དུས་དྲན་སྲུང་བརྩི།

11/03/2009 19:23

གསུམ་བཅུའི་དུས་དྲན་ཐེངས་༥༠ པའི་དུས་དྲན་སྲུང་བརྩི།

དེ་རིང་གསུམ་བཅུའི་དུས་དྲན་ཐེངས་༥༠ པའི་དུས་དྲན་སྲུང་བརྩིའི་ཐོག་ྋགོང་ས་མཆོག་གིས་ཁོང་གི་ཡོངས་

ཁྱབ་གསུང་འཕྲིན་སྒྲོགས་སྦྱང་མ་གནང་བའི་སྔོན་དུ་བཀའ་སློབ་གནང་དོན། དེ་རིང་འདིར་གསར་འགོད་བརྒྱུད་

ལམ་ཁག་ནས་གསར་འགོད་པ་མང་པོ་ཞིག་སླེབས་འདུག དེས་ག་རེ་རྟགས་སྟོན་གྱི་ཡོད་པ་རེད་ཟེར། བོད་པའི་

དཀའ་རྙོག་དེ་བདེན་པའི་གནས་ཚུལ་ཞིག་ཡིན་པས། མིའི་གཤིས་ཀ་བདེན་པ་ལ་དགའ་བོ་བྱེད་པ་དང༌། སྟོབས་

ཤུགས་ཆེ་བ་ཡིས་སྟོབས་ཤུགས་ཆུང་བ་ལ་དབང་ཡོད་བཤད་པ་དེ་མ་དྲང་པ་ལ་ལྟ་སྡོད་པ་དེ་རང་བཞིན་གྱིས་

མིའི་ལྷན་སྐྱེས་རེད་འདུག དེ་འདྲ་ཡིན་པས་འཛམ་གླིང་ཐོག་བོད་པའི་གནས་ཚུལ་ལ་དོ་སྣང་ཤུགས་ཆེ་རུ་འགྲོ་

ཡི་ཡོད་པའི་རྟགས་གསལ་བོ་རེད་འདུག་ཅེས་སོགས་བོད་དོན་རྒྱབ་སྐྱོར་བ་རྣམས་ལ་བསྔགས་བརྗོད་གནང་

བ་དང༌། རྒྱ་རིགས་ནང་ནས་བོད་དོན་དེ་བདེན་པ་ཡིན་པ་དང༌། ང་ཚོའི་དཀའ་ངལ་སེལ་ཐབས་དེ་ཡང་གཅིག་

རྒྱལ་གཅིག་ཕམ་ཟེར་བ་མིན་པར། གཉིས་སྨན་གྱི་ཐོག་ནས་རྒྱ་ཆེ་ས་གུ་ཡངས་ས་ནས་བསམ་བློག་གཏོང་གི་

ཡོད་པར་ངོས་འཛིན་གྱིས་ང་ཚོར་རྒྱབ་སྐྱོར་བྱེད་མཁན་ཇེ་མང་དུ་འགྲོ་ཡི་འདུག རྒྱ་ནག་གཞུང་ལ་ཡིད་ཆེས་

ཁག་པོ་འདུག རྒྱ་རིགས་མི་མང་ལ་ཡིད་ཆེས་བརླག་གི་མེད།ང་རང་ཚོའི་འཚེ་བ་མེད་པ་དང་འབྲེལ་བའི་ལམ་

ནས་འཐབ་རྩོད་བྱས་བསྡད་པ་དེར་ཏན་ཏན་ནུས་པ་ཡོད་པ་རེད།   ལོ་ག་ཚོད་སོང་ནའང་བདེན་པའི་ནུས་པ་

ཡལ་འགྲོ་རྒྱུ་ཡོད་པ་རེད།  དཔུང་གི་ནུས་པ་དེ་གང་འཚམས་ཤིག་ནས་ཡལ་འགྲོ་བ་ཞིག་རེད་ཅེས་སོགས་

