ལེའུ་གཉིས་པ། བོད་བཙན་པོའི་དུས་རིམ། བོད་བཙན་པོའི་དུས་རིམ་ཞེས་པའི་ལེའུའི་ནང་བོད་ལོ་ ༠༡ ནས་ ༩༦༩ བར་དང༌། ཕྱི་ལོ་གོང་གི་ལོ་ ༡༢༧ ནས་ཕྱི་ ལོ་ ༨༤༢ བར། འདས་ལོ་ ༤༡༧ ནས་ ༡༣༨༦ བར་ཁྱོན་བསྡོམས་ལོ་གྲངས་ ༩༦༩ རྫོགས།བོད་ཀྱི་བཙན་པོ་ཐོག་མ་ གཉའ་ཁྲི་བཙན་པོ་གཉའ་ཁྲི་བཙན་པོ་ནས་ད་ལྟའི་རྒྱལ་དབང་བཅུ་བཞི་པའི་བར་བོད་ཀྱི་རྒྱལ་པོ་སོགས་དུས་རབས་ ཀྱི་སྲིད་འཛིན་མི་སྣ་གཙོའི་མཚན་བྱང་དང༌། ་་དུས་ཚིགས་རགས་རིམ་ཚིགས་བཅད་ཀྱི་ཐོག་ནས་གཤམ་དུ་གསལ། ནས་རྒྱལ་རབས་མཐའ་མ་འུ་དུམ་བཙན་པོ་སྟེ་རྒྱལ་པོ་གླང་དར་མའི་བར་གྱི་དུས་རིམ་འདུས། བོད་ཀྱི་དམངས་ཁྲོད་ངག་རྒྱུན་དང༌། ཡིག་ཆ་ཁག་ཏུའང་འདི་བཞིན་གསལ་ཏེ། རྗེ་ལ་སྔ་མ་གཉའ་ཁྲི་བཙན་པོ་དང༌། མཁར་ལ་སྔ་བ་ཡུམ་བུ་བླ་སྒང༌། ་་་ཡུལ་ལ་སྔ་བ་ཡར་ལུང་སོག་ཀ གཤེན་ལ་སྔ་བ་ནམ་མཁའ་སྣང་བ་མདོག་ཅན་ཞེས་ ཡོངས་སུ་གྲགས་པ་ལྟར། དེང་དུས་ང་ཚོས་བོད་ཀྱི་རྒྱལ་པོ་ཐོག་མ་དེ་གཉའ་ཁྲི་བཙན་པོ་ཡིན་པར་འདོད་ཅིང་དོན་ ལའང་གནས་ཡོད་ཀྱང༌། སྐབས་དེ་དང་དེའི་དུས་སུ་གཉའ་ཁྲི་བཙན་པོའང་གངས་ལྗོངས་ཀྱི་ཡུལ་འདི་ན་རྒྱལ་ཕྲན་ མང་པོ་ཡོད་པའི་ནང་གི་རྒྱལ་ཕྲན་བྱེ་བྲག་པ་ཞིག་ཡིན་པས་རིམ་བཞིན་འབུར་དུ་ཐོན་འོངས་པའི་རྣམ་ཞིག་ཏུ་ངེས་ ཏེ། དེབ་ཐེར་ཁག་ཏུ།...

