ནང་ཆོས་ངོ་སྤྲོད། 26
04/09/2009 17:38ཆགས་ཡུལ་ལ་བདེན་ཞེན་སྤོང་བ།
གཉིས་པ་ལ་གཉིས། ཆཌ་ཡུལ་ལ་བདེན་ཞེན་སྤང་པ་དང༌། སྡང་ཡུལ་ལ་བདེན་ཞེན་སྤང་པའོ། །དང་པོ་ནི། རྩ་བ་ལས།
ཡིད་དུ་འོང་བའི་ཡུལ་དང་འཕྲད་པ་ན། །དབྱར་གྱི་དུས་ཀྱི་འཇའ་ཚོན་ཇི་བཞིན་དུ། །
མཛེས་པར་སྣང་ཡང་བདེན་པར་མི་ལྟ་ཞིང༌། །ཞེན་ཆགས་སྤོང་བ་རྒྱལ་སྲས་ལག་ལེན་ཡིན། །
ཞེས་པ་འདིས་རྗེས་ཐོབ་ཀྱི་སྐབས་སུ་ཡུལ་བཟང་པོ་དང་འཕྲད་སྐབས་དེ་རྣམས་རྨི་ལམ་ལྟ་བུ་དང༌། སྒྱུ་མ་ལྟ་བུ་རེད་
བསམ་པའི་ཐོག་ནས་ཞེན་ཆགས་མ་སྐྱེས་པ་བྱེད་དགོས་པ་དང༌། དེ་བཞིན་གཉིས་པ་ནི། རྩ་བ་ལས།
སྡང་ཡུལ་ལ་བདེན་ཞེན་སྤོང་བ།
སྡུག་བསྔལ་སྣ་ཚོགས་རྨི་ལམ་བུ་ཤི་ལྟར། །འཁྲུལ་སྣང་བདེན་པར་བཟུང་བས་ཨ་ཐང་ཆད། །
དེའི་ཕྱིར་མི་མཐུན་རྐྱེན་དང་འཕྲད་པའི་ཚེ། །འཁྲུལ་པར་ལྟ་བ་རྒྱལ་སྲས་ལག་ལེན་ཡིན། །
ཞེས་གསུངས། དོན་ནི། རྐྱེན་ངན་བྱུང་བའི་སྐབས་སུ་ཡང་དེ་རྣམས་རྨི་ལམ་ལྟ་བུ་དང༌། སྒྱུ་མ་ལྟ་བུར་བལྟས་པའི་
ཐོག་ནས་ཞེ་སྡང་མ་སྐྱེས་པ་བྱེད་དགོས་ཞེས་གསུངས་པ་ཡིན། གསུམ་པ་དེ་དག་གི་བསླབ་བྱར་བསླབ་པ་ལ་ལྔ། ཕ་རོལ་
ཏུ་ཕྱིན་པ་དྲུག་ལ་བསླབ་པ། མདོ་ནས་གསུངས་པའི་ཆོས་བཞི་ལ་བསླབ་པ། ཉོན་མོངས་པ་སྤོང་ཚོལ་ལ་བསླབ་པ། དྲན
་ཤེས་དང་ལྡན་པས་གཞན་དོན་སྒྲུབ་པ་ལ་བསླབ་པ། དགེ་བ་རྫོགས་བྱང་དུ་བསྔོ་བ་ལ་བསླབ་པའོ། ། དང་པོ་དྲུག་ལས།
ཕྱིན་དྲུག་གི་ཉམས་ལེན་ལ་བསླབ་པ་ནི། རྩ་བ་ལས།
ཕར་ཕྱིན་དྲུག་ལ་བསླབ་པ།
བྱང་ཆུབ་འདོད་པས་ལུས་ཀྱང་བཏང་དགོས་ན། །ཕྱི་རོལ་དངོས་པོ་རྣམས་ལ་སྨོས་ཅི་དགོས། །
དེ་ཕྱིར་ལན་དང་རྣམ་སྨིན་མི་རེ་བའི། །སྦྱིན་པ་གཏོང་བ་རྒྱལ་སྲས་ལག་ལེན་ཡིན། །
