རྒྱ་དཀར་ནག་
རྒྱ་དཀར་ནག་གི་རྩོད་རྙོག་དང་ྋགོང་ས་མཆོག་གི་ཆིབས་བསྒྱུར།
བོད་ཀྱི་བང་ཆེན།
ཟླ་འདིའི་ཟླ་འགོར་རྒྱ་གར་གྱི་སྲིད་བློན་མན་ནི་མོ་ཧན་སིང་མཆོག་གྲོས་ཚོགས་ཀྱི་འོས་བསྡུའི་ཆེད་དུ། ཨ་རོན་ན་
ཅལ་མངའ་སྡེར་གཟིགས་སྐོར་དུ་ཕེབས་སྐབས་རྒྱ་ནག་གཞུང་གིས་ངོ་རྒོལ་ཤུགས་ཆེར་བྱས་ཡོད་ཅིང༌། དེ་དང་
བསྟུན་ནས་རྒྱ་གར་གྱི་དཔལ་འབྱོར་བློན་ཆེན་པུ་རཱ་ནབ་མཆོག་གིས། ཨ་རོན་ན་ཅལ་མངའ་སྡེ་ནི་རྒྱ་གར་དང་ཁ་
བྲལ་ཐབས་མེད་པའི་ཆ་ཤས་ཤིག་ཡིན་པས་སྲིད་བློན་མཆོག་གང་དུ་ཕེབས་རུང་རང་དབང་ཡིན་ཞེས་ལན་བརྒྱབ་
ཡོད་པ་རེད།ཟླ་འདིའི་ཚེས་༡༧ ཉིན་རྒྱ་གར་གྱི་བརྒྱུད་ལམ་མང་པོས་ཕྱི་སྲིད་དྲུང་ཆེ་ན་རུས་པཱ་མ་ལགས་སུ། ྋགོང་
ས་མཆོག་ཟླ་བ་རྗེས་མ་ཨ་རོན་ན་ཅལ་མངའ་སྡེར་ཆིབས་བསྒྱུར་གནང་ཐུབ་མིན་གྱི་སྐོར་བཅར་འདྲི་བྱེད་སྐབས། ཁོང་
གིས་རྒྱ་གར་གྱི་ས་ཆ་གང་ལའང་ྋགོང་ས་མཆོག་ཕེབས་རྒྱུའི་རང་དབང་ཆ་ཚང་ཡོད་པ་རེད་ཅེས་ལན་འདེབས་
གནང་ཡོད་པ་རེད། དེ་ཡང་ལོ་སྔོན་མར་རྒྱ་ནག་གི་གནོན་ཤུགས་འོག་ནས་རྒྱ་གར་གྱི་སྲིད་བློན་ཨ་རོན་ན་ཅལ་
མངའ་སྡེ་གཟིགས་སྐོར་ལ་ཕེབས་ཐུབ་མེད་པ་དང༌།
དེང་སྐབས་རྒྱ་གར་གྱི་ས་མཚམས་ཁག་ལ་རྒྱ་ནག་དམག་དཔུང་གི་གནོན་ཤུགས་ཆེ་རུ་བཏག་བ་དང་བསྟུན་ནས། རྒྱ་
གར་གཞུང་ཕྱོགས་ནས་རྩོད་རྙོག་ཡོད་པའི་ས་མཚམས་ཀྱི་ས་ཁུལ་རྣམས་རྒྱ་གར་གྱི་ཆ་ཤས་ཡིན་པ་སྟོན་ཆེད་དུ། དཔོན་
རིགས་རྣམས་ཆེད་དུ་གཟིགས་སྐོར་ལ་ཕེབས་པ་དང༌། འོས་འཕེན་སྐབས་མི་འབོར་གྱི་གྲངས་བཤེར་ནན་པོ་བྱས་ནས་
གསར་ལམ་ཁག་ནས་ཁྱབ་བསྒྲགས་སྔར་དང་མི་འདྲ་བ་བྱེད་བཞིན་ཡོད་པ་རེད།
ཟླ་བ་རྗེས་མར་ྋགོང་ས་མཆོག་ཨ་རོན་ན་ཅལ་དུ་ཆིབས་བསྒྱུར་གནང་རྒྱུ་དེ། ༢༠༠༣ ལོ་ནས་ད་ལྟའི་བར་ཕེབས་
ཐེངས་ལྔ་པ་དེ་ཆགས་ཡོད་ཅིང། ཐེངས་འདིའི་ཆིབས་བསྒྱུར་ནི་ཧ་ཅང་གལ་ཆེན་ཆགས་ཀྱི་ཡོད་པས་རྒྱ་གར་གཞུང་
ཕྱོགས་ནས་དོ་སྣང་ཆེན་པོ་གནང་གི་ཡོད་ལ། དེ་ཡང་རྒྱ་གར་གྱི་ཕྱི་སྲིད་དྲུང་ཆེ་མཆོག་གིས། ྋཏཱ་ལའི་བླ་མ་མཆོག་