བདུན་པ། བོད་གདོད་མའི་དུས་རིམ་སོགས་ཀྱི་མཇུག་བསྡོམས། གོང་བརྗོད་ལྟར། བོད་བཙན་པོའི་དུས་རབས་གོང་གི་བྱུང་རིམ་ལ། ལ་ལས་དུས་རིམ་གོང་མ་དང༌། བར་མ། འོག་མ་ བཅས་ཕྱེས་པ་དང༌། རེ་འགས་རྡོའི་དུས་རབས་དང༌། ཟངས་ཀྱི་དུས་རབས། ལྕགས་ཀྱི་དུས་རབས་སོགས་རགས་བསྡུས་ ཀྱི་དབྱེ་བ་མང་དག་ཅིག་ཕྱེས། དོན་དམ་ལ་བསམ་ན། འཇིག་རྟེན་འདི་གྲུབ་ནས་ལོ་གྲངས་དུང་ཕྱུར་དུ་མས་རླབས་ ཕྲེང་བརྒལ་ཟིན་པས། བོད་བཙན་པོའི་དུས་རབས་གོང་གི་ལོ་རྒྱུས་དེ་དག་ལེའུ་དང་ས་བཅད་ཞིབ་ཅིང་ཕྲ་བའི་ངང་ ནས་རྒྱས་བཤད་མུ་མཐའ་བྲལ་བ་ཞིག་བྱེད་དགོས་ངེས་ལོས་ཡིན། འོན་ཀྱང༌། དེང་སྐབས་ཡ་ཐོག་གི་ལོ་རྒྱུས་ཚན་རིག་པའི་རྒྱང་ཤེལ་ལས་འཁྲུངས་པའི་མདང་སུམ་རྨི་ལམ་གྱི་འཆར་ སྣང་དང་འདྲ་བའི་གནས་ལུགས་རགས་རིམ་དེ་ཙམ་ལ་བློས་འགེལ་མི་བྱེད་མཐུ་མེད་ཙམ་ལས། རྒྱུ་མ་ཕུ་འདེད་ཀྱི་ དཔེ་ལྟར་ཡིད་གཉིས་འཇོམ་པའི་དངོས་བདེན་ལག་ཐོག་ཡིད་བརྟན་འཕེར་བའི་ལོ་རྒྱུས་རྒྱུ་ཆ་བར་མ་ཆད་པའི་ཆུ་ བོའི་རྒྱུན་ལྟར་ཞིབ་ཅིང་ཕྲ་བ་ཞིག་འཇིག་རྟེན་འདི་ན་ཧ་ཅང་གིས་དཀོན་སོང༌།    ...

བཞི་པ། བོད་མངའ་མཛད་དུས་རིམ་གྱི་རྩོད་སྤོང་དང༌། ནང་གསེས་དབྱེ་བ། གོང་དུ་གླེང་སློང་སོང་བ་ལྟར། བོད་མངའ་མཛད་དྲུག་དང་བཅུ་གཉིས་སོགས་བྱུང་ལུགས་བཤད་ཀྱང༌། དེ་དག་གི་ མ་ཡིག་ཁ་གསལ་བསྟན་མེད་པས་དཔྱད་གཞི་ཆེ་ཚུལ་བཤད། དཔེར་ན། ཁ་ཅིག་གིས། ལྷོ་བྲག་ཆོས་འབྱུང་རྩོམ་པ་པོ་ ཉིད་ཀྱིས་རྒྱལ་ཕྲན་བཞི་བཅུའི་རྒྱལ་བློན་གྱི་མིང་དང་ཡུལ་མིང་བཀོད་པའི་ཚིག་གི་འགོ་མཇུག་དུམ་བུ་རེ་དྲངས་པར་ མཛད་པ་ལས་ཆ་ཚང་བ་ཞིག་བཀོད་མེད་པ་དང༌། ཚིག་དེ་རྣམས་བོད་ཡིག་གི་དཔེ་རྙིང་གང་འདྲ་ཞིག་ནས་དྲངས་ པར་མཛད་པ་ཡང་གསལ་བར་མ་གསུངས་པའི་རྒྱུ་མཚན་གང་ཡིན་བརྟག་ཅེས་བརྗོད་འདུག ཡང་འཆད་འགྱུར་ལྟར། རྒྱལ་ཕྲན་སིལ་མ་བཅུ་གཉིས་འཆད་སྐབས་ལྷོ་བྲག་ཆོས་འབྱུང་ནང་གསལ་བ་དང༌། ཏུན་ཧོང་ཡིག་རྙིང་ལེའུ་བཅུ་པར་ བཀོད་པ་དང་ཕལ་ཆེ་བ་གཅིག་མཚུངས་སུའང་ཡོད་པས། དེ་དག་དཔེ་རྙིང་ཞིག་ལས་དྲངས་ཡོད་ངེས་ཀྱི་གདེང་ཡང་ ཆེ་ལ། གང་ལྟར་བོད་མངའ་མཛད་ནང་རྒྱལ་ཕྲན་སིལ་མ་བཅུ་གཉིས་དང༌།   བཞི་བཅུ་སོགས་མང་དག་བྱུང་ཚུལ་དེ་ དག་ལ་དངོས་སུ་བདེན་མིན་ནན་ཏན་གྱིས་བསམ་གཞིག་དགོས་ཤིང༌།...

