རྒྱལ་གཅེས་ཆོས་གཅེས

ཁམས་ཁུལ་དུ་རྒྱལ་གཅེས་ཆོས་གཅེས་ལས་འགུལ་ཆེར་བཏང་བ།

༄༅།      །བོད་ཀྱི་ཁམས་འཇོ་མདའ་ཁུལ་དུ་རྒྱ་ནག་གིས་རྒྱལ་གཅེས་ཆོས་གཅེས་ཟེར་བའི་ལས་འགུལ་དེ་ཤུགས་ཆེ་

རུ་གཏོང་བའི་གནས་ཚུལ་ཤེས་རྟོགས་བྱུང་འདུག      དེ་ཡང་འདི་ག་རླུང་འཕྲིན་ཁང་ལ་བཙན་བྱོལ་དུ་ཡོད་པའི་

ཁམས་འཇོ་མདའ་ས་ཁུལ་གྱི་མི་སྣ་ཞིག་གིས་འགྲེལ་བརྗོད་གནང་དོན་ལྟར་ན་རྒྱ་ནག་གི་ལོ་ངོ་གསུམ་གྱི་གོང་དུ་

བོད་ཀྱི་སྡེ་དགེ་འཇོ་མདའ་ཁུལ་དུ་རྒྱལ་གཅེས་ཆོས་གཅེས་ཟེར་བའི་ལས་འགུལ་དེ་ས་ཁུལ་དུ་ཡོད་པའི་བོད་པའི་

ནང་དགོན་ནང་སྤེལ་བཞིན་པ་ཡིན་པ་དང་རྒྱ་ནག་གིས་དབུ་ཚུགས་བཙན་ཤེད་བྱེད་མིན་ལ་མ་ལྟོས་པར་དགོན་པ་

ཁག་གི་དགེ་འདུན་པ་རྣམས་ཀྱིས་ངོས་ལེན་གནང་གི་མེད་ཅིང་དགེ་འདུན་པ་རྣམས་ཀྱིས་ངོས་ལེན་མ་གནང་བའི་

སྐབས་རྒྱ་ནག་གི་ལས་བྱེད་རྣམས་ཀྱིས་འཇིགས་བསྐུལ་སོགས་ཐབས་ཤེས་ཡོད་རྒུ་རྩལ་སྤྲུག་བྱས་ཡོད་ཀྱང་རྒྱ་ནག་གི་

འདོད་པ་ལྟར་ལས་འགུལ་ལ་བོད་རིགས་རྣམས་ཀྱིས་ངོས་ལེན་གནང་གི་མེད་པ་རེད་འདུག    ཉེ་བའི་ཆར་སྡེ་དགེ་

འཇོ་མདའ་རྫོང་གི་ཁྱབ་ཁོངས་སུ་གནས་པའི་ནང་པའི་དགོན་པའི་ནང་ལས་འགུལ་དེ་ཤུགས་ཆེ་རུ་གཏོང་འགོ་

བཙུགས་ཡོད་པ་རེད་འདུག      ད་ལྟ་གོང་དུ་ཁམས་འཇོ་མདའ་ནས་ཡིན་པའི་མཚན་འདོན་གནང་འདོད་མེད་

པའི་མི་སྣ་དེ་ཉིད་ཀྱིས་མུ་མཐུད་ནས་གསུངས་དོན་ལ་ཟླ་བ་འདིའི་ཚེས་བཅུ་གསུམ་ཉིན་ཁམས་འཇོ་མདའ་རྫོང་

གི་གཏེར་བཏོན་ས་གནས་སུ་ཡོད་པའི་གནས་མདོ་དགོན་པ་སོགས་ཀྱི་དགེ་འདུན་པ་བདུན་རྒྱལ་གཅེས་ཆོས་གཅེས་

ཀྱི་ལས་འགུལ་ལ་ངོས་ལེན་མ་གནང་བའི་རྒྱུ་མཚན་གྱིས་འཛིན་བཟུང་བྱས་ཡོད་ཀྱང་ས་གནས་བོད་རིགས་སུམ་བརྒྱ་

ལྷག་ཙམ་གྱིས་སྐད་འབོད་ངོ་རྒོལ་གྱི་གནོན་ཤུགས་འོག་གློད་བཀྲོལ་བཏང་ཡོད་ཀྱང་ཉིན་ལྔའི་རྗེས་སུ་མུ་མཐུད་ནས་

ཞིབ་འཇུག་བྱེད་རྒྱུ་ཡིན་པའི་ཉེན་བརྡ་བཏང་བའི་གནས་ཚུལ་ཤེས་རྟོགས་བྱུང་འདུག།