དཔྱ་ཁྲལ་ལག་དེབ་

དཔྱ་ཁྲལ་ལག་དེབ་ཀྱི་རིན་གོང་འཕར་འདུག
བོད་ཀྱི་དུས་བབ།

ཕྱི་རྒྱལ་ཁག་གི་གཞུང་དང་མང་ཚོགས་ཀྱིས་བོད་མིར་དམིགས་བསལ་གཟིགས་སྐྱོང་ཐོབ་པ་དང་། ལྷག་པར་དུ་རྒྱལ་

ཁབ་མང་པོ་ཞིག་གིས་བོད་མིའི་དཔྱ་ཁྲལ་ལག་དེབ་ངོས་ལེན་བྱས་ཏེ།      ཐོབ་ཐང་འདྲ་མིན་རག་གིན་ཡོད་སྟབས།

དེང་སྐབས་བཙན་བྱོལ་སྤྱི་ཚོགས་ཁྲོད། བོད་མིའི་དང་བླངས་དཔྱ་ཁྲལ་ལག་དེབ་ཐད། རྙོག་གླེང་དང་དཀའ་ངལ་མི་

ཉུང་བ་ཞིག་ཡོང་གིན་ཡོད་ལ། བོད་མི་རྣམས་དཔྱ་ཁྲལ་ལག་དེབ་ལ་རྩིས་འདང་སྔར་ལས་ཇེ་ཆེར་ཕྱིན་ཅིང་།   ལག་

དེབ་རྫུན་བཟོ་དང་ཚོང་སྒྱུར་བྱེད་ཀྱིན་ཡོད་ལ། མི་རིགས་གཞན་པ་ཚོས་ཀྱང་བཙན་བྱོལ་བོད་མིའི་རང་དབང་གཅེས་

འཛིན་ལག་དེབ་རག་རྒྱུར་འབད་བརྩོན་བྱེད་ཀྱིན་ཡོད་འདུག

 བཙན་བྱོལ་བོད་མིའི་སྤྱི་ཚོགས་ཁྲོད་ཐབས་ཤེས་འདྲ་མིན་སྤྱད་དེ་དཔྱ་ཁྲལ་ལག་དེབ་རྫུན་མ་བཟོ་མཁན་དང་། ཧིན་

སྒོར་འབུམ་ཡས་མས་སྤྲད་དེ་ཉོ་ཚོང་བྱེད་མཁན།  གཞན།   ལྟག་སྒོ་བརྒྱུད་དེ་ལག་དེབ་རག་རྒྱུར་འབད་བརྩོན་བྱེད་

མཁན་ཡང་བྱུང་ཡོད་རབས་ཀྱི་གནས་ཚུལ་ཐོན་ཡོད། ལག་དེབ་རྫུན་མ་བཟོས་པ་དང་ཉོ་ཚོང་བྱེད་མཁན་འགའ་རེ་

བོད་གཞུང་དཔལ་འབྱོར་ལས་ཁུངས་དང་བདེ་སྲུང་ལས་ཁུངས་མཉམ་འབྲེལ་ཐོག་འཇུ་བཟུང་བྱས་ཏེ། རྒྱ་གར་སྐོར་

སྲུང་བར་རྩིས་སྤྲོད་བྱས་པའི་གནས་ཚུལ་ཡང་ཐོན་ཡོད།   དཀའ་ངལ་དེའི་རྐྱེན་པས་བོད་གཞུང་དཔལ་འབྱོར་ལས་

ཁུངས་ནས་ལག་དེབ་གསར་བཟོ་དང་ནོར་བཅོས་ཐད།    དམ་དྲག་སྟངས་འཛིན་སྔར་ལས་ཤུགས་ཆེ་རུ་བཏང་ཡོད་

སྟབས། སྤྱི་ཚོགས་ནང་ལག་དེབ་གསར་བཟོ་དང་། ལག་དེབ་ལ་ནོར་བཅོས་བྱེད་མཁན་དག་ལ་དཀའ་ངལ་མི་ཉུང་བ་

ཞིག་འཕྲད་ཀྱིན་ཡོད་འདུག

སྤྱི་ལོ་ ༢༠༠༣ ཚུན་ལ་བཙན་བྱོལ་བོད་གཞུང་དཔལ་འབྱོར་ལས་ཁུངས་ཀྱིས་བོད་མིའི་དཔྱ་ཁྲལ་ལག་དེབ་ཆིག་འབུམ་

