ཡིད་སྐྱོའི་བོད་འབྱོར་གནས་ཚུལ། བོད་ཀྱི་དུས་བབ། སྤྱི་ལོ་ ༢༠༠༩ ཟླ་ ༡༠ ཚེས་ ༡༣ ཉིན་གདན་ས་བཀྲ་ཤིས་ལྷུན་པོའི་སྔགས་ཆེན་ཞལ་སྔ་ནས་རྗེ་བཙུན་བློ་བཟང་ཆོས་ གྲགས་དཔལ་བཟང་པོ་མཆོག་བོད་ཀྱི་རྒྱལ་ས་ལྷ་སར་དགོངས་པ་ཞི་དབྱིངས་སུ་ཐིམས་འདུག  སྔགས་ཆེན་ཞལ་སྔ་ནས་མཆོག་ནི། གཞིས་རྩེ་གྲོང་ཁྱེར་དང་ཁད་ཉེ་བའི་ལྷོ་ཕྱོགས་ལྕགས་ཞེས་པའི་ལུང་པར་སྐུ་འཁྲུངས་ ཤིང་། མཚན་ལ་སྤེན་པ་ཞེས་ཞུ། སྐུ་ན་ཆུང་དུས་ནས་གདན་ས་བཀྲ་ཤིས་ལྷུན་པོར་རབ་ཏུ་བྱུང་ཞིང་ཚད་ལྡན་དགེ་བའི་ བཤེས་གཉེན་དུ་མ་བསྟེན་ནས་ཐོས་བསམ་དཔྱིས་ཕྱིན་པར་མཛད་དེ་མཁས་པའི་གྲགས་པ་ཐོབ།...

སྐོར་སྐྱོད་ཀྱི་ལས་འགུལ། ཟླ་འདིའི་ཚེས་ ༡༠ ཉིན་ཡུ་རོབ་བོད་རིགས་མཐུན་ཚོགས་ཀྱི་གོ་སྒྲིག་འོག ཨི་ཊ་ལི་དང་སི་ཝེ་ཌན། སུད་སི་བཅས་ནས་ བོད་པ་དང་བོད་དོན་རྒྱབ་སྐྱོར་བ་ཉི་ཤུ་ལྷག་གིས་སུད་སིའི་གྲོང་ཁྱེར་ཛོ་རི་ཁེ་ Zurich ནས་མགོ་བཙུགས་ཏེ། འཇར་ མན་གྱི་གྲོང་ཁྱེར་ཧྥི་རན་ཁི་ཧྥོར་ཊི་ Frankfurt བར་རྐང་འཁོར་ཞོན་ཏེ། བོད་དོན་དྲིལ་བསྒྲགས་དང་། འདས་བའི་ ལོ་ངོ་དྲུག་ཅུར་ཉེ་བའི་རིང་། རྒྱ་གཞུང་གིས་བོད་ནང་ལ་གཏོར་བཤིག་དང་བཤུ་གཞོག   ...

ཁུངས་ལུང་མེད་པའི་སྐད་ཆ་རེད་ཟེར། བོད་ཀྱི་དུས་བབ། རྒྱ་ནག་གིས་རྒྱ་གར་སྲིད་བློན་ཨ་རུ་ན་ཅལ་དུ་ཕེབས་པར་ངོ་རྒོལ་བྱས་པ་དེ་ནི་ཁུངས་ལུང་མེད་པ་ཞིག་རེད་ཅེས་ བཀའ་བློན་ཁྲི་པ་ཟམ་གདོང་རིན་པོ་ཆེ་མཆོག་གིས་གསུངས་ཡོད་པ་རེད། ཟླ་འདིའི་ཚེས་ ༣ ཉིན་རྒྱ་གར་སྲིད་བློན་མན་མོ་ཧན་སིན་མཆོག་རྒྱ་གར་བྱང་ཤར་མངའ་སྡེ་ཨ་རུ་ན་ཅལ་དུ་གཟིགས་ སྐོར་བྱས་ཏེ་ཡུལ་དེར་གཏམ་བཤད་གནང་བར།  ཚེས་ ༡༣...

