རྒྱ་བོད་ལྷན་ཚོགས་སྟེང་༧གོང་ས་མཆོག་གི་གསུང་བཤད། བོད་ཀྱི་དུས་བབ། སྤྱིའི་འགྲིག་ཆགས་མཐུན་ཚོགས་དང་སུད་བོད་མཛའ་འབྲེལ་ཚོགས་པ་གཉིས་ཀྱི་གོ་སྒྲིག་འོག ཟླ་འདིའི་ཕྱི་ཚེས་ ༦ ནས་ ༨ བར་གྱི་ཉིན་གྲངས་གསུམ་རིང་། སུད་སུས་གྲོང་ཁྱེར་ཇི་ནེ་ཝར་འཛམ་གླིང་ཡུལ་གྲུ་ཁག་གི་རྒྱ་བོད་མི་རིགས་གཉིས་བར་ གྱི་ལྷན་ཚོགས་༼ རྒྱལ་སྤྱིའི་རྒྱ་བོད་ལྷན་ཚོགས་ ༽ ཞུ་བ་ཞིག་ཚོགས་བཞིན་ཡོད་པའི་སྟེང་། བོད་མིའི་དབུ་ཁྲིད་སྤྱི་ནོར་༧གོང་ ས་མཆོག་གིས་བསྩལ་བའི་གསུང་བཤད། ཚོགས་འདུའི་དབུ་བཞུགས་མཆོག་དང༌ཚོགས་སྐོང་འགན་འཛིན་རྣམ་པ། ས་ཁུལ་མང་པོ་ནས་ཕེབས་པའི་ཚོགས་འཐུས་ རྣམ་པ། སྐུ་མགྲོན་རྣམ་པ་བཅས་ལ་མཛའ་བརྩེའི་འཚམས་འདྲི་ཡོད། ད་རེས་རྒྱལ་སྤྱིའི་འགྲིག་ཆགས་མཐུན་ཚོགས་དང་ སུད་བོད་མཛའ་འབྲེལ་ཚོགས་པ་ (International Fellowship of Reconciliation and Swiss Tibetan Friendship Association) ཐུན་མོང་གིས་རྒྱ་བོད་ཀྱི་ཚོཌ་ཆེན་གཞི་རྒྱ་ཆེ་བ་འདི་བསྐོང་ཚོགས་གནང་བར་བསྔགས་ བརྗོད་བྱ་རྒྱུ་ཡིན།...

ངོས་རང་ཤར་ཏུར་ཀི་སི་ཐན་ནང་གི་དོན་རྐྱེན་ཐད་བློ་འཚབ་བྱུང་། ཤར་ཏུར་ཀི་སི་ཐན་ནང་གི་གནས་སྟངས་ཇེ་སྡུག་ཏུ་འགྲོ་བཞིན་པ་དང་། ལྷག་པར་དུ་ཚེ་སྲོག་གི་ཆག་སྒོ་འབྱུང་ བཞིན་པའི་ཐད་ངོས་རང་བློ་འཚབ་དང་སེམས་སྐྱོ་བོ་བྱུང་། ༧གོང་ས་མཆོག་གིས་ཕྱི་ཚེས་ ༨ ཉིན་ཤར་ཏུར་ཀི་སི་ ཐན་གྱི་རྒྱལ་ས་ཝུ་རུ་མུ་ཆི་ནང་གི་ཡུ་གུར་གྲངས་ཉུང་མི་རིགས་དང་རྒྱ་རིགས་བར་འཁྲུག་རྩོད་བྱུང་སྟེ། མི་མང་ པོ་ཞིག་གི་ཚེ་སྲོག་ཤོར་བའི་ཐད་ཐུགས་འཚབ་ཀྱི་གསུང་འཕྲིན་ཞིག་བསྩལ་ཡོད་པ་རེད། གསུང་འཕྲིན་ནང་༧གོང་ས་མཆོག་གིས་གསུངས་དོན། ཤར་ཏིར་ཀི་སི་ཐན་ནང་གི་གནས་སྟངས་ཇེ་སྡུག་ཏུ་འགྲོ་ བཞིན་པ་དང་། ལྷག་པར་དུ་ཚེ་སྲོག་གི་ཆག་སྒོ་འབྱུང་བཞིན་པའི་ཐད་ངོས་རང་བློ་འཚབ་དང་སེམས་སྐྱོ་བོ་བྱུང་། ངོས་ནས་རྒྱ་ནག་གཞུང་གི་དཔོན་རིགས་ཚོར་གནད་དོན་འདི་ཞི་འཇམ་དུ་གཏོང་བར་གོ་རྟོགས་དང་མིག་རྒྱང་ ཡོད་པའི་ཐབས་ལམ་བེད་སྤྱོད་གཏོང་རྒྱུའི་རེ་སྐུལ་ཞུ་གིན་ཡོད། ངོས་ནས་དོན་རྐྱེན་འདིའི་ཁྲོད་རྐྱེན་འདས་སུ་སོང་བ་རྣམས་དང་ཁོང་ཚོའི་ཤུལ་ལུས་ནང་མི་དང་། འབྲེལ་ཡོད་མི་ སྣ་ཚང་མར་སྨོན་ལམ་འདེབས་ཀྱིན་ཡོད།...