སུམ་ཁྲི་ ༡༣༠༠༠༠ ཙམ་བཟོས་ཡོད་འདུག་ལ། སྤྱི་ལོ་ ༢༠༠༩ ལོར་དཔྱ་ཁྲལ་ལག་དེབ་བརྒྱུད་དེ་ཧིན་སྒོར་བྱེ་བ་བརྒྱད་

དང་ས་ཡ་བདུན་ ༨༧༠༡༠༢༤༦།༢༧ ཙམ་དཔལ་འབྱོར་ལས་ཁུངས་སུ་འབྱོར་ཡོད་འདུག དཔྱ་ཁྲལ་ལག་དེབ་ཐད་

ཀྱི་དཀའ་ངལ་དང་རྙོག་དྲའི་ཐད་ད་ལྟ་འཚོགས་བཞིན་པའི་གྲོས་ཚོགས་ཚོགས་དུས་བརྒྱད་པའི་སྟེང་། སྤྱི་འཐུས་མང་

དག་ཅིག་གིས་འབྲེལ་ཡོད་དཔལ་འབྱོར་བཀའ་བློན་མཆོག་ལ་དོགས་འདྲི་དང་རེ་འདུན། འབོད་སྐུལ་སོགས་ནན་གྱིས་

ཞུས་སོང་ལ། ཕྱི་ཚེས་ ༡༥ ཉིན་དཔལ་འབྱོར་བཀའ་བློན་མཆོག་གིས་ཆུ་ཚོད་གཅིག་ལྷག་རིང་དཔྱ་ཁྲལ་ལག་དེབ་སྐོར་

གྱི་དྲི་བར་ལན་འདེབས་དང་། སྤྱི་ཚོགས་ནང་གི་གླེང་རྙོག་རིགས་ལ་དོན་དངོས་ཀྱི་གསལ་བཤད་གནང་ཡོད།

སྐབས་དེར་དཔལ་འབྱོར་བཀའ་བློན་ཚེ་རིང་དོན་འགྲུབ་མཆོག་གིས་གསུངས་དོན།   ལག་དེབ་རྫུན་མ་བཟོ་བ་དང་

ཚོང་སྒྱུར་བྱེད་ཀྱིན་ཡོད་པ་བདེན་པ་རེད། དེའི་སྐོར་ལ་ང་ཚོས་ཞིབ་འཇུག་བྱེད་མུས་ཡིན་ལ། བདེ་སྲུང་གི་ངོས་ནས་

ཀྱང་ཐུགས་ཁུར་ཆེན་པོ་བཞེས་ཀྱིན་ཡོད། ལག་དེབ་ཆ་ཚང་རྫུན་མ་བཟོས་པ་འདྲ་མཐོང་མ་སོང་མོད། དཔལ་འབྱོར་

ལས་ཁུངས་བརྒྱུད་དེ་ལག་དེབ་རྫུན་མ་འཇུས་པའི་ནང་དུ།   ལག་དེབ་ནང་གི་ཤོག་བུ་བརྗེ་བོ་བརྒྱབས་པ་ཡོང་གིན་

འདུག ཡང་འགའ་རེ་ཡིས་ལག་དེབ་རྙིང་བ་གཞན་ལ་བཙོང་ཡོད་པ་འདྲ། ཉེ་ཆར་དཔལ་འབྱོར་ལས་ཁུངས་ནས་མི་

གཅིག་འཇུ་ཐུབ་པ་བྱུང་སྟེ། སྐད་ཆ་འདྲི་སྐབས་ལག་དེབ་བཙོང་བ་ངོས་ལེན་བྱས་ཡོད་སྟབས། ང་ཚོས་ས་གནས་སྐོར་

སྲུང་བར་རྩིས་སྤྲད་པ་རེད།    སྐབས་དེར་ངྷ་ས་ས་གནས་རང་བདེན་ཚོགས་ཆུང་གི་ལག་དེབ་བོར་བརླག་ཕྱིན་ཡོད།

འོན་ཀྱང་། ས་གནས་སྐོར་སྲུང་བས་ཉིན་འགའི་རྗེས་ཁོ་གློད་གྲོལ་བཏང་འདུག སྐོར་སྲུང་བས་བརྗོད་པ་ལྟར་ན། མི་

དེའི་ལག་ནས་ཐོན་པའི་དཔྱ་ཁྲལ་ལག་དེབ་དང་། ངྷ་ས་རང་བདེན་ཚོགས་ཆུང་ནས་བོར་བའི་ལག་དེབ་གཉིས་ཀྱི་

