ཞལ་འདོན།
འཕགས་པ་བཟང་པོ་སྤྱོད་པའི་སྨོན་ལམ
11/04/2012 11:21
༄༅། །འཕགས་པ་བཟང་པོ་སྤྱོད་པའི་སྨོན་ལམ་གྱི་རྒྱལ་བོ་ཞེས་བྱ་བ།
རྒྱ་གར་སྐད་དུ། ཨཱརྱ་བྷཱ་དྲ་ཙརྱ་པྲ་ཎི་དྷཱ་ན་རཱ་ཛ། བོད་སྐད་དུ། འཕགས་པ་བཟང་པོ་སྤྱོད་པའི་སྨོན་ལམ་གྱི་རྒྱལ་བོ། འཕགས་པ་འཇམ་དཔལ་གཞོན་ནུར་གྱུར་པ་ལ་ཕྱག་འཚལ་ལོ། ། ཇི་སྙེད་སུ་དག་ཕྱོགས་བཅུའི་འཇིག་རྟེན་ན། ། དུས་གསུམ་གཤེགས་པ་མི་ཡི་སེང་གེ་ཀུན། །བདག་གིས་མ་ལུས་དེ་དག་ཐམས་ཅད་ལ། །ལུས་དང་ངག་ཡིད་དང་བས་ཕྱག་བགྱིའོ། །བཟང་པོ་སྤྱོད་པའི་སྨོན་ལམ་སྟོབས་དག་གིས། །རྒྱལ་བ་ཐམས་ཅད་ཡིད་ཀྱི་མངོན་གསུམ་དུ། །ཞིང་གི་རྡུལ་སྙཻད་ལུས་རབ་བཏུད་པ་ཡིས། །རྒྱལ་བ་ཀུན་ལ་རབ་ཏུ་ཕྱག་འཚལ་ལོ།། རྡུལ་གཅིག་སྟེང་ན་རྡུལ་སྙེད་སངས་རྒྱས་རྣམས། །སངས་རྒྱས་སྲས་ཀྱི་དབུས་ན་བཞུགས་པ་དག །དེ་ལྟར་ཆོས་ཀྱི་དབྱིངས་རྣམས་མ་ལུས་པ། །ཐམས་ཅད་རྒྱལ་བ་དག་གིས་གང་བར་མོས། །དེ་དག་བསྔགས་པ་མི་ཟད་རྒྱ་མཚོ་རྣམས། །དབྱངས་ཀྱི་ཡན་ལག་རྒྱ་མཚཱུའི་སྒྲ་ཀུན་གྱིས། །རྒྱལ་བ་ཀུན་གྱི་ཡོན་ཏན་རབ་བརྗོད་ཅིང༌། །བདེ་བར་གཤེགས་པ་ཐམས་ཅད་བདག་གིས་བསྟོད། །མེ་ཏོག་དམ་པ་ཕྲེང་བ་དམ་པ་དང༌། །སིལ་སྙན་རྣམས་དང་བྱུུག་པ་གདུགས་མཆོག་དང༌།...
>>
———
མཚན་གཟུངས་ཁག་བཞུགས་སོ
25/03/2012 12:03
མཚན་གཟུངས་ཁག་བཞུགས་སོ།
སྐུ་དཔར།
མཚན།
གཟུངས།
རྒྱལ་བ་འོད་དཔག་མེད་ཀྱི་མཚན་སྔགས།
ཨོཾ་ཨ་མི་དྷེ་ཝ་ཧྲཱིཿ
ཐུབ་པའི་མཚན་སྔགས།
ཨོཾ་མུ་ནི་མུ་ནི་མཧཱ་མུ་ནི་ཡེ་སྭཱཧཱ།།
རྒྱལ་ཚབ་བྱམས་པ་མགོན་པོའི་མཚན་སྔགས།
ཨོཾ་མ་ཏི་མ་ཏི་སྨྲྀཏི་སྭཱཧཱ།།
འཕགས་པ་སྤྱན་རས་གཟིགས་ཀྱི་མཚན་སྔགས།
ཨོཾ་མ་ཎི་པདྨེ་ཧཱུྃ།
གུ་རུའི་མཚན་སྔགས།
ཨོྃ་ཨཱཿ ཧཱུྃ༔བཛྲ་གུ་རུ་པདྨ་སིདྡྷི་ཧཱུྃ།
གུ་རུ་དྲག་པོའི་མཚན་སྔགས།
ཨོཾ་ཨཱ་ཧཱུྃ། ཨ་རྩིག་ནི་རྩིག་ན་མོ་བྷ་ག་ཝ་ཏེ་ཧཱུྃཧཱུྃ་ཕཊཿ
༧
རྣམ་རྒྱལ་མའི་མཚན་སྔགས།
ཨོཾ་བྷྲུྃསྭཱཧཱ།...
