རྒྱ་དཀར་ནག་གི་འབྲེལ་བའི་ནང་གི་བོད། བོད་ཀྱི་བང་ཆེན་གསར་ཤོག་སྤྱིའི་འདོན་ཐེངས་ ༢༥༡ སྟེང་གི་རྩོམ་སྒྲིག་པའི་གཏམ། རྒྱ་དཀར་ནག་གཉིས་ནི་ལོ་རྒྱུས་ཀྱི་ཐོག་ནས་དམིགས་བསལ་མཐུན་ཕྱོགས་ཀྱི་རྒྱལ་ཁབ་གཉིས་མིན་ལ། ༡༩༦༢ ལོར་ ས་མཚམས་སུ་དམག་འཁྲུག་ཀྱང་བྱུང་ཡོད། ད་ལྟའི་ཆར་ཡང་འབྲེལ་བ་དེ་ཕྱོགས་ཡོངས་ནས་སྡུག་ཏུ་འགྲོ་བཞིན་པ་ དང། ཕྱི་ཟླ་༡༡ པའི་ནང་ནས་རྒྱ་ནག་དབུས་ཆབ་སྲིད་ཅུས་ཟེར་བའི་རྒྱུན་ལས་ཀྲུའུ་ཡུང་ཁང་རྒྱ་གར་དུ་ཡོང་རྒྱུ་གཏན་ ཁེལ་བྱུང་ཡོད་ཅིང།     ད་ལྟའི་ཆར་གནད་དོན་རེ་ཟུང་གི་ཐོག་ནས་རྒྱ་གར་གཞུང་ལ་དོན་མེད་བསྙོན་འཛུགས་བྱེད་ བཞིན་ཡོད། དཔེར་ན་ཨ་རུ་ན་ཅལ་ཁུལ་གྱི་མོན་རྟ་དབང་ལྟ་བུ་ལ་མཚོན་ན་པེ་ཅིང་གཞུང་གིས་བོད་ཀྱི་ཁོངས་གཏོཌ་ ཡིན་ཚུལ་ཤོད་བཞིན་ཡོད་ཀྱང། ༧གོང་ས་སྐྱབས་མགོན་ཆེན་པོ་མཆོག་དེའི་ཁུལ་དུ་ཆིབས་བསྒྱུར་གནང་མི་ཆོག་པ་ དང།...

བེད་ལོག་ཏུ་གཏོང་བཞིན་པའི་བརྒྱུད་ལམ། བོད་ཀྱི་བང་ཆེན་སྤྱིའི་འདོན་ཐེངས་ ༢༤༩ རྩོམ་སྒྲིག་པའི་གཏམ རྒྱ་ནག་མི་དམངས་སྤྱི་མཐུན་རྒྱལ་ཁབ་ཟེར་བ་འགོ་བཙུགས་ནས་ད་བར་མི་ལོ་༦༠ ཧྲིལ་པོ་འཁོར་ཡོད་པ་དང། དེའི་རིང་གསར་འགྱུར་གྱི་བརྒྱུད་ལམ་ཁག་ཚང་མ་རྒྱ་དམར་གཞུང་གི་བཀོད་བྱུས་སྟངས་འཛིན་གྱི་འོག་ཏུ་གནས་ ཐུབ་པ་བྱས་ཡོད།   རྒྱུ་མཚན་འདི་ལ་བརྟེན་ནས་ད་ལྟའི་ཆར་འཛམ་བུ་གླིང་གི་ནང་དུ་རྒྱ་དམར་གཞུང་དེ་གསར་ འགོད་རང་དབང་རྩིས་མེད་རྡོག་རོལ་གཏོང་མཁན་གྱི་གཞུང་ཞིག་ཡིན་པ་ལོ་ལྟར་སྙན་ཐོ་ཁག་གི་ནང་དུ་འཁོད་ ཡོད་པ་ལྟར། རྒྱ་ནག་གཞུང་གིས་དུས་རྒྱུན་མི་མང་བསླུ་བྲིད་དང་རྒྱལ་སྤྱིའི་སྤྱི་ཚོགས་མགོ་སྐོར་གཏོང་ཐབས་འབའ་ ཞིག་ཏུ་གསར་འགྱུར་གྱི་བརྒྱུད་ལམ་ཁག་བེད་སྤྱོད་གཏོང་བཞིན་པ་རེད། བོད་ཀྱི་ས་ཁུལ་ལ་ཆ་བཞག་ན་བོད་རང་ སྐྱོང་ལྗོངས་ཟེར་བའི་ཁོངས་སུ་བོད་ཡིག་གི་ཐོག་ནས་ <<བོད་ལྗོངས་ཉིན་རེའི་ཚགས་པར་>>དང། <<གཞིས་རྩེའི་ ཚགས་པར། >>...