ངྷ་ཞོལ་སློབ་གྲྭ་རང་སྐྱ་འཕེར་བའི་སློབ་གྲྭ་དང་པོ་ཆཊ་ཡོད།  བོད་ཀྱི་དུས་བབ།  བཙན་བྱོལ་བོད་མིའི་སློབ་གྲྭ་ཁག་ཏུ་ཚད་མ་རིག་པ་འདི་མགོ་འཛུགས་སྐབས་ནས་འདི་འདྲའི་ཡག་པོ་ཞིག་བྱུང་བ་ ཡིན་ན། མ་འོངས་པར་ཡར་རྒྱས་འགྲོ་བར་རེ་བ་ཆེན་པོ་འདུག  འོན་ཀྱང་།  ང་ཚོའི་བོད་པར་སྐྱོན་ཆ་ཞིག་ཡོད་པ་ནི། ལས་ཀ་གང་ཞིག་མགོ་འཛུགས་སྐབས། དྲ་ཆགས་པོ་དང་ཡག་པོ་ཡོད་ཀྱང་། དུས་ཚོད་གང་འཚམ་ཕྱིན་སྐབས་མཐོང་ རྒྱུ་མེད་པ་ཆགས་འགྲོ་བཞིན་ཡོད། ལས་གཞི་འདི་ཡང་དེ་འདྲ་ཆགས་པ་ཡིན་ན་བློ་ཕམ་པོ་རེད། ཅེས་དཔལ་རྒྱལ་བ་ ༧ཀརྨ་པ་མཆོག་གིས་གསུངས་ཡོད།         ...

སྨོན་ལམ་བོད་ཡིག་ཚིག་མཛོད། སྐུ་ཞབས་སྨོན་ལམ་གྱིས་འདས་པའི་ཟླ་རེ་ཟུང་ནས་བཟུང་སྨོན་ལམ་བོད་ཡིག་ཚིག་མཛོད་ཅེས་པ་སྒྲིག་མགོ་བརྩམས་ ཡོད་ལ། འཆར་ལོའི་ལོ་སྨད་ལ་ཡོངས་སུ་འགྲུབ་ཐུབ་པའི་རེ་བ་གནང་གི་འདུག    གྲྭ་སྨོན་ལམ་ལགས་ཀྱིས་གསུངས་པ་ལྟར་ན།   སྨོན་ལམ་བོད་ཡིག་ཚིག་མཛོད་འདི་ནི་འདས་པའི་ཟླ་ཤས་རིང་ཁོང་ བཞུགས་སྒར་གངས་སྐྱིད་དུ་སྡོད་པའི་རིང་བཟོ་མགོ་བརྩམས་ཤིང་། ད་ལྟའི་ཆར་བོད་ཡིག་ཚིག་མཛོད་ལ་བོད་རྒྱ་ཚིག་ མཛོད་ཆེན་མོ་དང་དག་ཡིག་གསར་སྒྲིག་གཉིས་མཉམ་སྡེབ་ཀྱིས་གློག་ཀླད་ནང་གི་བོད་ཡིག་ཚིག་མཛོད་ཆེན་མོ་ཞིག་ བཟོ་རྒྱུ་ཡིན་པ་དང་།...

༸གོང་ས་མཆོག་གི་མཛད་འཆར་ལེགས་པར་གྲུབ་པ།...

བོད་པའི་སྨན་པ་ཚོས་ཨ་རིའི་གཞས་པ་ཞིག་ལ་སྨན་བཅོས། ཨ་དམ་ཡའ་ཁྱི་(Adam Yauch)ཟེར་བའི་ཨ་རིའི་དེང་གཞས་རུ་ཁག་ཞིག་གི་གཞས་པ་ཞིག་ཁོང་ཉིད་སྐྲན་ནད་ ཀྱི་ཉེན་ཁ་ལས་ཐར་རྗེས་རྒྱ་གར་བྱང་ཕྱོགས་དྷ་རམ་ས་ལ་ནས་ཕྱིར་འབྱོར་ཡོད་འདུག               འདི་ལོའི་སྤྱི་ཟླ་བདུན་པའི་ནང་ཁོང་ལ་འཆི་སྐྱོན་གྱི་ཉེན་ཁ་ཡོད་པའི་འབུར་རྡོག་ཞིག་སྟེ། ཁ་ཆུ་མཛར་པའི་རྩ་རྡོག་ སྐྲན་ནད་ཅིག་ཕོག་པའི་རྐྱེན་གྱིས་དྷ་རམ་ས་ལ་བོད་པའི་སྨན་པ་བརྟེན་པར་ཕྱིན་ཡོད་ཅིང༌།...

