གང་ནས་བྱུང་ངམ།

ཁྱོད་ཚོར་ནུས་པ་འདི་གང་ནས་བྱུང་ངམ།

བོད་ཀྱི་དུས་བབ།
སྤྱི་འཐུས་ཀརྨ་ཆོས་འཕེལ་ལགས་ཀྱིས་ཉེ་ཆར་དབུས་གཙང་ཆོལ་ཁའི་འགན་འཛིན་ལྷན་ཚོགས་ཀྱིས་ཁོང་ཉིད་སྤྱི་

འཐུས་ནས་རྩ་དགོངས་ཞུ་དགོས་པའི་ཟུར་རྒྱན་གྲོས་ཆོད་ཅིག་བཞག་པ་དེར་ངོས་ལེན་མེད་ཅེས་དབུས་གཙང་རྒྱུན་

ལས་ཁང་ལ་འཕྲིན་ལན་ཅིག་བཏང་འདུག
ཕྱི་ཚེས་ ༧ ཉིན་དབུས་གཙང་སྤྱི་འཐུས་ཀརྨ་ཆོས་འཕེལ་ལགས་ཀྱིས་དབུས་གཙང་རྒྱུན་ལས་ལ་འཕྲིན་ལན་ཅིག་བཏང་

བའི་ནང་བཀོད་དོན། ཕྱི་ལོ་ ༢༠༠༩ ཟླ ༩  ཚེས་ ༢༨ ཉིན་འཁོད་དེ་ནས་ཕྲན་གྱི་མིང་ཐོག་སྩལ་བའི་ཕྱག་བྲིས་ལག་སོན་

བྱུང་། དེ་ནང་ “ཟུན་རྒྱན་གྲོས་ཆོད་ལ་ཐུགས་སྣང་དང་སྦྲགས་ཕྱག་ལེན་གནང་ཕྱོགས་ཡོང་བ་ཞུ་རྒྱུ་དགོངས་འཇགས་

ཞུ།” ཞེས་གསལ་བ་དང་།  ཟུར་རྒྱན་གྲོས་ཆོད་ཀྱི་ནང་གསེས་དོན་ཚན་གཉིས་བཅས་ཐད་འགྲེལ་བརྗོད་རིང་པོ་ཞུ་གལ་

མ་མཐོང་། བཅའ་ཁྲིམས་ནང་སྤྱི་འཐུས་བྱེ་བྲག་པ་འཕོ་འགྱུར་གཏོང་ཐབས་ཆེད་དོན་ཚན་གཅིག་ལས་འཁོལ་མེད་ཅིང་།

དོན་ཚད་ང་བདུན་པའི་ནང་གསེས་༢༽ པ་ནང་།  “སྤྱི་འཐུས་སུ་འོས་འདེམས་བྱུང་བའི་སྐྱེས་བོ་གང་ཞིག་བཅའ་ཁྲིམས་

འདིའི་དོན་ཚན་སོ་བརྒྱད་པར་གསལ་བའི་སྤྱི་འཐུས་འོས་ཆོས་གང་རུང་མ་ཚང་བར་གྱུར་པའམ།    ཡང་ན་རང་ཉིད་

འདེམས་བྱེད་མི་མང་གི་མང་མོས་མེད་པའི་གནས་ཚུལ་ར་འཕྲོད་ཀྱིས་སྤྱི་འཐུས་ལྷན་ཚོགས་ནས་འཕོ་འགྱུར་བྱ་རྒྱུར་

མང་མོས་ཐག་གཅོད་བྱུང་བ་བཅས་ཀྱི་སྐབས་རང་ཉིད་སྤྱི་འཐུས་ནས་འཕོ་དགོས། ”ཞེས་གསལ་ཡོད། ཅེས་དང་།

ཡང་ཁོང་གིས།   “དབུས་གཙང་”ཞེས་པའི་ཐ་སྙད་འཁྱེར་བ་ཙམ་གྱིས་དབུང་གཙང་ཆོལ་ཁའི་སྤྱིའི་ཚབ་ནམ་ཡང་