རང་སྲོག་བློས་གཏོང་གི་མྱ་ངན། ཉེ་ཆར་ཟླ་འདིའི་ནང་རྒྱ་གར་གྱི་ཨན་དྷར་མངའ་སྡེའི་བློན་ཆེན་ར་རྗ་སི་ཁ་རཱ་མཆོག་ཐད་འཕུར་གནམ་གྲུར་ཞུགས་ ནས་གནམ་གཤིས་ཀྱི་རྐྱེན་པས་ཐན་པ་བྱུང་བའི་ཞིང་པ་ཁག་གི་གནས་སྟངས་ལ་གཟིགས་ཞིབ་གནང་བར་ཕེབས་པའི་ སྐབས་ཁོང་དང་ལས་རོགས་བཅས་དུས་མིན་རྐྱེན་འདས་སུ་གྱུར་པ་དང༌། རྒྱ་གར་རྒྱལ་ཡོངས་དང་ལྷག་པར་དུ་མངའ་ སྡེའི་དེའི་ནང་གི་མི་སེར་ཚོས་ཁོང་ལ་མྱ་ངན་གུས་འདུད་ཞུས་ཡོད་པ་དང༌། རྒྱ་གར་གྱི་སྲིད་བློན་མཆོག་དང་གཞུང་ འཛིན་གོང་རེ་སི་ཚོགས་པའི་དབུ་ཁྲིད་ཀྱི་གཙོས་མྱ་ངན་ཞུ་མཁན་གྱི་མི་ཚོགས་གྲངས་ཀྱིས་མི་ལོང་བ་ཞིག་བྱུང་ཡོད་ པ་རེད། ལྷག་པར་དུ་ཁོང་གློ་བུར་རྐྱེན་འདས་སུ་གྱུར་པའི་རྒྱུ་མཚན་ལ་བརྟེན་ནས་རང་སྲོག་བློས་གཏོང་མཁན་ད་བར་ མི་གྲངས་༡༢༢ ཙམ་བྱུང་ཡོད་ཚུལ་རྒྱ་གར་གྱི་བརྒྱུད་ལམ་ཁག་ཏུ་བརྒྱུད་བསྒྲགས་བྱས་ཡོད་པ་དང༌། གནད་དོན་དེ་ད་ ལྟའི་དུས་འདིར་རྒྱལ་སྤྱིའི་སྤྱི་ཚོགས་ཁྲོད་ཆེས་ཡ་མཚན་པའི་གསར་འགྱུར་གལ་ཆེན་ཞིག་ཏུ་གྱུར་ཡོད།...

བཤའ་བཅོས་ཆེན་པོ་ཞིག་བྱེད་རན་འདུག                    བོད་ཀྱི་བང་ཆེན་སྤྱིའི་འདོན་ཐེངས་ ༢༤༧ སྐབས་བཅུ་བཞི་པའི་སྤྱི་འཐུས་ཡོངས་རྫོགས་ཕྱིར་བསྡུ་བྱ་རྒྱུ་ལས་ཐབས་གཞན་མེད། བོད་མི་མང་སྤྱི་འཐུས་ལྷན་ཚོགས་སྐབས་བཅུ་བཞི་པའི་གྲོས་ཚོགས་ཚོགས་དུས་བརྒྱད་པ་དེ་ཉིད་ཚུལ་བཞིན་མཇུག་ བསྡོམས་ཐུབ་མེད་པ་དང༌། གནད་དོན་འདིར་ཕྱོགས་མང་པོ་ཞིག་ནས་བལྟས་ཡོང་བའི་སྐབས་གནས་ཚུལ་དེ་བློ་ཕམ་ དགོས་པའི་རང་བཞིན་ཞིག་ཏུ་གྱུར་ཡོད། དོན་རྐྱེན་དེ་བྱུང་བའི་འཕྲལ་རྐྱེན་ཧ་ཅང་ཆུང་ངུ་ཞིག་ཡིན་ནའང༌། མེ་ སྟག་གཅིག་གིས་རི་བོ་བསྲེག་པའི་དཔེ་དང་གཅིག་མཚུངས་སུ་གྱུར་སོང༌། གནད་དོན་འདིའི་ཐོག་ནས་ཤེས་ཐུབ་པ་ ནི་གྲོས་ཚོགས་ནང་ཕྱོགས་འཐེན་གྱི་ན་ཚ་ཛ་དྲག་ཅིག་ཡོད་པ་མངོན་གསལ་དུ་གྱུར་སོང་བ་དང༌། གནད་དོན་འདི་ སྐབས་བཅུ་གཅིག་པ་དང་བཅུ་གཉིས་པ།...