༸གོང་ས་མཆོག་གིས་རྩོམ་པ་པོ་ཝང་ལཱི་ཞོང་ལ་གཟེངས་རྟགས་གནང་བ།  ཟླ་འདིའི་ཚེས་༧ཉིན།   བོད་ཀྱི་ཆོས་སྲིད་གཉིས་ཀྱི་བླ་ན་མེད་པའི་དབུ་ཁྲིད་སྤྱི་ནོར་༧གོང་ས་སྐྱབས་མགོན་ཆེན་པོ་ མཆོག་གིས་པེ་ཅིང་དུ་རྟེན་གནས་བྱས་ཡོད་པའི་རྒྱ་ནག་གི་རྩོམ་པ་པོ་གྲགས་ཅན་ནམ་རྒྱ་ནག་གཞུང་གིས་༧གོང་ས་ མཆོག་དང་འབྲེལ་མོལ་བྱེད་དགོས་པའི་དགོས་འདུན་འདོན་མཁན་ཝང་ལི་ཞུང་དང་མཇལ་འཕྲད་གནང་ཡོད་འདུག ཐེངས་འདིར་མགོན་པོ་གང་ཉིད་ཨ་རིའི་རྒྱལ་ས་ཝ་ཤིན་ཊོན་དུ་ཆིབས་བསྒྱུར་བསྐྱངས་སྐབས་རྩོམ་པ་པོ་ཝང་ལི་ཞུང་ ལ་དྲང་བདེན་གྱི་འོད་ཟེར་ཞེས་པའི་གཟེངས་རྟགས་ཤིག་འབུལ་གནང་མཛད་ཡོད་འདུག་ལ། ...

ལྐོག་ཟ་བྱས་སོང་། བོད་ཀྱི་དུས་བབ། དུས་ངན་དེ་འདྲའི་སྐབས་ལ་ཡང་ས་གནས་སྲིད་གཞུང་གིས་ལྐོག་ཟ་རུལ་སུངས་ཀྱི་བྱ་སྤྱོད་ཐ་ཤལ་སྤེལ་འདུག མིང་ འདོན་འདོད་མེད་པའི་རེབ་གོང་གི་གནད་ཡོད་མི་སྣ་ཞིག་གིས་འདི་གར་གནས་ཚུལ་བཏང་དོན་ལྟར་ན། ཉེ་སྔོན་ ཕྱི་ཟླ་༩ ཚེས་ ༡༣ ཉིན་གྱི་ཕྱི་དྲོའི་ཆུ་ཚོད་ ༧:༤༠ ཡས་མས་སུ་མདོ་སྨད་རེབ་གོང་རྐ་སར་གྲོང་སྡེར་རི་ཉིལ་གྱི་གོད་ ཆག་བྱུང་སྐབས་དེར། རྐ་སར་དགོན་པའི་གྲྭ་བ་གཅིག་འདས་གྲོངས་སོང་བ་དང་།         གྲྭ་ཤག་མང་པོ་ལ་གཏོར་སྐྱོན་ ཐེབས་འདུག  དུས་མཚུངས་གྲོང་སྡེའི་མ་ཎི་ཁང་ལ་ཡང་གཏོར་སྐྱོན་ཆེན་པོ་ཐེབས་པ་དང་།...

