སྐྱོན་འཛུགས།

ཁ་བྲལ་ཕྱོགས་གཏོགས་ཞེས་པའི་སྐྱོན་འཛུགས།

ཁ་བྲལ་ཕྱོགས་གཏོགས་ཞེས་པའི་སྐྱོན་འཛུགས་ཀྱི་འོག་ནས་ནག་ཆུ་ས་ཁུལ་འབྲི་རུ་རྫོང་དང་སོག་རྫོང་དུ་བོད་རིགས་

རང་གི་ལག་ཤེས་དང། གསོ་བ་རིག་པ་སོགས་རིག་གཞུང་རྒྱུན་འཛིན་གྱི་ཆེད་དུ་བཙུགས་པའི་སྒེར་གཉེར་སློབ་གྲྭ་ཁག་

ཅིག་སྒོ་རྒྱག་ཏུ་བཅུག་ཡོད་འདུག འབྲི་རུ་རྫོང་ནས་ཡིན་པ་སྐུ་ཞབས་བློ་བཟང་སྙན་གྲགས་དང། མཁན་པོ་བསྟན་འཛིན་

ཐབས་མཁས་གཉིས་ཀྱིས་གཉེར་བའི་སློབ་གྲྭ་ཁག་ཅིག་ཡོད་པའི་ནང། འབྲི་རུ་རྫོང་པད་དཀར་ཤང་དཀར་དགོན་པའི་

ཉེ་འཁོར་དུ་ཡོད་པའི་སློབ་གྲྭ་ཞིག་དང།    མཁན་པོ་བསྟན་འཛིན་ཐབས་མཁས་ཀྱིས་བཙུགས་པའི་ནག་ཆུ་ལས་རིགས་

ལག་རྩལ་སློབ་གྲྭ་ཟེར་བ་གཉིས་༢༠༠༩ ལོའི་ཟླ་༢ ནང་དུས་གཅིག་ཏུ་སྒོ་རྒྱག་བཅུག་པ་མ་ཟད། སོག་རྫོང་དུ་ཡོད་པའི་

སློབ་གྲྭ་ཞིག་ཀྱང་སྒོ་རྒྱག་ཏུ་བཅུག་པའི་གནས་ཚུལ་བྱུང་འདུག 

སྤྱིར་རྒྱ་གཞུང་གིས་དུས་རྒྱུན་དུ་སྒེར་བཙུགས་སློབ་གྲྭ་དེ་དག་གི་སློབ་མ་རྣམས་ལོ་ཆེན་པོ་ཡིན་ཚུལ་གྱིས་མཐོང་ཆུང་

དང། བོད་ཀྱི་རིག་གནས་གོང་འཕེལ་གཏོང་བ་དེ་ངོ་ལོག་པ་ཞིག་དང། ཁ་བྲལ་རུ་ཚོགས་ཀྱི་ཕྱོགས་སུ་འགྲོ་ཡི་ཡོད་པའི་

ཉེས་འཛུགས་བྱས་འདུག  རྒྱ་གཞུང་གིས་སྒོ་བརྒྱབ་པའི་སློབ་གྲྭ་དེ་དག་ནང་དུ་སློབ་མ་གྲངས་ལྔ་བརྒྱ་ལས་བརྒལ་བ་ཡོད་

པ་ཞིག་རེད་འདུག །