གསུམ་པ། བོད་མངའ་མཛད་དུས་རིམ་གྱི་སྐོར་བཤད་པ། བོད་མངའ་མཛད་དུས་རིམ་སོགས་ལོ་རྒྱུས་ཞིབ་ཕྲ་འཆད་པར་ངེས་བརྟན་བྱེད་གཞིའི་ལོ་ཚིགས་ཤིག་གཏན་ལ་ཕབ་ པ་དང༌། བོད་མངའ་མཛད་དུས་རིམ་གྱི་སྐོར་བཤད་པ་གཉིས། དང་པོ། བོད་མངའ་མཛད་དུས་རིམ་གྱི་ཐོག་མ་ནས་ད་བར་རགས་བརྩིས་ལོ་གྲངས་དྲུག་སྟོང་ཡས་མས་ཙམ་སོང་བར་ བཤད་པ་ལས་གདེང་འཕེར་བའི་ལོ་གྲངས་རེ་རེའི་གནད་དོན་སྦྱར་བའི་སྲད་བུའི་རྒྱུན་ཐག་མེད་ལ།   ཡན་གར་བ་རེ་ གཉིས་ཡོད་པ་རྣམས་ཀྱང་བརྩི་གཞི་འཕེར་བའི་འཛམ་གླིང་སྤྱི་དང་རྒྱལ་ཁབ་བྱེ་བྲག་པ་སུ་ལའང་ལོ་ངོ་ཁྲི་ཕྲག་གི་ རླབས་ཕྲེང་དེད་མྱོང་ཡོད་པའི་ལོ་ཚིགས་རྩོད་མེད་གྲགས་ཅན་ཡིད་བརྟན་རུང་བ་ཞིག་བྱུང་མེད། འོན་ཀྱང༌། རང་ ལུགས་ལོ་རྒྱུས་སྨྲ་བར་འདི་ནས་བརྩི་གཞི་ལོ་ཚིགས་ཤིག་ངེས་པར་དུ་དགོས་ཤིང༌། ལོ་ཚིགས་དེའང་ཕུ་ཐག་རིང་ལ་ སེམས་ཐག་ཉེ་ཤོས་ཤིག་དགོས་གལ་ཆེ་བས།   བོད་ཀྱི་རྒྱལ་པོ་ཐོག་མ་གཉའ་ཁྲི་བཙན་པོ་མ་བྱོན་སྔོན་གྱི་ལོ་ཚིགས་ དགོས་ངེས་ཁག་སངས་རྒྱས་ཤཱཀྱ་ཐུབ་པའི་འདས་ལོ་ལ་གཞིར་བཟུང་ནས་འཆད་ན་གང་ལའང་འོས་འཚམ་ཆེ་ཤོས་ སུ་མཐོང་བ་དང༌།   ...