སྲིད་བློན་གཉིས་གནད་དོན་ལ་གཡོལ་འདུག་ཟེར། རྒྱ་དཀར་ནག་གཉིས་ཀྱི་ས་མཚམས་ཀྱི་རྙོག་གླེང་དང༌། ཟླ་འདིའི་འགོ་སྟོད་དུ་རྒྱ་གར་གྱི་སྲིད་བློན་ཨ་རུ་ན་ཅལ་མངའ་ སྡེའི་ནང་ཕེབས་པའི་རྩོད་གླེང། ཟླ་བ་རྗེས་མར་ྋགོང་ས་མཆོག་ཨ་རུ་ན་ཅལ་ཕེབས་འཆར་ཡོད་པར་རྒྱ་གཞུང་གིས་ངོ་ རྒོལ་བྱེད་བཞིན་པའི་གནད་དོན་གསུམ་ལ།   ལྷོ་ཤར་ཨེ་ཤ་ཡའི་མཐུན་ཚོགས་ཁག་༡༥ ཙམ་འདུ་འཛོམས་ཐེངས་༤ པའི་སྐབས། རྒྱ་དཀར་ནག་གཉིས་ཀྱི་སྲིད་བློན་གཉིས་ཟུར་མཇལ་གནང་སྟེ། རྩོད་རྙོག་ཅན་གྱི་གླེང་གཞི་དེ་དག་གི་སྐོར་ བགྲོ་གླེང་ལྷུག་པོ་ཡོང་རྒྱུ་ཡིན་པ་འཛམ་གླིང་གི་རྒྱལ་ཁབ་ཁག་མང་པོ་དང།...

རྒྱ་ནག་དམར་ཕྱོགས་ཀྱི་ཆབ་སྲིད་དྲུང་ཆེ་རྒྱ་གར་དུ་ཡོང་འཆར། བོད་ཀྱི་བང་ཆེན། ཟླ་འདིའི་ཚེས་༢༠ ཉིན་གསར་ལམ་ཁག་ནས་གནས་ཚུལ་སྤེལ་བ་ལྟར་ན། རྒྱ་ནག་དབུས་དམར་ཕྱོགས་ཚོགས་པའི་ ཆབ་སྲིད་དྲུང་ཆེའི་ལས་གནས་དང༌། མི་མང་བདེ་སྲུང་ལྷན་ཁང་གི་ཚོགས་གཙོ་གཅིག་ལྕོགས་ཀྲུའུ་ཡུང་ཁང་ཟེར་ བ། རྒྱ་གར་གྱི་གྲོང་ཁྱེར་ཆེ་ཁག་དང་རྒྱ་གར་ཀོང་རི་སི་ཆབ་སྲིད་ཚོགས་པའི་ཚོགས་གཙོ་སོགས་དང་ཐུག་འཕྲད་ བྱེད་འཆར་ཡོད་པ་དང། དེ་བཞིན་རྒྱ་གར་དམར་ཕྱོགས་ཚོགས་པའི་དཔོན་རིགས་ཁག་གཅིག་དང་ཡང་ཐུག་འཕྲད་ བྱེད་འཆར་ཡོད་པས།   ...

ནོ་བེལ་ཞི་བདེའི་ཐག་གཅོད་ལ་བློ་མི་བདེ་བ་བྱུང་ཡོད་པའི་སྐོར། རྒྱལ་སྤྱིའི་གསར་ལམ་ཁག་ཏུ་གནས་ཚུལ་སྤེལ་གསལ་ལྟར་ན། ...

བདུན་ཕྲག་འདིའི་འཛམ་གླིང་། བོད་ཀྱི་དུས་བབ། ༢༠༠༩ ལོའི་ནོ་སྦེལ་གཟེངས་རྟགས་ཐོབ་མཁན་གྱི་མཚན་ཐོ་དེ་ཕྱི་ཟླ་ ༡༠ པའི་ཚེས་ ༥ ཉིན་ནས་བཟུང་ཁྱབ་བསྒྲགས་ བྱེད་མགོ་བརྩམས་ཡོད་པ་རེད། ཕྱི་ཚེས་ ༩ ཉིན་གྱི་ཕྱི་དྲོར་ལོ་འདིའི་ནོ་སྦེལ་ཞི་བདེའི་གཟེངས་རྟགས་དེ་ཨ་རིའི་སྲིད་ འཛིན་ཨོ་བྷ་མ་ལགས་ལ་ཐོབ་སྐོར་ཡོངས་ཁྱབ་གསལ་བསྒྲགས་སྤེལ་ཡོད་པ་རེད།   ནོར་ཝེ་ཡི་ནོ་སྦེལ་གཟེངས་རྟགས་ ཚོགས་ཆུང་གི་གསལ་བསྒྲགས་ནང་བཀོད་དོན། ཨོ་བྷ་མར་ནོ་སྦེལ་ཞི་བདེའི་གཟེངས་རྟགས་འབུལ་དོན་ནི། ཁོང་གིས་ རྒྱལ་སྤྱིའི་ཕྱི་འབྲེལ་དང་མི་རིགས་ཁག་གི་བར་མཉམ་ལས་ཀྱི་ནུས་པ་ཇེ་ལེགས་སུ་བཏང་བའི་རྐྱེན་གྱིས་ཡིན་ཟེར་ལ།...