༧གོང་ས་མཆོག་གིས་དྲུག་བཞིའི་དོན་རྐྱེན་ལ་གསུང་འཕྲིན་བསྩལ། པེ་ཅིན་གནམ་བདེ་སྒོ་མོའི་ཐང་དུ་དྲུག་བཞིའི་མང་གཙོའི་ལས་འགུལ་བྱུང་ནས་ལོ་ཉི་ཤུ་འཁོར་བའི་སྐབས་འདིར། ངོས་ནས་རྒྱ་ནག་ལ་སེམས་ཁུར་བྱེད་མཁན་ཡོངས་དང་ལྷན་དུ། མང་ཚོགས་ཀྱི་བསམ་འདུན་མཚོན་པར་བྱས་ནས་རྒྱ་ ནག་གཞུང་ལ་རང་གི་མི་མང་གི་ཆེད་དུ་འགན་ཁུར་ལེན་དགོས་པའི་རེ་འདུན་བཏོན་པའི་ལས་འགུལ་ནང་ལུས་སྲོག་ ཤོར་བ་རྣམས་ལ་རྗེས་དྲན་བྱེད་བཞིན་ཡོད།  སྐབས་དེར་གནམ་བདེ་སྒོ་མོའི་ཐང་ཆེན་གྱི་མང་གཙོའི་ལས་འགུལ་ནང་ཞུགས་མཁན་གྱི་སློབ་ཕྲུག་རྣམས་ནི། གུང་ ཁྲན་ཏང་དང་སྤྱི་ཚོགས་རིང་ལུགས་ལ་ངོ་ལོག་བྱེད་མཁན་ཞིག་མ་ཡིན་པར། དེ་ལས་ལྡོག་སྟེ་སློབ་ཕྲུག་རྣམས་ཀྱིས་རྩ་ ཁྲིམས་སྲུང་སྐྱོབ་དང༌། མང་གཙོ་དར་སྤེལ། རུལ་སུངས་ལ་ངོ་རྒོལ་བཅས་ཀྱི་འབོད་ཚིག་སྒྲོགས་ཡོད་པ་དེ་ནི་ཏང་དང་ སྲིད་གཞུང་གི་གཞི་རྩའི་འདོད་ཕྱོགས་དང་མཐུན་པ་སྐབས་དེའི་རྒྱ་ནག་གི་གཙོ་འཛིན་སྐུ་ཞབས་ཀྲའོ་ཙི་དབྱང་གི་ ཞལ་གསུང་ལོ་རྒྱུས་ནང་གདེང་འཇོག་ཆེན་པོས་མཇུག་སྡོམ་གནང་ཡོད།  ...