>>
———
གདུགས་དཀར། 3
25/02/2011 03:14
།ཆུ་སོ་ན་བ་དང་། །བརླ་ན་བ་དང་། །རྗེ་ངར་ན་བ་དང་། །ལག་པ་ན་བ་དང་། །རྐང་བ་ན་བ་དང་། །ཡན་ལག་
ན་བ་དང་། །ཉིན་ལག་ན་བ་རབ་ཏུ་བསལ་དུ་གསོལ། །གདུགས་དཀར་པོ་ཅན་རྡོ་རྗེ་གཙུག་ཏོར་ཕྱིར་ཟློག་པ་
ཆེན་མོ་འདིས། །དཔག་ཚད་བཅུ་གཉིས་ཀྱི་ནང་ཚུན་ཆད་དུ། །འབྱུང་པོ་དང་། །རོ་ལངས་དང་། །མཁའ་འགྲོ་
མ་དང་། །གནོད་སྦྱིན་དང་། །སྲིན་པོ་དང་། །རིམས་དང་། །ཤུ་བ་དང་། །གཡའ་བ་དང་། །འབྲུམ་བུ་ཕྲ་མོ་དང་།
།མཚན་པར་རྡོལ་བ་དང་། །མཛེ་དང་། །ཕོལ་མིག་དང་། །བས་ལྡགས་དང་། །མེ་དཔལ་དང་། །གཡན་བ་དང་།
།ལྷོག་པ་དང་། །སྐེམས་པ་དང་། །སྐྲག་པ་དང་། །ལུད་པ་ལུ་བ་དང་། །དབུགས་མི་བདེ་བ་དང་། །མི་དྲན་པ་
དང་། །དབྱིག་དུག་དང་། །དུག་སྦྱར་མ་དང་། །བྱད་དང་། །མེ་དང་། །ཆུ་དང་། །མི་ངས་དང་། །བདུད་དང་།
།འཆིང་བ་དང་། །དགྲ་དང་། །གནོད་པ་དང་། །དུས་མ་ཡིན་པར་འཆི་བ་དང་། །སྦྲང་བུ་ཏྲྱ་མ་བུ་ག་དང་། །
ཏྲཻ་ལ་ཏ་དང་། །སྡིག་པ་དང་། །སྦྲུལ་དང་། །སྲེ་མོང་དང་། །སེང་གེ་དང་། །སྟག་དང་། །དོམ་དང་། །དྲེད་
དང་། །གཡག་རྒོད་དང་། །ཆུ་སྲིན་ལ་སོགས་པའི་སྲོག་ཆགས་རྣམས་ལས་བསྲུང་དུ་གསོལ།...