རྒྱ་ནག་གི་འགོ་ཁྲིད་ལ་མི་དམངས་ཀྱི་ཡིད་ཆེས་འཐོབ་ཀྱི་མེད་སྐོར། ...

ཨེ་ཤེ་ཡའི་སྤྱི་མཐུན་ཞིག་གསར་འཛུགས་དགོས་རྒྱུའི་དགོངས་ཚུལ། ...

ཉི་ཧོང་དུ་རྒྱ་ནག་གི་འགྲེམས་སྟོན་ལ་ངོ་རྒོལ། ཟླ་འདིའི་ཚེས་༡༩    ཉིན་གསར་ལམ་ཁག་ནས་གནས་ཚུལ་སྤེལ་བ་ལྟར་ན། ཉི་ཧོང་གི་ཚོང་ལས་སྡེ་ཚན་ཁག་ཅིག་ དང་རྒྱ་ནག་གཞུང་གཉིས་ཟུང་འབྲེལ་ཐོག ཉི་ཧོང་གི་གྲོང་ཁྱེར་ཐོ་ཀྱོ་རུ་‘བོད་འཛམ་གླིང་ཡང་རྩེའི་ཐོག་གི་ནོར་ མཛོད་ ’ཟེར་བའི་འགྲེམས་སྟོན་ཞིག་བཤམས་ཡོད་པར་ས་གནས་དེའི་བོད་མི་དང་ཉི་ཧོང་བོད་དོན་རྒྱབ་སྐྱོར་བ་ ཚོས། རྒྱ་ནག་གཞུང་གིས་ཉི་ཧོང་མི་མང་ལོག་ལམ་དུ་འཁྲིད་ཐབས་དང༌།    བོད་ཀྱི་ཆོས་ལུགས་འཛིན་སྐྱོང་བྱེད་ སའི་དགོན་སྡེ་སོགས་གཏོར་བཤིག་བཏང་མེད་ཚུལ་གྱི་རྣམ་འགྱུར་བསྟན་ནས།    ...

              བཀྲ་ཤིས་པའི་ཉིན་ཟླ་སྐར་གསུམ།།               ལེན་མཁན།                                                བློ་བཟང་།               ༡༽ གངས་ཅན་བོད་ཀྱི་རྒྱལ་ལོ། ། རྒྱལ་བ་བསྟན་འཛིན་རྒྱལ་མཚོ། ། གངས་རི་ལྗོངས་ལ་བྱོན་ནས།...