ཨང་གྲངས་མཐུན་གྱི་མི་འདུག ལག་དེབ་དེའི་བདག་པོ་བལ་ཡུལ་ནས་རེད་ཟེར། དེ་བཞིན་ལྡི་ལི་ནས་ཀྱང་ལག་དེབ་

རྫུན་མ་ཉར་མཁན་ཞིག་འཇུས་འདུག མི་དེ་བོད་པ་མ་རེད། བལ་ཡུལ་ནས་རེད། ཁོས་ཀྱང་དངུལ་སྤྲད་དེ་ཉོས་པ་ཡིན་

སྐོར་བརྗོད་འདུག ཅེས་གསུངས་བྱུང་།

ཁོང་གིས་མུ་མཐུད་དུ་དཔྱ་ཁྲལ་ལག་དེབ་གསར་བཟོ་དང་ནོར་བཅོས་སྐོར་གྱི་ད་ལྟའི་གནས་སྟངས་ངོ་སྤྲོད་གནང་

དོན། སྤྱི་ལོ་ ༢༠༠༧ ནས་ད་བར་ལག་དེབ་གསར་བཟོ་ཞུ་མཁན་ཁྲི་གཅིག་ ༡༠༠༠༠ ལྷག་འབྱོར་བ་ལས་བདུན་སྟོང་

༧༠༠༠ བཟོས་ཏེ་དོ་བདག་ལ་ཕུལ་ཟིན། བཞི་སྟོང་ ༤༠༠༠ བཟོ་མུས་ཡིན། འོན་ཀྱང་འགེངས་ཤོག་ཕྱིར་སློག་བྱས་པ་

༡༩༨༥ བྱུང་འདུག དེའི་ཁྲོད་འགེངས་ཤོག་འཐུས་ཚང་མིན་པ་ ༦༥༠ དང་། དཔང་རྟགས་ཡིག་ཆ་མེད་པ་ ༦༠༠ །

པར་ཚད་ལྡན་མིན་པ་ ༡༡༥ བཅས་འདུག ཡང་ལག་དེབ་གསར་བ་ཞུ་མཁན་ཚོར་ཞིབ་འཇུག་བྱས་སྐབས་ལག་དེབ་

སྤྲོད་མ་ཐུབ་པ་ ༨༠ འདུག རྒྱབ་རྟེན་ཡིག་ཆ་དང་འགེངས་ཤོག་གཉིས་ཀྱི་ནང་དོན་མ་མཐུན་པར་ཕྱིར་སློག་པ་ ༦༠

བཅས་འདུག
              
གསལ་བོ་བྱས་ཏེ་གྲོས་ཚོགས་ལ་ཞུ་ཐུབ་པ་ཞིག་ལ། སྤྱི་ལོ་ ༡༩༨༥ ཚུན་ལ་ལག་དེབ་ཞུ་མཁན་ ༤༨༠ ཙམ་ལ་སྤྲོད་

ཐུབ་པ་ཁྱོན་ནས་མི་འདུག་ཅེས་ཚིག་ཐག་ཆོད་པོས་ཞུ་རྒྱུ་ཡིན། དེ་དག་སྔར་ལག་དེབ་ཡོད་བཞིན་དུ་གསར་བ་ཞུ་

མཁན་ ༤༤༠ དང་། བོད་པ་མིན་པའི་ལག་དེབ་ཞུ་མཁན་ ༤༠ བཅས་རེད།    ནོར་བཅོས་མ་ཐུབ་པར་ད་ལྟ་ལྷག་

བསྡད་པ་ ༥༤༠ ཙམ་འདུག དེ་དག་གང་རེད་ཟེར་ན། སྐྱེས་ཚེ་ལག་ཁྱེར་དང་སྐྱབས་བཅོལ་ལག་ཁྱེར་གང་ཡང་མེད་

མཁན་ ༧༧ དང་། ས་གནས་ཀྱི་དག་མཆན་མེད་པ་ ༢༠ ། ལོ་རྒྱུས་དང་མི་མཐུན་པ་ ༡༣ བཅས་རེད། གཞན་ ༤༣༠

ཙམ་ལ་སྔར་བཀའ་ཤག་གི་ལམ་སྟོན་ཞིག་གི་དབང་གིས་འགག་ཡོད་ཀྱང་། སྔར་ལོའི་ཟླ་ ༡༡ ཚེས་ ༥ ཉིན་ལམ་སྟོན་