>>
———
གདུགས་དཀར། 2
25/02/2011 03:08
།གྲུལ་བུམ་གྱི་གདོན་དང་། །སྲུལ་པོའི་གདོན་དང་། །ལུས་སྲུལ་པོའི་གདོན་དང་། །སྐེམ་བྱེད་ཀྱི་གདོན་དང་། །
རྗེད་བྱེད་ཀྱི་གདོན་དང་། །སྨྱོ་བྱེད་ཀྱི་གདོན་དང་། །གྲིབ་གནོན་གྱི་གདོན་དང་། །གནོན་པོའི་གདོན་དང་། །
མཁའ་འགྲོ་མའི་གདོན་དང་། །ནམ་གྲུའི་གདོན་དང་། །གཤེན་རྗེའི་གདོན་དང་། །བྱའི་གདོན་དང་། །མ་མོ་
དགའ་བར་བྱེད་པའི་གདོན་དང་། །ཀུན་ཏུ་འགྲོ་བའི་གདོན་དང་། །ཚེར་མ་འདོན་པའི་གདོན་རྣམས་ལས་
བདག་བདེ་ལེགས་སུ་གྱུར་ཅིག །ཟས་སུ་མདངས་ཟ་བ་དང་། །ཟས་སུ་མངའ་ཟ་བ་དང་། །ཟས་སུ་ཁྲག་འཐུང་
ཟ་བ་དང་། །ཟས་སུ་ཞག་ཟ་བ་དང་། །ཟས་སུ་ཤ་ཟ་བ་དང་། །ཟས་སུ་ཚིལ་ཟ་བ་དང་། །ཟས་སུ་རྐང་ཟ་བ་དང་།
།ཟས་སུ་བཙས་པ་ཟ་བ་དང་། །སྲོག་འཕྲོག་པ་དང་། །ཟས་སུ་སྐྱུགས་པ་ཟ་བ་དང་། །ཟས་སུ་ཕྱི་ས་ཟ་བ་དང་། །ཟས་
སུ་གཅིན་འཐང་བ་དང་། །ཟས་སུ་སྟོར་ཁུང་ནས་འབབ་པ་འཐང་བ་དང་། །ཟས་སུ་ལྷག་མ་ཟ་བ་དང་། །ཟས་
སུ་མཆིལ་མ་འཐིང་བ་དང་། །ཟས་སུ་སྣབས་ཟ་བ་དང་། །ཟས་སུ་ངར་སྣབས་ཟ་བ་དང་། །ཟས་སུ་མི་གཙང་བ་
ཟ་བ་དང་། །ཟས་སུ་གཏོར་ཟ་བ་དང་།...
>>
———
གདུགས་དཀར། 1
25/02/2011 02:57
༄༅། །གདུགས་དཀར་མཆོག་གྲུབ་མ་བཞུགས་སོ།།
རྒྱ་གར་སྐད་དུ།།ཨཱརྱ་ཏ་ཐཱ་ག་ཏོ་ཥྞཱི་ཥ་སི་ཏཱ་པ་ཏྲེ་ཨ་པ་རཱ་ཛི་ཏ་མ་ཧཱ་པྲ་ ཏྱངྒིར་བ་ར་མ་སིདྡྷ་ནཱ་
མ་
དྷཱ་ར་ཎི།།བོད་སྐད་དུ།།འཕགས་པ་དེ་བཞིན་གཤེགས་པའི་ གཙུག་ཏོག་ནས་བྱུང་བའི་གདུགས་དཀར་པོ་
ཅན་
གཞན་གྱིས་མི་ཐུབ་པ་ཕྱིར་ཟློག་པ་ཆེན་ མོ་མཆོག་ཏུ་གྲུབ་པ་ཞེས་བྱ་བའི་གཟུངས།།སངས་རྒྱས་དང་བྱང་
ཆུབ་
སེམས་དཔའ་དང་།། འཕགས་པ་ཉན་ཐོས་དང་།།རང་སངས་རྒྱས་ཐམས་ཅད་ལ་ཕྱག་འཚལ་ལོ།།བཅོམ་
ལྡན་འདས་གཞན་ གྱིས་མི་ཐུབ་པ་གཙུག་ཏོག་རྒྱལ་མོ་ལ་ཕྱག་འཚལ་ལོ། འདི་སྐད་བདག་གིས་ཐོས་པ་དུས་
གཅིག་ན།། བཅོམ་ལྡན་འདས་སུམ་ཅུ་རྩ་གསུམ་པའི་ལྷའི་གནས་ཆོས་བཟང་ལྷའི་མདུན་ས་ན་དགེ་སློང་གི་
དགེ་འདུན་ཆེན་པོ་དང་།།བྱང་ཆུབ་སེམས་དཔའི་དགེ་འདུན་ཆེན་པོ་དང་།།ལྷའི་དབང་ བོ་བརྒྱ་བྱིན་དང་
ཐབས་གཅིག་ཏུ་བཞུགས་སོ།།དེའི་ཚེ་བཅོམ་ལྡན་དས་གདན་གཤམས་པ་ ཉིད་ལ་བཞུགས་ནས་གཙུག་ཏོར་
རྣམ་པར་ལྟ་བ་ཞེས་བྱ་བའི་ཏིང་ངེ་འཛིན་ལ་སྙོངས་པར་...