ཚུལ་ཁྲིམས་མེད་པར་རང་དོན་མི་འགྲུབ་ན། །གཞན་དོན་སྒྲུབ་པར་འདོད་པ་གད་མོའི་གནས། །
དེ་ཕྱིར་སྲིད་པའི་འདུན་པ་མེད་པ་ཡི། །ཚུལ་ཁྲིམས་སྲུང་བ་རྒྱལ་སྲས་ལག་ལེན་ཡིན། །
དགེ་བའི་ལོངས་སྤྱོད་འདོད་པའི་རྒྱལ་སྲས་ལ། །གནོད་བྱེད་ཐམས་ཅད་རིན་ཆེན་གཏེར་དང་མཚུངས།།
དེ་ཕྱིར་ཀུན་ལ་ཞེ་འགྲས་མེད་པ་ཡི། །བཟོད་པ་སྒོམ་པ་རྒྱལ་སྲས་ལག་ལེན་ཡིན། །
རང་དོན་འབའ་ཞིག་སྒྲུབ་པའི་ཉན་རང་ཡང༌། །མགོ་ལ་མེ་ཤོར་བཟློག་ལྟར་བརྩོན་མཐོང་ན། །
འགྲོ་ཀུན་དོན་དུ་ཡོན་ཏན་འབྱུང་གནས་ཀྱི། ། བརྩོན་འགྲུས་རྩོམ་པ་རྒྱལ་སྲས་ལག་ལེན་ཡིན། །
ཞི་གནས་རབ་ཏུ་ལྡན་པའི་ལྷག་མཐོང་གིས། །ཉོན་མོངས་རྣམ་པར་འཇོམས་པར་ཤེས་བྱས་ནས། །
གཟུགས་མེད་བཞི་ལས་ཡང་དག་འདས་པ་ཡི། །བསམ་གཏན་སྒོམ་པ་རྒྱལ་སྲས་ལག་ལེན་ཡིན། །
ཞེས་བསམ་གཏན་དང༌། གཟུགས་མེད་ཅེས་པ་དེ་རྣམས་ནི་མི་གཡོ་བའི་ལས་ཞེས་འཁོར་བར་འཁོར་བའི་རྒྱུ་ཡིན།
དེ་ལས་ཡང་དག་འདས་པ་ཞེས་པ་ནི། ཐར་པ་དོན་གཉེར་གྱི་བསམ་པས། སྐབས་འདིར་རྣམ་མཁྱེན་དོན་གཉེར་གྱི་
བསམ་པས་ཞི་གནས་སྒྲུབ་སྐབས་རྣམ་མཁྱེན་གྱི་རྒྱུར་འགྲོ་གི་ཡོད།
ཤེས་རབ་མེད་ན་ཕ་རོལ་ཕྱིན་ལྔ་ཡིས། །རྫོགས་པའི་བྱང་ཆུབ་འཐོབ་པར་མི་ནུས་པས། །
ཐབས་དང་ལྡན་ཞིང་འཁོར་གསུམ་མི་རྟོག་པའི། །ཤེས་རབ་སྒོམ་པ་རྒྱལ་སྲས་ལག་ལེན་ཡིན། །
ཞེས་ཐབས་དང་ལྡན་ཞིང་ཞེས་པ་ནི། བྱང་ཆུབ་ཀྱི་སེམས་ཀྱིས་ཟིན་པའི་སྦྱིན་པ་དང༌། ཚུལ་ཁྲིམས། བཟོད་པ། བརྩོན་
འགྲུས་སོགས་ནི་ཐབས་སུ་གསུངས་ཡོད། འཁོར་གསུམ་མི་རྟོག་པའི་ཤེས་རབ་ཅེས་པ་ནི། སྦྱིན་པ་ལྟ་བུར་མཚོན་ན། སྦྱིན་
པ་དང༌། སྦྱིན་བྱ། སྦྱིན་པ་པོ་བཅས་བྱ་བྱེད་ལས་གསུམ་སྟེ། རྟགས་འཇུག་གི་ནང་དུ་བྱ་བྱེད་ལས་གསུམ་ཞེས་བཤད་ཀྱི་