དེ་ལ་འགྱུར་བ་བཏང་སྟབས་ལམ་ཁ་རག་ཡོད། ཅེས་གསུངས་བྱུང་།
             
 མཇུག་མཐར་ཁོང་གིས་ལག་དེབ་གསར་བཟོ་དང་ནོར་བཅོས་བྱེད་ཕྱོགས་དང་འབྲེལ་དོགས་གནས་ཤིག་གསུངས་

དོན། ལག་དེབ་ཞུ་མཁན་རིགས་ལ་གསལ་བོར་ཞུ་རྒྱུ་ཞིག་ལ། ལག་དེབ་གསར་བ་ཞུ་བྱེད་ཀྱི་འགེངས་ཤོག་དང་མཉམ་

དུ་ཆ་རྐྱེན་གང་དགོས་པའི་ལམ་སྟོན་ཡིག་ཆ་མཉམ་སྦྱར་བྱས་ཡོད། དེ་ལ་ཐུགས་ཞིབ་གནང་རོགས།  དེ་བཞིན།  ནོར་

བཅོས་ཞུ་མཁན་ཚོ་ལའང་ནོར་བཅོས་ཞུ་བྱེད་འགེངས་ཤོག་དང་མཉམ་དུ་ལམ་སྟོན་ཡོད་སྟབས། དེ་ལ་ཉམས་འཇོག་

བྱ་དགོས། དཔལ་འབྱོར་ལས་ཁུངས་ནས་དཔྱ་ཁྲལ་ལག་དེབ་སྐོར་ལ་སྔ་ཕྱིའི་ལམ་སྟོན་ཁག་ཕྱོགས་སྒྲིག་གི་དཔེ་དེབ་ཅིག་

དང་། ལག་དེབ་གསར་བཟོ་དང་ནོར་བཅོས་ཀྱི་ལམ་སྟོན་འགེངས་ཤོག་དང་མཉམ་སྦྱར་ཐོག སྐུ་ཚབ་དོན་གཅོད་ཁག་

དང་ས་གནས་མགོ་འཛིན། ས་གནས་རང་བདེན་ཚོགས་ཆུང་བཅས་སུ་བཀྲམས་ཡོད། ཅེས་དང་།

དེང་སྐབས་མཚམས་མ་ཆད་པར་ཟླ་བ་རེ་ལ་ཆ་སྙོམ་ལག་དེབ་གསར་བ་ཞུ་མཁན་ཆིག་སྟོང་ཉིས་བརྒྱ་ ༡༢༠༠ ཡས་

མས་ཡོང་གིན་འདུག སྤྱི་ལོ་ ༢༠༠༣ ཚུན་ལ་ལག་དེབ་ཕུལ་ཟིན་པ་འབུམ་གཅིག་དང་ཁྲི་གསུམ་ ༡༣༠༠༠༠ ལ་སླེབས་

འདུག འོན་ཀྱང་། ད་དུང་མཚམས་མ་ཆད་པར་ཡོང་གིན་འདུག་སྟབས། རང་བཞིན་གྱིས་དོགས་པ་ཞིག་ཡོང་གིན་

འདུག མི་འགྱངས་པར་མི་འབོར་ཞིབ་བཤེར་གྱི་གྲངས་ཐོ་ཞིག་ཡོང་གི་རེད། སྐབས་དེར་དཔལ་འབྱོར་ལས་ཁུངས་

དང་བཀའ་ཤག་མཉམ་འབྲེལ་ཐོག་ཞིབ་འཇུག་ཡག་པོ་ཞིག་གནང་དགོས་པ་ཞིག་ཆགས་འདུག ཅེས་གསུངས་བྱུང་།

ཕྱི་ཚེས་ ༡༧ ཉིན་འདི་གའི་གསར་འགོད་པ་དཔལ་འབྱོར་བཀའ་བློན་མཆོག་གི་དྲུང་དུ་བཅར་ཏེ། དཔྱ་དངུལ་ཁྲལ་

ལག་དེབ་ཀྱི་དཀའ་རྙོག་སྐོར་ལ་བཅར་འདྲི་ཞུས་སྐབས། ཐོག་མར་ཁོང་གིས་གཞུང་སྒེར་གཉིས་ལ་དང་བླངས་དཔྱ་