ྋགོང་ས་མཆོག་གིས་གྲོས་ཚོགས་ཚོགས་དུས་བདུན་པར་བསྩལ་བའི་གསུང་འཕྲིན།   ཟླ་འདིའི་ཚེས་ ༡༨ ཉིན་སྐབས་བཅུ་བཞི་པའི་བོད་མི་མང་སྤྱི་འཐུས་གྲོས་ཚོགས་ཚོགས་དུས་བདུན་པའི་ ཐོག་ྋགོང་ས་མཆོག་གིས་བསྩལ་བའི་གསུང་འཕྲིན། སྐབས་བཅུ་བཞི་པའི་བོད་མི་མང་སྤྱི་འཐུས་ལྷན་ཚོགས་ཀྱི་ཚོགས་དུས་བདུན་པའི་ཐོག་ངོ་འབྱོར་གྱི་སྤྱི་འཐུས་ རྣམས་དང༌། རེས་མོས་ཚོགས་གཙོ་གསར་པ་བཅས་ལ་འཚམས་འདྲི་དང་བཀྲ་ཤིས་བདེ་ལེགས་བརྗོད་རྒྱུ་ཡིན།    དེང་སྐབས་བོད་ནང་གི་གནས་སྟངས་དང་ང་ཚོའི་ལངས་ཕྱོགས་བཅས་ཐེངས་མང་བརྗོད་ཟིན་ཁར། ཉེ་ཆར་ གསུམ་དུས་ཀྱི་ཡོངས་ཁྱབ་གསུང་འཕྲིན་དུའང་ཞིབ་འཁོད་ཡོད་པ་ཀུན་གྱི་བློ་ངེས་ཡོད་ཤག་ལ་བསྐྱར་ཟློས་མ་ དགོས།   ཉེ་བའི་བདུན་ཕྲག་ཁ་ཤས་ནང་ད་ལྟའི་བོད་ཀྱི་ཛ་དྲག་གི་གནས་བབ་དང༌། བོད་མིའི་ཞི་བའི་གྱེན་ལངས་དང་ བོད་གཞུང་མང་བཙན་བྱོལ་དུ་འབྱོར་ནས་ལོ་ངོ་ལྔ་བཅུ་འཁོར་བའི་དུས་ཚིགས་བཅས་དང་བསྟུན་ཡོ་རོབ་དང་ ཨ་རིའི་གྲོས་ཚོགས་ཀྱིས་མཚོན་རྒྱལ་ཁབ་མང་པོའི་གྲོས་ཚོགས་ཁག་གི་ཐུགས་སྣང་ཆེན་པོས་དོན་སྙིང་ལྡན་པའི་ གྲོས་ཆོད་བཞག་པ་དང༌།...

༧གོང་ས་མཆོག་གིས་ལོ་གསར་ལ་འཚམས་འདྲི་གནང་བ། རབ་རྒྱལ་ས་གླང་ལོའི་གནམ་ལོ་གསར་ཚེས་ལ་༧སྤྱི་ནོར་༧གོང་ས་༧སྐྱབས་མགོན་ཆེན་པོ་མཆོག་གིས་གཞིས་བྱེས་ བོད་རིགས་ཡོངས་ལ་བསྩལ་བའི་གསུང་འཕྲིན། ༄༅།    །བོད་རྒྱལ་ལོ་ ༢༡༣༦ རབ་བྱུང་བཅུ་བདུན་པའི་ས་གླང་གནམ་ལོ་གསར་ཚེས་ཀྱི་དུས་ཚིགས་འདིར་ངོས་ ནས་བོད་ཕྱི་ནང་དུ་འཁོད་པའི་བོད་རིགས་ཡོངས་ལ་བཀྲ་ཤིས་བདེ་ལེགས་ཀྱི་འཚམས་འདྲི་དང་། ལོ་འདི་ཆོས་ འབྱོར་བདེ་སྐྱིད་ཀྱིས་འཚོ་ཞིང་བདེན་མཐའ་རིམ་པས་གསལ་བའི་མཆོག་གསུམ་ལ་སྨོན་ལམ་བྱེད་ཀྱི་ཡོད། ས་ཡི་གོ་ལ་འདིར་ཉི་ཟླ་གཟའ་སྐར་གྱི་འགྲོས་དང་བསྟུན་ཏེ། ཉིན་ཞག་ལོ་ཟླའི་འཁོར་ལོ་རྒྱུན་མར་འཁོར་བའི་ འཁྱུན་ཐག་ལ་གསར་རྙིང་གི་རྣམ་དབྱེ་མེད་ཀྱང་། འཛམ་གླིང་གི་ཡུལ་གྲུ་ཡོངས་སུ་ལོ་འཁོར་སོ་སོར་གནམ་ལོ་ གསར་ཚེས་ཀྱི་དུས་སྟོན་བྱེད་སྲོལ་རྒྱ་ཁྱབ་ཏུ་ཡོད་པ་བཞིན། གངས་ལྗོངས་བོད་ཀྱི་ཡུལ་དུའང་ཧོར་ཟླ་དང་པོར་ གནམ་ལོ་གསར་ཚེས་ཀྱི་དུས་སྟོན་ལ་ལུགས་གཉིས་ཀྱི་དགའ་སྟོན་རྒྱ་ཆེ་བྱེད་སྲོལ་ཡུལ་གོམས་གཤིས་ལུགས་ཡོད།...

