པ་ རྣམས་བཙན་ཁྲིད་བྱས་ཡོད་ པའི་གནས་ཚུལ་དང༌། འདྲ་པར་གསར་འགྱུར་བརྒྱུད་ལམ་ཁག་ཏུ་སྤེལ་ཡོད་པ་རེད། བོད་ རང་སྐྱོང་ལྗོངས་ཞེས་པའི་དཔོན་རིགས་པདྨ་འཕྲིན་ལས་ཀྱིས་དགེ་འདུན་པ་དེ་ ཚོར་ཉེས་པ་གང་ཡང་ཕོག་རྒྱུ་མིན་སྐོར་ བརྗོད་ཡོད་ནའང༌།...

ཕྱི་ཟླ་གསུམ་པ། གྲོས་ཚོགས་ཚོགས་དུས་ལྔ་པ་དབུ་འཛུགས་གནང་བ། བོད་མི་མང་སྤྱི་འཐུས་ལྷན་ཚོགས་སྐབས་༡༤ པའི་གྲོས་ཚོགས་དུས་ལྔ་པ་དེ་ཉིད་ཟླ་འདིའི་ཚེས་༤ ཉིན་གྱི་ཕྱི་དྲོ་དབུ་ འཛུགས་གནང་ཡོད་ཅིང༌། ཚོགས་འདུ་དེའི་ཐོག་སྤྱི་འཐུས་རྣམ་པ་དང༌། བཀའ་བློན་རྣམ་པ་བཅས་ཕེབས་ཡོད་པ་དང༌། ཐོག་མ་བོད་རྒྱལ་ཁབ་ཆེན་པོའི་རྒྱལ་གླུ་དང༌། བོད་མི་མང་སྤྱི་འཐུས་ཚོགས་གཙོ་མཆོག་གིས་ཚོགས་འདུ་དབུ་འཛུགས་ ཀྱི་གསུང་བཤད་གནང་དོན། ད་ལྟའི་གྲོས་ཚོགས་དེ་དཔལ་འབྱོར་དང་འབྲེལ་བའི་སྔོན་རྩིས་གྲོས་ཚོགས་ཤིག་ཡིན་པ་ དང༌།   ཉེ་སྔོན་གྲོས་ཆོད་ཀྱི་ལམ་ནས་འགྱུར་བ་བཏང་བ་ལྟར་ལས་བསྡོམས་ཀྱི་ཐོག་ཏུ་བགྲོ་གླེང་གནང་མི་དགོས་པར་ བརྟེན་སྔོན་རྩིས་ཀྱི་ལས་དོན་ཚགས་ཚུད་དུ་ཡོང་ཐབས་ལ་འབད་བརྩོན་གནང་རོགས་ཞེས་དང༌། ལོ་འདིར་གསུམ་བཅུའི་ དུས་དྲན་གྱི་སྐབས་སུ་སྤྱི་འཐུས་ཚང་མ་བཞུགས་སྒར་དུ་ཡོད་པ་ཞིག་གོ་སྒྲིག་བྱས་ཡོད་པ་རེད།     ད་ལྟའི་ཆར་བོད་དོན་ བདེན་མཐའ་གསལ་ཐབས་ཀྱི་ཐོག་ལ་དཀའ་ལས་ཁག་པོ་ཞིག་ཆགས་ཡོད་པས་སྤྱི་འཐུས་ཚང་མས་མཉམ་ཞུགས་གནང་ དགོས་པ་དང༌།  ...