མདོ་དབུས་ཁམས་གསུམ།   ཡུལ་ཁྱད་འཕགས་གངས་ཅན་ཁ་བའི་ལྗོངས། ། སྟོད་དབུས་གཙང་ཆོས་ཀྱི་ཆོལ་ཁ་འདི། ། བྱམས་སྙིང་རྗེ་ཆེ་ཞིང་དགེ་བཅུ་ལྡན། ། གནས་ངོ་མཚར་ལོ་རྒྱུས་འབུམ་གྱིས་ཕྱུག། །   བར་མདོ་ཁམས་མི་ཡི་ཆོལ་ཁ་འདི། ། དཔལ་ཕུན་ཚོགས་སྲིད་པའི་འབྱོར་བ་དང། ། དཔལ་རྩལ་དྲུག་རྫོགས་ཤིང་ལ་རྒྱ་ཆེ། ། བོད་ཁ་བ་ཅན་གྱི་གཟི་བརྗིད་ཡིན། །   སྨད་ཨ་མདོ་རྟ་ཡི་ཆོལ་ཁ་འདི། ། བློ་རྣམ་དཔྱོད་ནམ་མཁའི་འཇའ་ལྟར་གསལ། ། གཞུང་མདུད་བརྒྱ་བཀྲོལ་བའི་ཤེས་རབ་ཆེ། ། ལས་བླང་དོར་གནད་ལ་ནོར་བ་མེད། །   བོད་ཆོལ་གསུམ་གདོང་དམར་གངས་རིའི་བུ། ། རིགས་བཟང་པོ་འོད་གསལ་ལྷ་ནས་ཆད།...

བདེན་གཏམ་སྨྲ་བ།                སྙིང་སྟོབས་ནི་ཅི་ཡང་མེད་པར་སྨྲ་བའི་རྟོག་པ་མྱུར་པོ་དེ་མ་ཡིན་ལ། གང་ལའང་མི་འཛེམ་པར་སྨྲ་བའི་ བླུན་པོའི་རྒྱགས་གཏམ་ཡང་མ་ཡིན། སྙིང་སྟོབས་ནི་ཤེས་བྱའི་དེ་ཁོ་ན་ཉིད་རྟོགས་པའི་མཐར་ཐུག་གི་ཡེ་ཤེས་དེ་མ་ ཡིན་ལ། འཇིག་རྟེན་ཐུན་མོང་གི་འདོད་ཚུལ་རྩིང་པོ་དེ་ཡང་དེ་བས་མ་ཡིན། སྙིང་སྟོབས་ནི་སྐྱེས་བུ་རེ་རེའི་རྒྱུད་ན་ རང་ཚུཊ་སུ་ཆགས་ཤིང་རྣམ་དཔྱོད་ཀྱི་དཔལ་འབར་བའི་འདུ་ཤེས་རིགས་ཤིག་ཡིན། དེར་བརྟེན། སྙིང་སྟོབས་ནི་མི་ དང་མི། མི་རིགས་དང་མི་རིགས།   ...

དུས་ཚིགས་ཀྱི་མིག་ཆུ།   སྟོན་འཇུག་གི་མདའ་ཁ་བཙན་པོས་ སྡོང་ལོ་སེར་པོ་རིམ་གྱིས་གཏོར་བས་ ཁྲུང་ཁྲུང་དཀར་མོས་བསྟར་འཕྲེང་བསྒྲིགས་ཏེ་ རྒྱང་རིང་རྒྱང་རིང་གི་ལྷོ་ཕྱོགས་ལ་མགྲོན་དུ་བཞུད་ དེ་ནི་གནམ་གྱི་བསྐོར་ཐང་མིན་ལ་ དུས་རབས་ཀྱི་གས་ཀ་ནས་བྱུང་བའི་འཕོ་འགྱུར་རེད་ ཁྱེད་ཕེབས་སྐབས་ངས་མིག་ཆུ་ཞིག་གི་རྫོངས་པ་མེད་ལ་ ཁ་བཏགས་ཞིག་གི་སྐྱེལ་མའང་མེད་ རེད་ཡ་         ...

ཕག་ལོ་བ  ངས་ཁྱོད་ལ་འདྲི།  ཕག་ལོ་བ   ངས་ཁྱོད་ལ་འདྲི ཁྱོད་ཀྱིས་གསེར་ཁྲི་སེར་བོའི་ཡང་སྟེང་ནས་འཇིག་རྟེན་ལ་ལྟ་དུས ཞོགས་པ་དང་ས་སྲོད་ལ་པོ་ཏྰ་ལའི་མཛེས་སྡུག་གི་རྒྱ་ཕིབས་མཐོང་དུས ཁྱོད་ལ་སྐྱོ་བ་དང་སྡུག་བསྔལ་ཡོད་དམ   ཕག་ལོ་བ  ངས་ཁྱོད་ལ་འདྲི ཅི་བྱ་གཏོལ་བྲལ་གྱི་ལོ་ཟླ་རླུང་རླབས་ཀྱིས་དེད་ནས ཁྱོད་ཀྱིས་འགྲོ་འདུག་སྤྱོད་གསུམ་བྱ་སྤུ་ལྟར་སྐྱོད་དུས ཁྱོད་ནི་ཉམ་ཆུང་གི་བྱེའུ་ཁེར་འཕུར་ཞིག དེ་དུས་གར་སོང་གི་གཞི་ནས་མཆི་མ་བཏོན་མྱོང་ངམ   ཕག་ལོ་བ ...