ཡོད། དེ་ཡང་ཡུལ་དེ་ལ་བྱེད་པ་པོ་གང་གིས་བྱ་བ་དེ་བསྒྲུབས་ཞེས་བརྗོད་སྐབས། རྟགས་འཇུག་ལས། ཕོ་ནི་འདས་དང་
གཞན་བསྒྲུབ་ཕྱིར། །ཞེས་པའི་ཚིགས་རྐང་དེས་བྱ་བྱེད་ལས་གསུམ་བསྟན་གྱི་ཡོད། དེས་ན་འཁོར་གསུམ་མི་རྟོག་པ་ཞེས་
པ་ནི། བྱེད་པ་པོ་དང༌། བྱ་བ། བྱ་བའི་ཡུལ་བཅས་གསུམ་ག་ངོ་བོ་ཉིད་ཀྱིས་གྲུབ་པས་སྟོང་པ་ཤེས་པར་བྱས་ཏེ། དེ་ལྟ་
བུའི་སྒོ་ནས་སྦྱིན་པ་གཏོང་བ་དང༌། ཚུལ་ཁྲིམས་བསྲུང་བ། བཟོད་པ་བསྒོམ་པ་བཅས་འཇིག་རྟེན་ལས་འདས་པའི་སྦྱིན་
པ་དང༌། ཚུལ་ཁྲིམས། བཟོད་པ་བཅས་ཆགས་ཀྱི་ཡོད། འཇིག་རྟེན་ལས་འདས་པ་མིན་ན་ཡང་དེའི་ཕྱོགས་ལྟ་བུ་ཆགས་
ཀྱི་ཡོད།
རང་གི་འཁྲུལ་པ་རང་གིས་བརྟགས་ནས་སྤོང་བ།
རྒྱུན་གྱི་སྤྱོད་ལམ་འཁྱེར་ཕྱོགས་སྐོར་གསུངས་པ་ནི། གཉིས་པ་མདོ་ལས་གསུངས་པའི་ཆོས་བཞི་ལ་བསླབ་པ་ལ་བཞི།
རང་གི་འཁྲུལ་པ་རང་གིས་བརྟགས་ནས་སྤོང་བ། བྱང་སེམས་ཀྱི་ཉེས་པ་སྨྲ་བ་སྤོང་བ། སྦྱིན་བདག་གི་ཁྱིམ་ལ་ཆགས་པ་
སྤོང་བ། རྩུབ་མོའི་ཚིག་སྨྲ་བ་སྤོང་བའོ། །དང་པོ་ནི། རྩ་བ་ལས།
རང་གི་འཁྲུལ་པ་རང་གིས་མ་བརྟགས་ན། །ཆོས་པའི་གཟུགས་ཀྱི་ཆོས་མིན་བྱེད་སྲིད་པས། །
དེ་ཕྱིར་རྒྱུན་དུ་རང་གི་འཁྲུལ་པ་ལ། །བརྟགས་ནས་སྤོང་བ་རྒྱལ་སྲས་ལག་ལེན་ཡིན། །
རྒྱུན་དུ་རང་གི་སེམས་ལ་རང་གིས་བྱ་ར་བྱས་ནས། ཕྱི་ངོས་སུ་ཉེན་རྟོགས་པ་ཡོད་མེད་ཇི་ལྟར་ཡང༌། རང་གི་སེམས་
ལ་རང་གིས་བརྟག་དཔྱད་བྱེད་དགོས་ཤིང༌། དོན་ངོ་མའི་སོ་སྲུང་མཁན་ནི་རང་གིས་རང་ལ་དྲན་ཤེས་བག་ཡོད་
བསྟེན་ནས་བྱེད་དགོས་ཞེས་གསུངས་ཡོད།
སེམས་ཀྱི་ཉེས་པ་སྤོང་བ།
གཉིས་པ་ནི། རྩ་བ་ལས།