མི་ལོ་དྲུག་ཅུའི་ཡར་རྒྱས་དང་སྐྱོ་གར། ཕྱི་ལོ་༡༩༤༩ ལོའི་ཕྱི་ཟླ་༡༠ ཚེས་༡ ཉིན་རྒྱ་ནག་དམར་ཤོག་གཞུང་གསར་འཛུགས་བྱས་ནས་མི་ལོ་ཧྲིལ་པོ་དྲུག་ཅུ་ འཁོར་བ་དང།    དམར་ཤོག་ཚོགས་པ་གསར་འཛུགས་བྱེད་པའི་སྐབས་རྒྱ་རིགས་ནང་ཁུལ་ཕན་ཚུན་མི་མང་ས་ཡ་ མང་པོ་གསོད་རེས་བྱས་ནས་བཙུགས་པ་ཞིག་ཡིན་ཞིང། གསར་འཛུགས་བྱས་ཟིན་པའི་རྗེས་སུའང་མི་མང་གི་ཚེ་སྲོག་ གྲངས་མེད་ཆུད་ཟོས་སུ་བཏང་ཡོད། འདས་ཟིན་པའི་མི་ལོ་དྲུག་ཅུ་ལ་ཕྱིར་བལྟ་ཞིག་བྱེད་པའི་སྐབས་རྒྱ་དམར་གཞུང་ དེ་དམག་དོན་དང་དཔལ་འབྱོར་རྩེད་རིགས་བཅས་ཀྱི་ཐད་ནས་འཛམ་བུའི་གླིང་གི་ནང་ནས་སྟོབས་ཆེན་རྒྱལ་ཁབ་ ཅིག་ཏུ་གྱུར་ཡོད་པ་དང།    མི་འབོར་དང་ཁྲོམ་ར་ཆེ་བས་འཛམ་གླིང་གི་རྒྱལ་ཁབ་མང་པོ་ཞིག་གིས་ཚོང་འབྲེལ་གྱི་ ཐོག་ནས་རྒྱ་ནག་གཞུང་ལ་བསྟུན་མཁས་མི་བྱེད་ཀ་མེད་དུ་གྱུར་པ་སོགས་ནི་ཕྱིའི་ཆ་ནས་ཡར་རྒྱས་སུ་སོང་བར་ངོས་ འཛིན་བྱེད་ཆོག་མོད།...