༧གོང་ས་མཆོག་གིས་རྒྱ་རིཌ་མི་མང་ལ་ལོ་གསར་འཚམས་འདྲི།   རྒྱ་ནག་སོ་ནམ་པའི་ལུགས་ཀྱི་དཔྱིད་གསར་དུས་སྟོན་ནམ། གནམ་ལོ་གསར་བ་ཤར་བའི་སྐབས་འདིར།་ ངོས་ནས་ རྒྱ་ནག་སྐམ་ས་ཆེན་པོས་གཙོས་འཛམ་གླིང་ཁྱོན་ཡོངས་སུ་གནས་པའི་རྒྱ་རིགས་སྤུན་ཟླ་ཡོངས་ལ་གནམ་ལོ་གསར་ ཚེས་ཀྱི་དུས་སྟོན་ལ་མཛའ་བརྩེའི་འཚམས་འདྲི་དང་བཀྲ་ཤིས་བདེ་ལེགས་བརྗོད་ཀྱིན་ཡོད། ཅེས་༧གོང་ས་མཆོག་ གིས་རྒྱ་རིགས་མི་དམངས་ལ་གསུང་འཕྲིན་བསྩལ་ཡོད། འདས་པའི་ས་བྱི་ལོའི་ནང་འཛམ་གླིང་སྤྱི་དང༌། ཁྱད་པར་རྒྱ་ནག་ནང་འབྱུང་བའི་འཇིགས་པ་སོགས་དཀའ་རྙོག་ དང༌། ཨོ་ལམ་པིག་རྩེད་འགྲན་ལྟ་བུ་དགའ་སྤོབས་བྱ་འོས་པའི་གནས་ཚུལ་དུ་མ་ཞིག་བྱུང་སྟེ། སྐབས་རེ་བློ་འཚབ་ དང༌། སྐབས་རེ་དགའ་སྤྲོའི་སྣང་བ་སོགས་སྣ་ཚོགས་ཤིག་བྱུང་སྟེ།་ འགྱུར་རླབས་ཆེ་བའི་ལོ་འཁོར་ཞིག་གི་ངོ་བོར་ འདས་པ་དང༌། དེང་སྐབས་འཇིག་རྟེན་ཁྱོན་ཡོངས་སུ་འཕྲད་བཞིན་པའི་ཁྲོམ་རའི་དཔལ་འབྱོར་གྱི་ཉམས་རྒུད་ལ་ བརྟེན་ནས་འཛམ་གླིང་སྤྱི་དང༌།      ...