>>
———
དཔུང་རྒྱན་
20/12/2009 11:27
འཕགས་པ་རྒྱལ་མཚན་གྱི་རྩེ་མོའི་དཔུང་རྒྱན་ཞེས་བྱ་བ་བཞུགས་སོ།
རྒྱ་གར་སྐད་དུ། ཨཱརྱ་དྷྭ་ཛ་ཨ་གྲ་ཀེ་ཡཱུ་ར་ནཱ་མ་དྷཱ་ར་ཎི། བོད་སྐད་དུ། འཕགས་པ་རྒྱལ་མཚན་གྱི་རྩེ་མོའི་དཔུང་
རྒྱན་ཞེས་བྱ་བའི་གཟུངས། སངས་རྒྱས་དང་བྱང་ཆུབ་སེམས་དཔའ་ཐམས་ཅད་ལ་ཕྱག་འཚལ་ལོ། །འདི་སྐད་
བདག་གིས་ཐོས་པའི་དུས་གཅིག་ན། བཅོམ་ལྡན་འདས་སུམ་ཅུ་རྩ་གསུམ་པའི་ལྷའི་ནང་ན། ལྭ་བ་དཀར་པོ་
ལྟ་བུའི་རྡོ་ལེབ་ལ་བཞུགས་ཏེ། དེ་ནས་ལྷའི་དབང་པོ་བརྒྱ་བྱིན་ལྷ་མ་ཡིན་ལས་ཕམ། རབ་ཏུ་ཕམ་ནས་དེ་རྟབ་
ཅིང་རིངས་པའི་གཟུགས་ཀྱིས་བཅོམ་ལྡན་འདས་ག་ལ་བ་དེར་སོང་སྟེ་ཕྱིན་ནས། བཅོམ་ལྡན་འདས་ཀྱི་ཞབས་
ལ་མགོ་བོས་ཕྱག་འཚལ་ཏེ། བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཅོམ་ལྡན་འདས་བདག་འདི་
ལྟར་ལྷ་མ་ཡིན་དང་གཡུལ་བཀྱེ་བ་ལས། ལྷ་མ་ཡིན་གྱི་དབང་པོ་ཐག་བཟང་རིས་ལས་ཕམ། རབ་ཏུ་ཕམ་སྟེ།
སུམ་ཅུ་རྩ་གསུམ་པའི་ལྷ་རྣམས་ཀྱང་ཕམ། རབ་ཏུ་ཕམ་ན། བཅོམ་ལྡན་འདས་བདག་ཅག་གིས་ཇི་ལྟར་བསྒྲུབ་
པར་བགྱི། བཅོམ་ལྡན་འདས་ཀྱིས་བཀའ་བསྩལ་པ།...
>>
———
གོང་མ་རིན་པོ་ཆེའི་ཞབས་བརྟན།
17/12/2009 15:26
༄༅། །དཔལ་ས་སྐྱའི་༸སྐྱབས་མགོན་༸གོང་མ་ཁྲི་ཆེན་རྡོ་རྗེ་འཆང་ཆེན་པོ་ངག་དབང་ཀུན་
དགའ་ཐེག་ཆེན་དཔལ་འབར་ཕྲིན་ལས་བསམ་འཕེལ་དབང་གི་རྒྱལ་པོའི་
ཞབས་བརྟན་གསོལ་འདེབས།
༈ ཨོཾ་སྭ་སྟི། འཆི་མེད་མི་ཤིགས་སྲུང་བའི་གུར་ཁང་ནང་། །འཆི་མེད་ཚེ་སྦྱིན་ལྷ་མོ་སྤྱན་བདུན་མ། །འཆི་
མེད་ཚེ་ལ་དབང་བའི་ཚོགས་རྣམས་ཀྱིས། །འཆི་མེད་ཚེ་ཡི་དངོས་གྲུབ་སྩལ་དུ་གསོལ། །རིགས་གསུམ་པདྨའི་
ཐུགས་བསྐྱེད་ལྷ་ལམ་ནས། །མཁྱེན་བརྩེ་ནུས་མཐུའི་རང་གཟུགས་ཉོན་མོར་བྱེད། །ས་བསྟན་ལུང་རྟོགས་
པད་ཚལ་རྒྱས་མཛད་ནས། །གདུལ་བྱ་གླིང་བཞིའི་མགོན་ཏུ་རྟག་བརྟན་གསོལ། །ངག་དབང་སྒྱུ་འཕྲུལ་ལྷ་
རིགས་འཁོན་གྱི་གདུང་། །འགྲོ་ཀུན་དགའ་མཛད་ཐེག་ཆེན་མདོ་སྔགས་ལམ། །ཕན་བདེའི་དཔལ་དུ་འབར་
བའི་འཕྲིན་ལས་ཅན།...