ཕྱི་ཟླ་གཉིས་པ།  ལྷ་སའི་བར་སྐོར་དུ་ཉེན་རྟོག་པས་བོད་མི་ཞིག་དམར་གསོད།  འདི་གར་གནས་ཚུལ་འབྱོར་བ་ལྟར་ན། ཁམས་འབྲི་རུ་རྫོང་པད་དཀར་ཤང་ནས་ཡིན་པའི་བོད་མི་ལོ་ན་༢༢ སོན་པ་ ཞིག་ལྷ་སར་མཆོད་མཇལ་དུ་ཕྱིན་སྐབས།བར་སྐོར་ནང་རྒྱ་གཞུང་གི་ཉེན་རྟོག་པ་བོད་རིགས་གཉིས་ཀྱིས་བཟུང་ནས་སྐེ་ ལ་བཏགས་པའི་ྋགོང་ས་མཆོག་གི་སྐུ་པར་བཙན་འཕྲོག་གིས་རྡོག་རྫིས་གཏོང་དགོས་པའི་བཙན་བཀའ་བཏང༌། ཁོང་ གིས་ང་ཚོ་བོད་པ་ཡིན་པས་དེ་འདྲ་བཤད་མཁན་རྒྱ་རིགས་ཤིག་ཁྲིད་ཤོག་ཅེས་བརྗོད་པས་རྒྱ་རིགས་ཉེན་རྟོག་པ་ཁག་ ཅིག་ཡོང་ནས་སྐུ་པར་རྡོག་རྫིས་ཐོང་ཞེས་བརྗོད་སྐབས།   བོད་མི་དེས་རྒྱ་རིགས་ཉེན་རྟོག་པ་ཞིག་གི་མགོར་གྲིས་བརྒྱབ་ སྟེ་རྨས་སྐྱོན་ཆེན་པོ་བཏང་ཡོད་འདུག་པ་དང༌། དེ་མ་ཉིད་དུ་ཉེན་རྟོག་པས་མེ་མདའ་བརྒྱབ་སྟེ་ཁོང་བསད་ཡོད་འདུག།  བོད་མི་སྐྱབས་བཅོལ་བའི་ལམ་ཁའི་དཀའ་ངལ། ཉེ་ཆར་བོད་ནས་རྒྱ་གར་དུ་སྐྱབས་བཅོལ་དུ་ཕེབས་མཁན་གསར་འབྱོར་ཁག་གཅིག་ལ་ལམ་བར་དུ་བལ་པོའི་མཐའ་སྲུང་ དམག་མིས་རྡུང་རྡེག་དྲག་པོ་བཏང་ཡོད་པ་མ་ཟད། འཛིན་བཟུང་དང་བཅའ་དངོས་འཕྲོག་བཅོམ་བྱས་ཡོད་འདུག   ཟླ་༡ ཚེས་༣༡ ཉིན་བལ་ཡུལ་སྣེ་ལེན་ཁང་དུ་འབྱོར་ཡོད་པའི་གསར་འབྱོར་བ་ཁག་ཅིག་གིས་གསུངས་དོན།...

ཕྱི་ཟླ་དང་པོ། བཀའ་དྲིན་རྗེས་དྲན་གྱི་བཀྲ་ཤིས་པའི་འབུལ་ཚན་བསྟར་འབུལ། ཟླ་འདིའི་ཚེས་༢ ཉིན་སྤྱི་ནོར་ྋགོང་ས་སྐྱབས་མགོན་ཆེན་པོ་འཕགས་ཡུལ་ལྷོ་ཕྱོགས་མོན་གྷོ་འདོད་རྒུ་གླིང་དཔལ་ ལྡན་འབྲས་དཀར་སྤུངས་པའི་ཚོགས་ཆེན་འདུ་ཁང་ཆེན་མོར་ཆིབས་བསྒྱུར་བཀའ་དྲིན་བསྐྱངས་པ་དང་ཉིན་དེ་རང་ དུ་འབྲས་སྤུངས་དགའ་ལྡན་ཕོ་བྲང་ཕྱོགས་ལས་རྣམ་རྒྱལ་དབུ་འབྱེད་གནང་ཡོད་པ་རེད། ཕྱི་ཚེས་༣ ཉིན་གྱི་ཞོགས་ པ་ཆུ་ཚོད་༨ ཀྱི་ཐོག་སྤྱི་ནོར་ྋགོང་ས་སྐྱབས་མགོན་ཆེན་པོ་མཆོག་དགའ་ལྡན་ཕོ་བྲང་གི་ཚོམས་ཆེན་དུ་ཕེབས་ནས་ རྗེ་བློན་ལྷན་ཚོགས་གནང་ཡོད་པ་དང༌། ཆུ་ཚོད་༨ དང་ཕྱེད་ཀའི་ཐོག་འབྲས་སྤུངས་ཚོགས་ཆེན་འདུ་ཁང་དུ་བཙན་ བྱོལ་བོད་གཞུང་མང་གཙོའི་ཀ་བ་གསུམ་གྱི་མཛད་གཙོ་རྣམ་པས་སྤོས་སྣེ་དང་ཕེབས་བསུ་ཞུས་ནས་བཞུགས་ཁྲིར་ འཁོད་པ་དང༌། བཀའ་བློན་ཁྲི་པ་མཆོག་གིས་མཇལ་དར་རྐྱང་འབུལ་ཞུས་ཡོད་པ་དང༌། འདུས་མང་ཡོངས་ནས་ འཇམ་དབྱངས་ཆོས་རྗེའི་གསོལ་འདེབས་སོགས་ཞལ་འདོན་གྲུབ་མཚམས་གསོལ་འདེབས་མཎྜལ་འབུལ་བཞིན་པར་ བཀའ་བློན་ཁྲི་པ་མཆོག་དང༌། གཞུང་བསྟེན་དགྲ་ལྷའི་གཙོ་བོ་གནས་ཆུང་ཆོས་སྐྱོང་ཆེན་པོ་དང་དགའ་གདོང་ཤིང་ བྱ་ཅན་རྣམ་གཉིས་སྐུ་ཁོག་ཏུ་བརླམས་ཏེ་མཇལ་ཕྱག་རྟེན་གསུམ་འདེགས་འབུལ་ཞུས།...