ནི་ཆོས་ཀྱི་དབུ་འཁྲིད་རེད་ལ་ཁོང་གིས་རྒྱ་གར་གྱི་ས་ཐོག་ཏུ་ཆབ་སྲིད་ཀྱི་ལས་འགུལ་སྤེལ་གྱི་ཡོད་མ་རེད།
དེ་བཞིན་ཁོང་ནི་ང་ཚོའི་ལུང་པར་བཞུགས་ཡོད་པས་རྒྱ་གར་གྱི་ས་ཆ་གང་ལ་ཕེབས་རུང་རང་དབང་ཆ་ཚང་ཡོད་
པ་རེད་ཅེས་གསུངས་ཡོད་པ་རེད། དེང་སྐབས་རྒྱ་ནག་གིས་རྒྱ་གར་ལ་གནོན་ཤུགས་སྤྲོད་ཆེད་དུ། པཱ་ཀི་སི་ཐན་གྱི་
སྲིད་བློན་ཡཱ་སུ་ཧྥི་ར་རྫ་དང་རྒྱ་ནག་གི་སྲིད་འཛིན་ཧུའུ་གཉིས་ཟླ་འདིའི་ཚེས་༡༣ ཉིན་མཉམ་འཛོམས་ཀྱིས། ཀཱ་རཱ་
ཀོ་རོམ་karakoram གྱི་གཞུང་ལམ་དེ་རྒྱལ་ཁབ་ཕྱོགས་གཉིས་དབར་འབྲེལ་མཐུད་བྱེད་རྒྱུ་དང༌། ད་དུང་ལས་གཞི་
འདྲ་མིན་མཉམ་ལས་ཀྱིས་རྒྱ་གར་དང་པཱ་ཀི་སི་ཐན་གཉིས་དབར་རྩོད་གཞི་ཡོད་པའི་ཀ་ཤི་རྨིར་སྟངས་འཛིན་བྱེད་
ཐབས་ཀྱི་དམིགས་ཡུལ་བཅངས་ཡོད་པ་རེད། སྐབས་དེར་རྒྱ་ནག་གི་སྲིད་འཛིན་ཧུའུ་ཡྀས། འཛམ་གླིང་རྒྱལ་སྤྱིའི་
གནས་བབས་ལ་འགྱུར་བ་འགྲོ་བཞིན་ཡོད་པ་རེད་ལ། རྒྱ་ནག་མི་དམངས་དང་པཱ་ཀི་སི་ཐན་མི་དམངས་གཉིས་ག་
དུས་ཡིན་རུང༌། སྙིང་དང་ལག་པ་མཉམ་རུབ་ཀྱིས་ལས་དོན་བྱེད་ཀྱི་ཡོད་པ་རེད་ཅེས་བརྗོད་ཡོད་པ་རེད།
རྒྱ་གར་གྱི་ནང་སྲིད་བློན་ཆེན་ཆ་ཌམ་བྷ་རམ་མཆོག་གིས། ༡༩༤༧ ནས་པཱ་ཀི་སི་ཐན་གྱིས་ཁྲིམས་འགལ་ཐོག་ནས་
རྗལ་མོ་དང་ཀཤི་རྨིར་མངའ་སྡེའི་ཆ་ཤས་ཀྱི་ས་ཁུལ་དུ་བཙན་འཛུལ་ཡང་ཡང་བྱེད་ཀྱི་ཡོད་པ་དང༌། རྒྱ་ནག་གཞུང་
ཕྱོགས་ནས་པཱ་ཀི་སི་ཐན་དང་ཟླ་བསྒྲིལ་ནས་ས་ཁུལ་དེ་དག་ལ་སྟངས་འཛིན་བྱེད་ཆེད་དུ་ལས་འགུལ་འདྲ་མིན་སྤེལ་
གྱི་ཡོད་པར། རྒྱ་གར་གཞུང་གིས་སེམས་འཚབ་དང་འབྱུང་འགྱུར་སེལ་དཀའ་བའི་གནད་དོན་ཞིག་ལ་བརྩི་ཡི་ཡོད་
པ་རྒྱ་ནག་གིས་གསལ་པོ་ཤེས་ཀྱི་ཡོད་པ་རེད། དེས་ན་རྒྱ་དཀར་ནག་གཉིས་ཀྱི་ཕུགས་རྒྱང་རིང་པོའི་འབྲེལ་བར་
དམིགས་ནས། རྒྱ་ནག་གིས་པཱ་ཀི་སི་ཐན་དང་ལྷན་དུ་ཁྲིམས་འགལ་གྱི་ཐོག་ནས་ལས་གཞི་འདྲ་མིན་གཉེར་རྒྱུར་
མཚམས་འཇོག་གནང་དགོས་ཞེས་གསུངས་ཡོད་པ་རེད།།
———
Back