>>
———
༸ོགོང་ས་མཆོག་གི་ཞབས་བརྟན
17/12/2009 15:07
༄། །སྲིད་ཞིའི་གཙུག་ནོར་ྋགོང་ས་ྋསྐྱབས་མགོན་ཆེན་པོ་མཆོག་གི་ཞབས་བརྟན་གསོལ་འདེབས་འཆི་
མེད་རྡོ་རྗེའི་སྒྲ་དབྱངས་ཞེས་བྱ་བ་བཞུགས་སོ།།
༄། །རྣམ་ཀུན་མཆོག་ལྡན་ཤེས་རབ་ཕ་རོལ་ཕྱིན། །ངོ་མཚར་མཚན་དཔེའི་གཟུགས་སུ་ཤར་བའི་ལྷ།
།འཕགས་མ་ཚེ་སྦྱིན་ཡིད་བཞིན་འཁོར་ལོ་ཡིས། །དེང་འདིར་འཆི་མེད་སྒྲུབ་པའི་དངོས་གྲུབ་སྩོལ། །རྗེ་བཙུན་
འཇམ་དཔལ་གཞོན་ནུའི་མཚན་དཔེའི་སྐུ། །ངག་དབང་དབྱངས་ཅན་དགྱེས་པའི་སྙན་འགྱུར་གསུང༌། །བློ་
བཟང་རྒྱལ་བ་ཀུན་གྱི་ཡེ་ཤེས་ཐུགས། །བསྟན་འཛིན་རྒྱ་མཚོའི་དབང་པོ་ཞབས་བརྟན་གསོལ། །རྨད་བྱུང་
ཐབས་མཁས་ཐུགས་རྗེའི་འོད་སྣང་གིས། །སྲིད་གསུམ་དགེ་བའི་ལམ་དུ་དབང་བསྒྱུར་ཞིང༌། །འཛམ་གླིང་
ཆེ་རྒུའི་སྙེམས་པ་འཕྲོག་པ་ལ། །མཚུངས་པ་མེད་པའི་མགོན་པོ་ཞབས་བརྟན་གསོལ། །ཆོས་ནོར་འདོད་ཐར་
སྡེ་བཞིའི་དོལ་ལྡན་པའི།...
>>
———
བདེན་ཚིག་སྨོན་ལམ་
17/12/2009 15:00
༄༅། །བདེན་ཚིག་སྨོན་ལམ་བཞུགས་སོ།
ཚད་མེད་ཡོན་ཏན་རྒྱ་མཚོའི་དཔལ་མངའ་ཞིང༌།
།ཉམ་ཆུང་འགྲོ་ལ་བུ་གཅིག་ལྟར་དགོངས་པའི།
དུས་གསུམ་བདེ་གཤེགས་སྲས་དང་སློབ་མར་བཅས།
།བདག་གི་བདེན་པའི་སྨྲེ་སྔགས་འདི་དགོངས་ཤིག
།སྲིད་ཞིའི་གདུང་སེལ་ཡོངས་རྫོགས་ཐུབ་པའི་བསྟན།
།འཛམ་གླིང་ཡངས་པའི་ཕན་བདེའི་དཔལ་དུ་རྒྱས།
།དེ་འཛིན་མཁས་དང་གྲུབ་པའི་སྐྱེས་བུ་རྣམས།
།ཆོས་སྤྱོད་རྣམ་བཅུའི་བྱ་བ་འཕེལ་བར་མཛོད།
།མི་བཟད་ལས་ངན་དྲག་པོས་ཡོངས་ནོན་པས།
།བར་མེད་དུ་ཁས་མནར་བའི་ཉམ་ཐག་འགྲོ།
།བཟོད་དཀའི་ནད་མཚོན་མུ་གེའི་འཇིགས་པ་ཀུན།
།ཞི་ནས་བདེ་དགའ་རྒྱ་མཚོར་དབུགས་དབྱངས་མཛོད།
།ཁྱད་པར་གངས་ལྗོངས་ཆོས་ལྡན་སྐྱེ་འགྲོ་རྣམས།
།ནག་ཕྱོགས་ཀླ་ཀློའི་དཔུང་གིས་བརྩེ་མེད་དུ།
།ངན་དགུས་འཇོམས་པའི་ཁྲག་དང་འཆི་མའི་རྒྱུན།
།མྱུར་དུ་ཆོད་པའི་ཐུགས་རྗེའི་མཐུ་དཔུང་བསྐྱེད།
།ཉོན་མོངས་གདོན་གྱིས་སྨྱོས་པའི་བརླང་སྤྱོད་ཀྱིས།
།རང་གཞན་གཉིས་ཕུང་བགྱིས་པའི་སྙིང་རྗེའི་ཡུལ།
།མི་བསྲུན་སྐྱེ་བོ་ཚོགས་རྣམས་བླང་དོར་མིག...