ཉིན་མོངས་དབང་གིས་རྒྱལ་སྲས་གཞན་དག་གི །ཉེས་པ་གླེང་ན་བདག་ཉིད་ཉམས་འགྱུར་བས། །
ཐེག་པ་ཆེ་ལ་ཞུགས་པའི་གང་ཟག་གིས། །ཉེས་པ་མི་སྨྲ་རྒྱལ་སྲས་ལག་ལེན་ཡིན། །
སྦྱིན་བདག་གི་ཁྱིམ་ལ་ཆགས་པ་སྤོང་བ།
གསུམ་པ་ནི། རྩ་བ་ལས།
རྙེད་བཀུར་དབང་གིས་ཕན་ཚུན་རྩོད་འགྱུར་ཞིང༌། །ཐོས་བསམ་སྒོམ་པའི་བྱ་བ་ཉམས་འགྱུར་ལ། །
མཛའ་བཤེས་ཁྱིམ་དང་སྦྱིན་བདག་ཁྱིམ་རྣམས་ལ། །ཆགས་པ་སྤོང་བ་རྒྱལ་སྲས་ལག་ལེན་ཡིན། །
རྩུབ་མོའི་སྨྲ་བ་སྤོང་བ།
བཞི་པ་ནི། རྩ་བ་ལས།
རྩུབ་མོའི་ཚིག་གིས་གཞན་སེམས་འཁྲུག་འགྱུར་ཞིང༌། །རྒྱལ་བའི་སྲས་ཀྱི་སྤྱོད་ཚུལ་ཉམས་འགྱུར་བས།།
དེ་ཕྱིར་གཞན་གྱི་ཡིད་དུ་མི་འོང་བའི། །ཚིག་རྩུབ་སྤོང་བ་རྒྱལ་སྲས་ལག་ལེན་ཡིན། །
ཉོན་མོངས་སྤོང་ཚུལ་ལ་བསླབ་པ།
གསུམ་པ་ནི། རྩ་བ་ལས།
ཉོན་མོངས་གོམས་ན་གཉེན་པོས་བཟློག་དཀའ་བས། །དྲན་ཤེས་སྐྱེས་བུས་གཉེན་པོའི་མཚོན་བཟུང་ནས།།
ཆགས་སོགས་ཉོན་མོངས་དང་པོ་སྐྱེས་མ་ཐག །འབུར་འཇོམས་བྱེད་པ་རྒྱལ་སྲས་ལག་ལེན་ཡིན། །
ཞེས་གསུངས། དོན་ནི། ཉོན་མོངས་ཆུང་ངུ་ཞིག་སྐྱེས་པའི་སྐབས་སུ་དེ་སྐྱོན་དེ་ཙམ་མེད་སྙམ་ནས་སྣང་ཆུང་མི་བྱེད་
པར་ཡིད་གཟབ་བྱེད་དགོས་པ་དང༌། སྣང་ཆུང་བྱས་ན་ཉོན་མོངས་དེ་ཧམ་པ་ཇེ་ཆེར་སོང་སྟེ་ཇེ་སྡུག་ཏུ་འགྲོ་གི་རེད།
དེས་ན་ཉོན་མོངས་སྐྱེས་མ་ཐག་ནས་སྐྱོན་དུ་བལྟས་ནས་འདི་བྱེད་མི་ཉན་པ་ཞིག་ཡིན་བསམ་པའི་ཐོག་ནས་གང་ཐུབ་
ཀྱིས་གཉེན་པོ་བསྟེན་དགོས་པ་དང༌། མ་མཐའ་ཡང་ཉོན་མོངས་སྐྱེ་སའི་ཡུལ་དེ་ཉིད་བརྗེད་དུ་བཅུག་ནས་བློ་གཞན་
ལ་ཕྱོགས་པ་ལྟ་བུ་དང༌། དབུགས་འབྱུང་རྔུབ་ཁོ་ནར་བསམ་བློ་བཏང་བ་སོགས་བྱེད་དགོས་པར་གསུངས་ཡོད།
———
Back