སྐྱག་རྫུན་ལ་ལན་འདེབས བོད་རང་བཙན་སྐབས་ཀྱི་ཁྲིམས་ཡིག་བརྩི་མེད་བཏང་བ། དེའི་དུས་སུ་མི་དམངས་ལ་ཆབ་སྲིད་ཀྱི་དབང་ཆ་ མེད་པ། མི་དམངས་ལ་དཔལ་འབྱོར་མེད་པ། བཅིངས་འགྲོལ་བཏང་ནས་མི་དམངས་ལ་རང་དབང་ཡོད་པ། ཆབ་སྲིད་ཁེ་དབང་སྤྱོད་རྒྱུ་ཡོད་པ།  མི་དམངས་ཀྱི་ལུས་ཁམས་བདེ་ཐང་དང་།  མི་འབོར་འཕེལ་རྒྱས་འགོ་ ཚུགས་ཚུལ་བསྐྱར་བཤད་ཡང་བཤད་བྱས་པའི་སྐོར། དངོས་དོན།  ༡༽ བཅིངས་འགྲོལ་བཅང་རྗེས། བོད་མི་སེར་སྐྱ་ཕོ་མོ་རྒན་བྱིས་བཅས་པར་བྱས་ཉེས་འདི་ཡིན་མེད་པར་ཉེས་བརྡུང་ བཙོན་འཇུག  སྲོག་ཐོག་ཉེས་གཅོད་རང་སྣང་གང་དྲན་བྱས་དང་བྱེད་བཞིན་པའི་སྐོར་འཛམ་གླིང་ཡོངས་གྲངས་སོ། ༢༽...

བདེན་དོན་ནི་ནམ་ཡང་བསུབ་ཐབས་མེད། བོད་རང་བཙན་སྐབས་ཀྱི་སྦྲགས་འཛིན་ལ་སྦྲག་ཐམ་ཕབ་པ།

༄༅།...

༄༅། །བདེན་ཚིག་སྨོན་ལམ་བཞུགས་སོ།   ཚད་མེད་ཡོན་ཏན་རྒྱ་མཚོའི་དཔལ་མངའ་ཞིང༌།  །ཉམ་ཆུང་འགྲོ་ལ་བུ་གཅིག་ལྟར་དགོངས་པའི།  དུས་གསུམ་བདེ་གཤེགས་སྲས་དང་སློབ་མར་བཅས། །བདག་གི་བདེན་པའི་སྨྲེ་སྔགས་འདི་དགོངས་ཤིག  །སྲིད་ཞིའི་གདུང་སེལ་ཡོངས་རྫོགས་ཐུབ་པའི་བསྟན། །འཛམ་གླིང་ཡངས་པའི་ཕན་བདེའི་དཔལ་དུ་རྒྱས། །དེ་འཛིན་མཁས་དང་གྲུབ་པའི་སྐྱེས་བུ་རྣམས། །ཆོས་སྤྱོད་རྣམ་བཅུའི་བྱ་བ་འཕེལ་བར་མཛོད། །མི་བཟད་ལས་ངན་དྲག་པོས་ཡོངས་ནོན་པས།  །བར་མེད་དུ་ཁས་མནར་བའི་ཉམ་ཐག་འགྲོ། །བཟོད་དཀའི་ནད་མཚོན་མུ་གེའི་འཇིགས་པ་ཀུན། །ཞི་ནས་བདེ་དགའ་རྒྱ་མཚོར་དབུགས་དབྱངས་མཛོད།...