>>
———
སྒྲོལ་མའི་བསྟོད་པ།
17/12/2009 14:56
སྒྲོལ་མའི་བསྟོད་པ།
༄༅། རྒྱ་གར་སྐད་དུ། །ཨཱརྱ་ཏཱ་རེ་སྟོཏྟྲ། ། བོད་སྐད་དུ། །འཕགས་མ་སྒྲོལ་མ་ལ་བསྟོད་པ། །ཨོཾ་རྗེ་བཙུན་མ་
འཕགས་མ་སྒྲོལ་མ་ལ་ཕྱག་འཚལ་ལོ། །ཕྱག་འཚལ་སྒྲོལ་མ་མྱུར་མ་དཔའ་མོ། །སྤྱན་ནི་སྐད་གཅིག་གློག་དང་
འདྲ་མ། ། འཇིག་རྟེན་གསུམ་མགོན་ཆུ་སྐྱེས་ཟལ་གྱི། །གེ་སར་བྱེ་བ་ལས་ནི་བྱུང་མ། །ཕྱག་འཚལ་སྟོན་ཀའི་ཟླ་
བ་ཀུན་ཏུ། །གང་བ་བརྒྱན་ནི་བརྩེགས་པའི་ཞལ་མ། ། སྐར་མ་སྟོང་ཕྲག་ཚོགས་པ་རྣམས་ཀྱིས། །རབ་ཏུ་ཕྱེ་བའི་
འོད་རབ་འབར་མ། །ཕྱག་འཚལ་སེར་སྔོ་ཆུ་ནས་སྐྱེས་ཀྱིས། །པདྨས་ཕྱག་ནི་རྣམས་པར་བརྒྱན་མ། ། སྦྱིན་པ་
བརྩུན་འགྲུས་དཀའ་ཐུབ་ཞི་བ། །བཟོད་པ་བསམ་བསྟན་སྤྱོད་ཡུལ་ཉིད་མ། །ཕྱག་འཚལ་དེ་བཞིན་གཤེགས་
པའི་གཙུག་ཏོར། །མཐའ་ཡས་རྣམ་པར་རྒྱལ་བ་སྤྱོད་མ། ། མ་ལུས་ཕ་རོལ་ཕྱིན་པ་ཐོབ་པའི། །རྒྱལ་བའི་སྲས་
ཀྱིས་ཤིན་ཐུ་བསྟེན་མ། །ཕྱག་འཚལ་ཏུཏྟཱ་པ་ཧཱུཾ་ཡི་གེ། །འདོད་དང་ཕྱོགས་དང་ནམ་མཁའ་གང་མ། ། འཇིག་
རྟེན་བདུན་པོ་ཞབས་ཀྱིས་མནན་ཏེ། །ལུས་པ་མེད་པར་འགུགས་པར་ནུས་མ། །ཕྱག་འཚལ་བརྒྱ་བྱིན་མེ་ལྷ་
ཚངས་པ། །རླུང་ལྷ་སྣ་ཚོགས་དབང་ཕྱུག་མཆོད་མ། །...