ཁྲལ་ལག་དེབ་གལ་ཆེན་ཡིན་སྐོར་གསུངས་དོན། བོད་མིའི་གཅེས་འཛིན་དཔྱ་ཁྲལ་ལག་དེབ་འདི་བཙན་བྱོལ་གཞུང་

དང་། དོ་བདག་མི་སྒེར་གཉིས་ཀར་གལ་འགེངས་ཆེན་པོ་ཆགས་ཡོད། དཔྱ་ཁྲལ་ལག་དེབ་ཞུ་མཁན་སྔར་ལས་མང་

དུ་ཕྱིན་འདུག་ལ། དེ་ཡང་ཛ་དྲག་ཐོག་ནས་ཞུ་བཞིན་འདུག དེ་ནི་ཕྱི་རྒྱལ་ཁག་གི་གཞུང་ཚབ་མང་པོ་ཞིག་གིས་བོད་

མིའི་དཔྱ་ཁྲལ་ལག་དེབ་ངོས་ལེན་བྱེད་ཀྱིན་ཡོད། དཔེར་ན་ཨ་རི་ལྟ་བུར་མཚོན་ན། བོད་མི་ཞིག་གིས་ཨ་རིར་གཏན་

སྡོད་ཆོག་མཆན་ཞུ་སྐབས། ཨ་རིའི་གཞུང་གིས་བོད་མི་ཡིན་པའི་དཔང་རྟགས་ཆེད། དཔྱ་ཁྲལ་ལག་དེབ་འཁྱེར་ཤོག་

ཟེར་གྱིན་ཡོད་སྟབས་ལག་དེབ་ཐོག་ཚ་ཚ་འུར་འུར་བྱེད་ཀྱིན་ཡོད་པ་རེད། ཅེས་དང་།

བོད་མིའི་དཔྱ་ཁྲལ་ལག་དེབ་འདི་གཞུང་གི་འཛིན་སྐྱོང་གི་འགྲོ་གྲོན་ཐད་ཀྱི་ཡོང་འབབ་གལ་ཆེན་ཞིག་ཆགས་ཡོད།

ལག་དེབ་སྤྲོད་ཕྱོགས་ཀྱི་ཁྲིམས་སྒྲིག་ནང་། བོད་མི་དངོས་བདེན་ཡིན་པ་ཞིག་ལ་མ་གཏོགས་སྤྲོད་ཐབས་ཡོད་པ་མ་རེད།

འོན་ཀྱང་།      ༧གོང་ས་མཆོག་གི་ཐུགས་རྗེ་བཀའ་དྲིན་གྱིས་རྒྱལ་ཁབ་མང་པོ་ཞིག་གིས་བོད་མིར་དམིགས་བསལ་གྱི་

གཟིགས་སྐྱོང་གནང་གིན་ཡོད་སྟབས། བོད་རིགས་མ་ཡིན་པ་མང་པོ་ཞིག་གིས་ལག་དེབ་འདི་རག་རྒྱུར་ཐབས་ཤེས་བྱེད་

ཀྱིན་ཡོད། དེར་བརྟེན། དཔལ་འབྱོར་ལས་ཁུངས་དང་བཀའ་ཤག་གི་ངོས་ནས་དཔྱ་དངུལ་ལག་དེབ་བཟོ་ཕྱོགས་ཐད་

སྟངས་འཛིན་ཤུགས་ཆེ་རུ་གཏོང་དགོས་བྱུང་བ་རེད། ཅེས་གསུངས་བྱུང་།
                 
ཁོང་གིས་མུ་མཐུད་དུ་ལག་དེབ་ཀྱི་རྙོག་དྲའི་འབྱུང་རྐྱེན་སྐོར་གསུངས་དོན། དེང་སྐབས་སྤྱི་ཚོགས་ནང་ལག་དེབ་ཐད་

རྙོག་གླེང་ཡོང་བའི་རྒྱུ་རྐྱེན་ཆེ་ཤོས་ཤིག་ནི། ཕྱི་རྒྱལ་ཁག་ཏུ་གཉེན་སྒྲིག་ངོ་མ་མ་ཡིན་པའི་ཐོག་ནས་འགྲོ་མཁན་དང་།

དངུལ་ཕོན་ཆེན་སྤྲོད་ལེན་ཐོག་ཕྱི་རྒྱལ་དུ་འཐེན་པ་སོགས་ཡོང་གིན་ཡོད། ཕྱི་རྒྱལ་གཞུང་ཚབ་ཁག་ནས་བོད་མི་ཡིན་