བཀའ་སློབ་གནང་ཡོད་པ་རེད།


ཟླ་འདིའི་ཚེས་༡༠ ཉིན་ནི་བོད་རང་བཙན་ཤོར་བའི་ལོ་ལྔ་བཅུ་འཁོར་བ་དང༌། བོད་ཀྱི་རྒྱལ་ས་ལྷ་སར་བོད་

མི་མང་ཡོངས་ཀྱིས་རྒྱ་ནག་གཞུང་ལ་ངོ་རྒོལ་བྱས་ནས་ལོ་ལྔ་བཅུ་འཁོར་བའི་ཉིན་མོ་ཡིན་པར་བརྟེན། བོད་

གཞུང་མང་གཉིས་ནས་དྷ་ས་ཐེག་ཆེན་ཆོས་གླེང་གཙུག་ལག་ཁང་དུ་གསུམ་བཅུའི་དུས་ཐེངས་ལྔ་བཅུ་པ་

སྲུང་བརྩི་ཞུས་ཡོད་པ་རེད། སྐབས་དེར་ྋགོང་ས་མཆོག་དབུ་བཞུགས་ཐོག་བཙན་བོད་གཞུང་གི་ཆེས་

མཐོའི་ཁྲིམས་ཞིབ་ཁང་གི་ཁྲིམས་ཞིབ་པ་ཆེན་མོས་དབུས་ཁྲིམས་ཞིབ་པ་རྣམ་པ་དང༌། བཀའ་བློན་ཁྲི་

པས་དབུས་བཀའ་བློན་རྣམ་པ། བོད་མི་སྤྱི་འཐུས་ཚོགས་གཙོས་དབུས་སྤྱི་འཐུས་རྣམ་པ་དང༌། བཀའ་

ཟུར་རྣམ་པ། སྤྱི་ཟུར་རྣམ་པ། ས་སྐྱ་གོང་མ་བདག་ཁྲི་རིན་པོ་ཆེས་དབུས་བླ་ཆེན་རྣམ་པ་དང༌། དྷ་སར་

གནས་སྡོད་སེར་སྐྱ་ཕོ་མོ་ཡོངས་མཉམ་ཞུགས་གནང་ཡོད་པ་རེད། ཉིན་དེར་རྒྱ་ནག་མང་གཙོ་ཚོགས་

པའི་ཚོགས་སྐུ་ཚབ་ཁག་ཅིག་དང༌། དེ་མིན་རྒྱལ་ཁབ་གཞན་ནས་ཕེབས་པའི་རྒྱ་རིགས་བསྡོམས་སུམ་

བཅུ་ཙམ་དང༌། ཨེ་ཊ་ལའི་རང་སྐྱོང་མངའ་ཁོངས་ནས་བོད་དོན་རྒྱལ་སྐྱོར་བ་ཁག་ཅིག་གསུམ་བཅུའི་

དུས་དྲན་ཐོག་མཉམ་ཞུགས་གནང་ཡོད་པ་རེད།    བཙན་བོད་གཞུང་གིས་བཀའ་བློན་ཁྲི་པ་མཁས་

དབང་ཟམ་གདོང་རིན་པོ་ཆེ་མཆོག་གིས་བཀའ་ཤག་གི་གསུང་བཤད་སྒྲོགས་སྦྱང་གནང་བ་དང༌། བོད་

མི་མང་སྤྱི་འཐུས་ཚོགས་གཙོ་སྤེན་པ་ཚེ་རིང་མཆོག་གིས་སྤྱི་

                                          འཐུས་ཀྱི་གསུང་བཤད་སྒྲོགས་སྦྱང་གནང་ཡོད་པ་རེད།། 

Back

Search site

© 2012 All rights reserved. No information or images from this website can be copied or used for any purpose without permission from "KonchoK..com

དཀོན་མཆོག་བོད་རང་བཙན་དྲ་ཚིགས།