>>
———
བསམ་པ་ལྷུན་གྲུབ།
17/12/2009 14:51
བསམ་པ་ལྷུན་གྲུབ།
༄༅། །ཨེ་མ་ཧོཿ ནུབ་ཕྱོགས་བདེ་བ་ཅན་གྱི་ཞིང་ཁམས་སུ༔ སྣང་བ་མཐའ་ཡས་ཐུགས་རྗེའི་བྱིན་རླབས་གཡོས༔
སྤྲུལ་སྐུ་པདྨ་འབྱུང་གནས་བྱིན་རླབས་ཏེ༔ འཛམ་བུའི་གླིང་དུ་འགྲོ་བའི་དོན་ལ་བྱོན༔ འགྲོ་དོན་རྒྱུན་ཆད་
མེད་པའི་ཐུགས་རྗེ་ཅན༔ ཨོ་རྒྱན་པདྨ་འབྱུང་གནས་ལ་གསོལ་བ་འདེབས༔ བསམ་པ་ལྷུན་གྱིས་གྲུབ་པར་བྱིན་
གྱིས་རློབས༔ རྒྱལ་པོ་ཁྲི་སྲོང་ལྡེའུ་བཙན་མན་ཆད་ནས༔ ཆོས་རྒྱལ་གདུང་བརྒྱུད་མཐའ་ལ་མ་སྟོང་བར༔ དུས་
གསུམ་རྒྱུན་ཆད་མེད་པར་བྱིན་གྱིས་རློབས༔ བོད་ཀྱི་ཆོས་སྐྱོང་རྒྱལ་པོའི་གཉེན་གཅིག་པོ༔ རྒྱལ་པོ་ཆོས་སྤྱོད་
སྐྱོང་བའི་ཐུགས་རྗེ་ཅན༔ ཨོ་རྒྱན྿ བསམ་པ྿ སྐུ་ནི་ལྷོ་ནུབ་སྲིན་པོའི་ཁ་གནོན་མཛད༔ ཐུགས་རྗེས་བོད་ཀྱི་
སེམས་ཅན་ཡོངས་ལ་གཟིགས༔ མ་རིག་ལོག་པའི་སེམས་ཅན་འདྲེན་པའི་དཔལ༔ ཉོན་མོངས་གདུལ་དཀའི་
སེམས་ཅན་ཐབས་ཀྱིས་གདུལ༔ བརྩེ་གདུང་རྒྱུན་ཆད་མེད་པའི་ཐུགས་རྗེ་ཅན༔ ཨོ་རྒྱན྿ བསམ་པ྿ དུས་
ངན་སྙིགས་མའི་མཐའ་ལ་ཐུག་པའི་ཚེ༔ ནངས་རེ་དགོངས་རེ་བོད་ཀྱི་དོན་ལ་བྱོན༔ ཉི་ཟེར་འཆར་སྡུད་
མདངས་ལ་ཆིབས་ཏེ་བྱོན༔ ཡར་ངོའི་ཚེས་བཅུའི་དུས་སུ་དངོས་སུ་བྱོན༔...
>>
———
བར་ཆད་ལམ་སེལ།
17/12/2009 14:40
བར་ཆད་ལམ་སེལ།
༄༅། །ཨོཾ་ཨཱཿཧཱུཾ་བཛྲ་གུ་རུ་པདྨ་སིདྡྷི་ཧཱུཾ༔ ཆོས་སྐུ་སྣང་བ་མཐའ་ཡས་ལ་གསོལ་བ་འདེབས༔ ལོངས་སྐུ་ཐུགས་
རྗེ་ཆེན་པོ་ལ་གསོལ་བ་འདེབས༔ སྤྲུལ་སྐུ་པདྨ་འབྱུང་གནས་ལ་གསོལ་བ་འདེབས༔ བདག་གི་བླ་མ་ངོ་མཚར་
སྤྲུལ་པའི་སྐུ༔ རྒྱ་གར་ཡུལ་དུ་སྐུ་འཁྲུངས་ཐོས་བསམ་མཛད༔ བོད་ཡུལ་དབུས་སུ་ཞལ་བྱོན་དྲེགས་པ་བཏུལ༔
ཨོ་རྒྱན་ཡུལ་དུ་སྐུ་བཞུགས་འགྲོ་དོན་མཛད༔ ཐུགས་རྗེས་བདག་ལ་བྱིན་གྱིས་རློབས༔ བརྩེ་བས་བདག་སོགས་