གྲང་སེང་བཏང་པའི་གྲོས་འཆར་དང་ཚ་བོ་ཆགས་པའི་སྤྱི་ཚོགས། སྤྱི་འཐུས་བསྟན་འཛིན་མགོན་པོ། སྤྱི་འཐུས་སྐབས་བཅུ་བཞི་པའི་ཚོགས་དུས་བརྒྱད་པའི་སྟེང་། སྤྱི་འཐུས་སྒེར་གྱི་གྲོས་འཆར་ཡིག་ཆ་ཨང་ ༣༨ ཅན་ལ་ བརྟེན་ནས།   གྲོས་ཚོགས་ཀྱི་གྲུབ་ཆ་མ་ཚང་པའི་རྐྱེན་གྱིས་ཚོགས་འདུའི་མཇུག་སྡོམ་གནང་ཐབས་མ་བྱུང་ནས།  ཆུ་ ཚོད་ངེས་མེད་བར་ཚོགས་སེང་གཏོང་དགོས་འཁེལ་ཡོད། མཇུག་འབྲས་འདི་འདྲ་ཞིག་ནི་གྲོས་འཆར་འདོན་མཁན་ དང་རྒྱབ་སྐོར་གནང་མཁན་ཚོའི་ཐོག་མའི་རེ་བ་དང་སྐུལ་སློང་ཡིན་རྒྱུ་མ་རེད།    གཅིག་བྱས་ན་གྲོས་འཆར་འདོན་ མཁན་དང་རྒྱབ་སྐྱོར་བྱེད་མཁན་སྐོར་ཞིག་གི་བསམ་བློའི་ནང་དུ་མཇུག་འབྲས་འདི་འདྲ་ཞིག་ཡིན་པ་འཁོར་ཡང་ ཡོད་སྲིད་ཀྱི་མ་རེད། ཡིན་ན་ཡང་། བཙན་བྱོལ་སྤྱི་ཚོགས་ནང་གི་མཛད་གཙོ་རིམ་བྱོན་ཁ་ཤས་ཀྱི་མཛད་ཉེས་ལ་བརྟེན་ ནས། བཙན་བྱོལ་སྤྱི་ཚོགས་ནང་གི་མདོ་སྟོད་པ་མང་པོ་ཞིག་ལ། དབུས་གཙང་པ་དང་མདོ་སྨད་པ།...

རི་མགོའི་དམངས་གཙོ། བོད་ཀྱི་དུས་བབ་སྤྱིའི་འདོན་ཐེངས་ ༡༦༠ པའི་སྟེང་གི་རྩོམ་སྒྲིག་པའི་གཏམ། བཙན་བྱོལ་བོད་མི་ཚོའི་གནས་བབ་ཀྱི་ངོས་ནས་བཤད་ན། འདས་པའི་ལོ་ ༤༩ རིང་གི་ང་ཚོའི་དམངས་གཙོ་ནི་རི་ མགོའི་དམངས་གཙོ་སྟེ། ཡུལ་མེད་པ་དང་ཁ་འཐོར་སྤྱི་ཚོགས་ཤིག་གི་དམངས་གཙོ་རེད། དེར་བརྟེན་ང་ཚོ་ནི་རང་ རང་སྡོད་སའི་ཡུལ་ལུང་དེ་དག་གི་དམངས་གཙོའི་སྤྱི་ཚོགས་ནང་ཡོད་རུང་། རང་ཉིད་ཀྱི་དམངས་གཙོའི་སྤྱི་ཚོགས་ ཤིག་གི་སྒྲོམ་གཞིའི་ནང་དུ་ད་རུང་གསལ་བོ་ཞིག་འཕྲོད་མེད། དམངས་གཙོའི་སྒྲོམ་གཞི་དེའི་ནང་ཏག་ཏག་ཅིག་མ་འཕྲོད་པའི་དབང་གིས་འཐུས་ཤོར་གྱི་མགོ་བཙུགས་པ་ཡིན། དཔེར་ན། བཙན་བྱོལ་བོད་མིའི་ཤེས་ཡོན་འཐུས་ཤོར་ནི་ཕྱོགས་གཞན་ནས་བཤད་ན་ང་ཚོའི་དམངས་གཙོའི་འཐུས་ ཤོར་ལ་ཐུག་ཡོད། འཛིན་སྐྱོང་དང་ལས་བྱེད་ཀྱི་ཚད་གཞི་འདི་དམངས་གཙོ་ཡང་དག་པ་ཞིག་བརྒྱུད་ནས་སླེབས་མ་ ཐུབ་པ་དང་། བརྟག་དཔྱད་དང་སྟངས་འཛིན་གྱི་ཕྱོགས་ནས་མ་འདེང་བས་ཡིན།...