ཡིག་ཐོག་ཏུ་གསལ་བའི་བོད་ཀྱི་ལོ་རྒྱུས་ཕུ་ཐག སྤྱི་མཚུངས་ལྟར། འདི་ནས་ཡས་འདེད་ལོ་དུང་ཕྱུར་དུ་མའི་སྔོན་ནས་འཇིག་རྟེན་གྱི་སྒྲ་ཆེན་བྱུང་བས་འཛམ་གླིང་ འདི་གྲུབ་ཅིང༌། འདི་ནས་ལོ་ས་ཡ་༡༨༠ ཡི་སྔོན་རོལ་ནས་སེམས་ཅན་སྨིན་དྲུག་བྱུང་ཚུལ་བཤད་ལ། ལོ་གྲངས་ས་ ཡས་བར་སྟོང་ཆོད་པའི་རིམ་པའི་རྗེས་སུ་མི་རྒོད་དང༌། སྤྲེའུ་སོགས་སེམས་ཅན་མི་འདྲ་བ་སྣ་ཚོགས་ཤིག་གི་རྗེས་སུ་ འགྲོ་བ་མིའི་རིགས་བྱུང་ཟེར། དེས་ན་འཛམ་གླིང་གྲུབ་ནས་འགྲོ་བ་མིའི་རིགས་མ་བྱུང་གི་བར་དུ་སྟོང་ཆ་ལོ་གྲངས་ དུང་ཕྱུར་དང་ས་ཡ་རིམ་པས་ཆོད། སྐབས་འདིར་ཡིག་ཐོག་ཏུ་གསལ་བའི་ལོ་རྒྱུས་ཕུ་ཐག་རིང་ཤོས་ལ།་་བོད་ཀྱི་ལོ་རྒྱུས་ཕལ་མོ་ཆེར་ལོ་གྲངས་དངོས་སུ་ ཁ་གསལ་ཆེར་མེད་ཀྱང་ཐོག་མར་འཇིག་རྟེན་གྲུབ་ཚུལ་དང༌།  བར་དུ་འགྲོ་བ་མིའི་བྱུང་རིམ།  དེ་དག་རིམ་བཞིན་ འཕེལ་འགྲིབ་བྱུང་ཚུལ་རགས་རིམ་རེ་བཤད་ཅིང༌། དེ་ཡང་རྒྱལ་པོ་བཀའ་ཡི་ཐང་ཡིག་ལས། བར་བསྐལ་ཕྱེད་དུ་མེ་ དྲོད་རླུང་གིས་གཡོས། །དེ་སྟེང་རྡོ་ནི་རིན་ཅེན་གྲུབ་པའི་རྒྱུ། །ཆུ་ཆེན་དབའ་འཚུབ་འཁྲུགས་པའི་ལྦུ་བས་གཡོགས། །དེ་ ཉིད་འབྱུང་བ་ཚ་གྲང་འཐབ་པ་ཡི། །རླུང་གིས་བུས་ནས་ས་རྡོ་མེ་རུ་འབར། །བར་བསྐལ་ཕྱེད་དུ་འབྱུང་བའི་དྭངས་སྙིགས་ ཕྱེད།...

ལེའུ་དང་པོ། བོད་གདོད་མིའི་དུས་རིམ། དང་པོ། གནའ་ཤུལ་གྱིས་གསལ་བའི་བོད་ཀྱི་ལོ་རྒྱུས་ཕུ་ཐགལ་ལས་དུས་རིམ་གོང་མ་དང༌། བར་མ། འོག་མ་བཅས་ དབྱེ་བ་ཕྱེས་ཤིང༌། འགའ་རེས་རྡོའི་དུས་རབས་དང༌། ཟངས་ཀྱི་དུས་རབས། ལྕགས་ཀྱི་དུས་རབས་སོགས་གནའ་དུས་ ལ་དབྱེ་བ་མང་དུ་ཕྱེས་ཡོད།     གཤམ་གསལ་ལྟར་འཇིག་རྟེན་གདོད་མ་ནས་ལོ་དུང་ཕྱུར་རིམ་པའི་ལོ་རྒྱུས་རགས་ བཤད་ལས་ཞིབ་ཕྲ་སུས་ཀྱང་བཤད་ཐུབ་མེད།  དེའི་ཕྱིར་ངས་ཀྱང་བོད་བཙན་པོའི་དུས་རིམ་སྔོན་གྱི་ལོ་རྒྱུས་གང་ ཤེས་པ་༵༵བོད་གདོད་མའི་དུས་རིམ།ཀཀཞེས་པའི་ལེའུ་འདིའི་ནང་དུ་དབྱེ་བ་གང་ནུས་བརྗོད། འཇིག་རྟེན་འདི་གྲུབ་ ནས་ད་བར་ལོ་དུང་ཕྱུར་མང་པོའི་ཐེམ་པ་བརྒལ་ཟིན་པས་ཆགས་འཇིག་གི་འཕོ་འགྱུར་སྣ་ཚོགས་ཤིག་བྱུང་བ་སྨོས་ མེད་ཀྱང༌། ཚན་རིག་པ་དང༌། མངོན་པ་མཛོད་ལྟ་བུས་ཐོག་མའི་འཇིག་རྟེན་འདི་ཇི་ལྟར་ཆགས་ཚུལ་རོབ་བཤད་ ཙམ་བྱེད་པ་ལས། དེང་གི་བར་ཕྲེང་བའི་རྒྱུད་རིམ་བར་མ་ཆད་པར་ཞིབ་ཕྲའི་གནས་ལུགས་ཤོད་ཐུབ་མཁན་ད་བར་ སུའང་བྱུང་མེད་སྟབས། ལོ་རྒྱུས་ཤོད་པའི་རྒྱལ་ཁབ་ཚང་མའི་ལོ་རྒྱུས་ནི་དུས་རབས་གང་མཚམས་ཀྱིས་ཚོད་འཛིན་ འོག་ཤོད་དགོས་ཐུག་གི་ཡོད།...

ལྔ་པ། བོད་ཀྱི་རིགས་རུས་གླེང་བ། བོད་མིས་རང་ཉིད་གདོད་མའི་འབྱུང་ཁུངས་ཕ་སྤྲེལ་རྒན་བྱང་ཆུབ་སེམས་དཔའ་དང༌། མ་བྲག་སྲིན་གཉིས་ཡིན་ ལུགས་ཤོད་ཀྱང༌། རྣལ་མས་བསམ་དགོས་པ་ལ། ཚན་རིག་པས་བཤད་པ་ལྟར་འགྲོ་བ་མིའི་རིགས་སྤྲེའུ་ལས་བྱུང་ ཡོད་ན་བོད་མིའང་དེ་ལྟར་ཡིན་མོད།  སྤྲེའུའི་རིགས་ཚན་བྱེ་བྲག་པ་གྲངས་མང་པོ་ཞིག་ལས་བོད་མི་གྱུར་ཚུལ་བལྟ་ དགོས་པ་ལས། ཡབ་མེས་སྤྲེའུ་གྲངས་གཉིས་ཙམ་གྱིས་བོད་མི་འཕེལ་བར་དྲན་ན་རྒྱུ་ཚན་མ་བསམ་པའི་གནས་སུ་ འགྱུར་ངེས། ༑ ནང་པས་བསྐལ་པ་ཡ་ཐོག་གི་དུས་སུ་འགྲོ་བ་མིའི་རིགས་འདི་ཧ་ཅང་གིས་བཟང༌། བཟའ་བཏུང་མི་དགོས་ཤིང་ བསམ་པ་ཙམ་གྱིས་དོན་ཀུན་འགྲུབ། རིམ་པས་མི་རྣམས་དྲན་འཕྲུལ་རྒོད་དྲག་པའི་མཐུ་ལས་འཚོ་གོས་བརྟེན་དགོས་ གྱུར་ཀྱང་མ་རྨོས་ལོ་ཏོག་འདོད་པའི་ཕུན་ཚོགས་སུ་གྱུར། ལེ་ལོ་ཅན་འགའ་ཞིག་གིས་ལོ་ཏོག་གསོག་ཉར་རྐུ་འཁྱེར་ གྱི་རྣམ་སྨིན་ངན་པས་འཚོ་བའི་དཀའ་ངལ་བྱུང་བས་ཕན་ཚུན་ས་ཞིང་བདག་བཟུང་བྱེད་དགོས་ཤར།  ཞིང་ལས་ འཚོ་གོས་དཀའ་ངལ་ཆེ་ལ་ཕོ་མོའི་འདོད་པ་བསྐྱེད་པས་གསང་ཡིབ་ཁང་པ་བརྩིགས།...