ལམ་སྣ་དྲོངས༔དགོངས་པས་བདག་ལ་དངོས་གྲུབ་སྩོལ༔ ནུས་པས་བདག་སོགས་བར་ཆད་སོལ༔ ཕྱི་ཡི་བར་
ཆད་ཕྱི་རུ་སོལ༔ ནང་གི་བར་ཆད་ནང་དུ་སོལ༔ གསང་བའི་བར་ཆད་དབྱིངས་སུ་སོལ༔ གུས་པས་ཕྱག་འཚལ་
སྐྱབས་སུ་མཆི༔ ཨོཾ་ཨཱཿཧཱུཾ་བཛྲ་གུ་རུ་པདྨ་སིདྡྷི་ཧཱུཾ༔ སྐུ་ཡི་ངོ་མཚར་མཐོང་བའི་ཚེ༔ གཡས་པས་རལ་གྲིའི་ཕྱག་རྒྱ་
མཛད༔ གཡོན་པས་འགུགས་པའི་ཕྱག་རྒྱ་མཛད༔ ཞལ་བགྲད་མཆེ་གཙིགས་གྱེན་ལ་གཟིགས༔ རྒྱལ་བའི་
གདུང་འཛིན་འགྲོ་བའི་མགོན༔ ཐུགས་རྗེས྿ བརྩེ་བས྿ དགོངས་པས྿ ནུས་པས྿ ཕྱི་ཡི྿ ནང་གི྿
གསང་བའི྿ གུས་པས྿ཨོཾ་ཨཱཿཧཱུཾ྿ དམ་ཆོས་རིན་ཆེན་གསན་པའི་ཚེ༔...
>>
———
སྡིག་བཤགས
17/12/2009 14:32
༄༅། །སྡིག་བཤགས་གསེར་གྱི་སྤུ་གྲི།
༈ རྒྱ་གར་སྐད་དུ། ན་མ༔ སརྦ་ཏ་ཐཱ་ག་ཏཱ་བུདྡྷཱ་ཤྲཱི། བོད་སྐད་དུ། སྡིག་པ་ཐབས་ཅད་བཤགས་པའི་མདོ། ཕྱོགས་བཅུ་
གསུམ་གྱི་སངས་རྒྱས་དང་བྱང་ཆུབ་སེམས་དཔའ་ཐམས་ཅད་ལ་ཕྱག་འཚལ་ལོ། །མཆོད་པ་འབུལ་ཞིང་སྡིག་པ་
བཤགས། །དགེ་བའི་རྩ་བ་ཐམས་ཅད་ལ་རྗེས་སུ་ཡིན་རང་ངོ། །ཆོས་ཀྱི་འཁོར་ལོ་བསྐོར་དུ་གསོལ། །སྐུ་མྱ་ངན་ལས་
མི་འདའ་བར་བཞུགས་པར་གསོལ་བ་འདེབས། །དགེ་བའི་རྩ་བ་བྱང་ཆུབ་ཆེན་པོར་བསྔོ། །དེ་བཞིན་གཤེགས་པ་
དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ནམ་མཁའི་དཔལ་དྲི་མེད་རྡུལ་སེལ་རབ་མཛེས་ལ་ཕྱག་འཚལ་
ལོ། །དེ་བཞིན་གཤེགས་པ་ཡོན་ཏན་ཏོག་གི་འོད་ལ་མེ་ཏོག་པདྨ་བཻཌཱུརྱའི་འོད་ཟེར་རིན་པོ་ཆེའི་གཟུགས་ལྟ་བུའི་སྐུ་
དང་ལྡན་པ་ལ་ཕྱག་འཚལ་ལོ། །དེ་བཞིན་གཤེགས་པ་སྤོས་མཆོག་དམ་པས་མཆོད་པའི་སྐུ་རྣམ་པར་སྤྲས་ཤིང་ལེགས་
པར་བརྒྱན་པ་ལ་ཕྱག་འཚལ་ལོ། །དེ་བཞིན་གཤེགས་པ་གཙུག་གཏོར་གྱི་གཙུག་ནས་ཉི་མའི་འོད་ཟེར་དཔག་མེད་ཟླ་
འོད་སྨོན་ལམ་གྱིས་བརྒྱན་པ་ལ་ཕྱག་འཚལ་ལོ།...
>>
———