མཚོན་མི་ཐུབ་པ་དང་། ལྷག་པར་འདས་པའི་དུས་ཚོད་ནང་མངའ་རིས་སྤྱི་མཐུན་ཚོགས་པ་དང་། ད་ལྟའི་དབུས་

གཙང་ཚོགས་པ་གཉིས་དབར་བགྲོ་གླེང་བྱུང་སྐབས་གནད་དོན་འདི་དག་གསལ་བོ་བཟོས་ཟིན་འདུག  ཆོལ་ཁ་འདིའི་

འདེམས་བྱེད་མི་མང་ནང་། དབུས་པ་དང་། གཙང་པ། སྟོད་པ། མངའ་རིས་བ་བཅས་བཞི་ཡོད། ད་སྐབས་གྲོས་ཆོད་

འཇོག་མཁན་གྱི་ཚོགས་པ་འདིའི་ཚོགས་མི་དང་། ལྷག་པར་ཉེ་ལམ་ཚོགས་པའི་འགན་འཛིན་ལྷན་ཚོགས་སུ་ཕེབས་

མིའི་ཁོངས་སྤྱི་ལྷན་སྐབས་བཅུ་བཞི་པའི་འོས་འདེམས་སྐབས་ཕྲན་འདེམས་བྱར་རྒྱབ་སྐྱོར་བྱ་མཁན་ཉུང་ཤས་ཙམ་ལས་

མེད་ཅེས་བརྗོད་ན་མི་འགྲིགས་པ་རྩ་བ་ཉིད་ནས་མེད། དེར་བརྟེན། ༡༽ཁྱེད་ཚོར་ཕྲན་སྤྱི་འཐུས་ནས་རྩ་དགོངས་བྱ་དགོས་

པའི་གྲོས་ཆོད་འཇོག་རྒྱུའི་བཟང་སྤྱོད་ཀྱི་ནུས་པ་གང་ནས་བྱུང་ངམ། ༢༽གོང་གསལ་བཅའ་ཁྲིམས་དགོངས་དོན་ཕྲན་

དབུས་གཙང་ཆོལ་ཁའི་མི་མང་གི་མང་མོས་མེད་པ་ར་འཕྲོད་པའི་གནས་ཚུལ་ཐབས་ལམ་གང་གིས་བརྒྱུད་གནང་ཡོད་

དམ། ༣༽ཕྲན་སྤྱི་འཐུས་ནས་འཕོ་དགོས་པར་ཟུར་རྒྱན་གྲོས་ཆོད་འཇོག་རྒྱུར་འདེམས་བྱེད་མི་མང་གི་མང་མོས་ཐག་གཅོད་

བྱུང་བའི་ར་འཕྲོད་དཔང་རྟགས་གང་ཡོད་དམ། ༤༽ད་རེས་འགན་འཛིན་ལྷན་ཚོགས་སུ་ས་གནས་མིང་ཁུར་གྱིས་ཕེབས་

མི་རྣམས་ནས་ས་གནས་དེའི་དབུས་གཙང་ཆོལ་ཁའི་མི་མང་གི་ངོ་ཚབ་མཚོན་པའི་ཁས་ལེན་བྱེད་ཐུབ་བམ་ཅེས་དྲི་བ་

བཞི་དྲིས་འདུག

དེ་བཞིན་ཁོང་གིས། སྤྱིར་བོད་དོན་གཉན་འཕྲེང་ཅན་དུ་གནས་བཞིན་པ་དང་། བཙན་བྱོལ་སྤྱི་ཚོགས་ནང་ཆིག་སྒྲིལ་དང་

ལྷིང་འཇགས་དགོས་གལ་ལ་བསམ་ཞིབ་ཀྱིས་རྟག་ཏུ་ལབ་གླེང་མི་དགོས་པ་གཙོ་དོན་བྱ་མཁན་ཞིག་ཡིན། འོན་ཀྱང་། གླེང་

དགོས་ན་གླེང་རྒྱུ་མེད་མཁན་ཞིག་མིན་པ་མཁྱེན་དགོས་པ་དང་། ཟུར་རྒྱན་གྲོས་ཆོད་ལ་ངོས་ལེན་མེད་ཅེས་འཕྲིན་ལན་

ནང་བཀོད་འདུག