པའི་དཔང་རྟགས་དཔྱ་ཁྲལ་ལག་དེབ་ལ་ལྟ་བཞིན་ཡོད་སྟབས། གང་ཟག་སོ་སོའི་ཁེ་ཕན་དང་འཕྲལ་སེལ་གྱི་དགོས་

མཁོར་བལྟས་ཏེ། ལག་དེབ་ནང་གི་མིང་དང་སྐྱེས་ལོ་སྐྱེས་ཚེས་སོགས་ལ་འགྱུར་བ་གཏོང་དགོས་པ་ཆགས་ཀྱིན་ཡོད།

འོན་ཀྱང་། གཞུང་གིས་དེ་ལ་རོགས་རམ་མཐུན་འགྱུར་ཞུ་ཐབས་ཡོད་པ་མ་རེད། ཅེས་དང་།

གོ་སྐབས་འདི་བརྒྱུད་དེ་མང་ཚོགས་ལ་འབོད་སྐུལ་ཞུ་རྒྱུ་ཞིག་ལ། ལག་དེབ་རྫུན་མ་དང་གཞན་གྱི་ལག་ནས་ཉོས་པའི་

རིགས་ལ་ཕནཐོགས་གང་ཡང་ཡོད་པ་མ་རེད། ལག་དེབ་སྟེང་གི་མིང་དང་ཨང་གྲངས་སོགས་དཔལ་འབྱོར་ལས་ཁུངས་

ཀྱི་གྲངས་མཛོད་ནང་ཉར་ཡོད། ལག་དེབ་དང་འབྲེལ་བ་ཡོད་པའི་ངོས་སྦྱོར་དང་མཐུན་འགྱུར་ཞུ་མཁན་རིགས་ལ།

ཐོག་མར་མིང་དང་ཨང་གྲངས་ལ་ཞིབ་འཇུག་བྱེད་ཀྱིན་ཡོད། གཞན་གྱི་མགོ་སྐོར་འོག་མ་ཚུད་རོགས་ཞུ་རྒྱུ་ཡིན། ཡང་

སྤྱི་ཚོགས་ནང་། དངུལ་སྤྲད་ན་དཔལ་འབྱོར་ལས་ཁུངས་ཀྱི་གྲངས་མཛོད་ལ་ལག་པ་འཆིང་རྒྱུ་ཡོད་པའི་སྐད་ཆ་ཞིག་

ཡོང་གིན་ཡོད། དེ་ནི་ལག་དེབ་ཚོང་སྒྱུར་བྱེད་མཁན་དག་གིས་སོ་སོའི་ཚོང་བརྒྱུག་ཆེད་ཁོ་ན་རེད་མ་གཏོགས། དཔལ་

འབྱོར་ལས་ཁུངས་ལ་དེ་འདྲའི་ལམ་ཁ་ཞིག་རྩ་བ་ནས་ཡོད་པ་མ་རེད། དེ་ང་རང་དཔལ་འབྱོར་བཀའ་བློན་གྱི་ངོས་

ནས་ཡིད་ཆེས་ཆེན་པོ་དང་ཁ་གསལ་བོ་བྱས་ཏེ་ཞུ་ཐུབ་ཀྱིན་ཡོད། ཅེས་གསུངས་བྱུང་།

ཛ་དྲག་གི་ངོ་བོར་འགྱུར་བཞིན་པའི་བཙན་བྱོལ་བོད་མིའི་དཔྱ་ཁྲལ་ལག་དེབ་ཐད།   དེ་རིང་ཕྱི་ཚེས་ ༡༨ ཉིན་སྤྱི་

འཐུས་གྲོས་ཚོགས་ནང་།སྤྱི་ཚོགས་ནང་དཀའ་རྙོག་དང་དཀའ་ངལ་ཇི་སྙེད་ཅིག་འཕྲད་ཀྱིན་ཡོད་པ་དེའི་གནས་

ཚུལ་ངོ་མ་ཅི་ཡིན་དང་སེལ་ཐབས་གང་ཡོད་ཐད། སྤྱི་འཐུས་གསུམ་དང་དཔལ་འབྱོལ་དྲུང་ཆེ་བཅས་ལས་གྲུབ་པའི་

ཞིབ་འཇུག་ཚོགས་ཆུང་འཛུགས་དགོས་པའི་གཞུང་འབྲེལ་གྲོས་ཆོད་བསྣམས་ཡོད།