༧གོང་ས་མཆོག་གི་ཕྱག་འཕྲིན། རྒྱ་གར་གཞུང་དང་མི་དམངས། དམིགས་བསལ་གྱིས་རྐྱེན་འདས་སུ་སོང་བའི་ཡུལ་མི་ཚོ་ལ་ངེད་ཀྱིས་གདུང་སེམས་ མཉམ་སྐྱེད་ཡོད་ལ། ཛ་དྲག་ཆེ་བའི་གནས་ཚུལ་འདི་གོ་རྗེས་ངེད་བློ་འཚབ་ཆེན་པོ་བྱུང་ཞེས་༧གོང་ས་མཆོག་གིས་ གསུང་འཕྲིན་བསྩལ་ཡོད་པ་དང་།   བཙན་བྱོལ་བོད་གཞུང་གིས་ཉིན་ཕྱེད་རིང་ལས་ཁུངས་ཁག་སྒོ་བརྒྱབས་ཏེ་རྒྱ་ གར་གཞུང་དམངས་གཉིས་ལ་སྨོན་ལམ་བཏབས་ཡོད་པ་རེད། རྒྱ་གར་སྲིད་བློན་  Manmohan Sing ཡིས་གསར་ལམ་ཁག་ལ་འཇིགས་སྐུལ་དྲག་སྤྱོད་པ་ཚོའི་འཆར་གཞི་ལྡན་ པའི་གྲ་སྒྲིག་དང༌། ཚད་མཐོ་བའི་ལས་འགུལ་སོགས་ལ་བལྟས་ན་ཕྱིའི་རྒྱབ་སྐྱོར་དང་མཉམ་དུ་རྒྱ་གར་ལ་གནོད་འཚེ་ བཟོས་པ་ཡིན་པ་བརྗོད་ཡོད་པ་རེད། ཚེས་ ༢༧ ཉིན་༧གོང་ས་མཆོག་གིས་རྒྱ་གར་སྲིད་བློན་སྐུ་ཞབས་  Manmohan Sing མཆོག་ལ་ཕྱག་འཕྲིན་ཞིག་ བསྩལ་ཏེ། རྒྱ་གར་གཞུང་དང་མི་དམངས། དམིགས་བསལ་གྱིས་རྐྱེན་འདས་སུ་སོང་བའི་ཡུལ་མི་ཚོ་ལ་ངེད་ཀྱིས་ གདུང་སེམས་མཉམ་སྐྱེད་ཡོད་ལ།...

༧གོང་ས་མཆོག་གི་འཚམས་འདྲི། ཕྱི་ཚེས་ ༢༠ ཉིན་༧གོང་ས་མཆོག་གིས་གསར་འགོད་པ་རྣམས་ལ། ངོས་ནས་སྲིད་འཛིན་ཨོ་བྷ་མ་ལགས་ལ་སེམས་ ཀྱི་གཏིང་ནས་འཚམས་འདྲི་ཞུ་རྒྱུ་དང་ཁོང་གི་ཕྱག་ལས་ལམ་འགྲོ་ཡོང་བར་སྨོན་ལམ་རྒྱག་གི་ཡོད། ཅེས་གསུངས་ཡོད་པ་རེད། སྔར་ལོའི་ཕྱི་ཟླ་ ༡༡ པའི་ནང་ཨོ་བྷ་མ་མཆོག་ལ་སྲིད་འཛིན་གྱི་རྒྱལ་ཁ་ཐོབ་སྐབས་༧གོང་ས་མཆོག་གིས་ཁོང་ལ་ཕྱག་ འཕྲིན་ཞིག་ཕུལ་བའི་ནང་གསུངས་དོན། ༼ཨ་རིའི་སྲིད་འཛིན་ཡིན་པའི་ཆ་ནས།    སྐུ་ཉིད་ཀྱི་མདུན་དུ་རླབས་ཆེ་ཞིང་ དཀའ་ཁག་ཀྱང་ཆེ་བའི་ལས་དོན་ཡོད་པ་ནི་གོར་མ་ཆག   དེ་བཞིན་དུ་འགྲོ་བ་མིའི་གཞི་རྩའི་དགོས་མཁོའི་ཆེད་དུ་ མུ་མཐུད་ནས་འཐབ་རྩོད་བྱེད་མི་གྲངས་ས་ཡ་མང་པོའི་མི་ཚེ་ལ་འགྱུར་བ་སྐྲུན་པའི་གོ་སྐབས་ཀྱང་མང་པོ་ཞིག་ཡོད་ པ་རེད། མི་འདི་དག་གང་དུ་ཡོད་པར་མ་ལྟོས་པར། སྐུ་ཉིད་ནས་འདི་དག་གི་དོན་དུའང་ཕྱག་ལས་གནང་དགོས་པ་ ཐུགས་ལ་མང་རོགས།༽      ...