      བོད་ཀྱི་ཞིང་བྲན་ལམ་ལུགས་སྟེ། ནམ་མཁར་མི་ཤོང་པའི་རྫུན་གཏམ་འདི་                                     སུས་རྟོགས་བཟོ་བྱས་སམ། ཁྲིན་ཕའོ་ཁོང་གིས་བརྩམས། འབྲོག་མྱིས་བསྒྱུར། བོད་ལ་དབང་བསྒྱུར་བྱས་པར་ཁྲིམས་མཐུན་ཡིན་ལུགས་བདེན་དབང་བྱེད་རྒྱུའི་ཆེད་དུ་རྒྱ་ནག་དམར་ཤོག་ཚོགས་ པས་སྤྱི་ལོ་༡༩༥༩ལོའི་སྔོན་གྱི་བོད་ལ་༼བཀས་བཀོད་ཞིང་བྲན་ལམ་ལུགས་༽ཞེས་རང་བཞིན་གཏན་འབེབས་བྱས་ཡོད་ པ་མ་ཟད། ༼དུས་རབས་བར་མའི་ཡོ་རབ་ལས་ཀྱང་མུན་ནག་༽རེད་ཅེས་སྒྲོ་འདོགས་བྱས་ཡོད་མོད།  ཡང་ཕྱོགས་གཞན་ ཞིག་ནས་རྒྱ་ནག་གིས་བོད་ལ་བཙན་འཛུལ་དང་དབང་བསྒྱུར་བྱས་ཚུལ་དེ་༼ཞིང་བྲན་བཅིངས་འགྲོལ་༽བཏང་ལུགས་ འུད་སྒྲོག་གང་ཐུབ་བྱས་དང་བྱེད་མུས་རེད། དེ་བས།...

        བོད་པའི་མཆོད་གནས། རྒྱ་གཞུང་གི་ཚོང་རྫས། བོད་མི་རིགས་ཀྱི་སེམས་གཏིང་ནས་དད་འདུན་བྱེད་ཡུལ་དང་སྐྱབས་གནས་སུ་བཅོལ་བའི་སྐུ་གསུང་ཐུགས་རྟེན་དང༌། གནས་ཆེན།      དགོན་སྡེ་ཁག་སོགས་དེང་དུས་རྒྱ་གཞུང་གིས་ཡུལ་སྐོར་སྤྲོ་འཆམ་པ་སྣེ་ལེན་བྱེད་ཡུལ་གྱི་ལྟེ་གནས་སུ་ བསྒྱུར་ནས་ཡོང་འབབ་འབོར་ཆེན་གསོག་གི་ཡོད་པ་དང༌།     གནས་ཆེན་དེ་དག་གི་ནང་རྟེན་ཁག་ཀྱང་ད་ལྟའི་ཆར་ བཞུགས་ཡོད་མེད་ཀྱང་ཐེ་ཚོམ་གྱི་རང་བཞིན་དུ་གྱུར་ཡོད་པ་རེད། རྒྱ་གཞུང་གིས་དུས་རྒྱུན་བོད་ནང་དུ་ཡར་རྒྱས་ཤུཌ་ ཆེན་པོ་བཏང་ཡོད་པ་དང༌། རྒྱ་གཞུང་མེད་ན་བོད་མི་རིགས་གསོན་ཐབས་མེད་ཚུལ་བརྗོད་བཞིན་པ་མ་ཟད། རྒྱ་ནག་ གཞུང་ནས་མ་དངུལ་འབོར་ཆེན་བཏང་ནས་ཆོས་དང་རིག་གཞུང་གི་བསྟི་གནས་ཁག་སྲུང་སྐྱོབ་བྱེད་བཞིན་ཡོད་ཅེས་ བརྗོད་བཞིན་ཡོད་པ་རེད། དཔེར་ན་ཟླ་འདིའི་ཚེས་༢༥...

ཉེས་པ་རེད། རྩོམ་པ་པོ།   ཆོས་འཛིན།    བོད་ཀྱི་དུས་བབ་བསམ་ཚུལ་སྡེ་ཚན་ནས་འདིར་བཀོད། ད་ལོའི་བོད་ཁྱིམ་གྱི་འཛིན་རིམ་བརྒྱད་པའི་སྤྱི་སྙོམས་ཡིག་རྒྱུགས་ཆེན་མོའི་བོད་ཡིག་དྲི་ཤོག་དེས་ང་ཚོར་ཤེས་ཡོན་ གྱི་འཐུས་ཤོར་ཐད་ནས་སླར་ཡང་སེམས་འཚབ་ཆེན་པོ་རེ་བསླངས་བྱུང་།     ངས་དྲི་ཤོག་དེ་མགོ་ནས་མཇུག་བར་དུ་ཐེངས་ཤིག་བཀླགས་པ་ཡིན། ཤོག་ངོས་དང་པོའི་སྒང་དེར། དྲི་བའི་བརྒྱ་ ཆ་ཆ་འགོད། ལྟ་བུ་ཞིག་བྲིས་འདུག་ལ། མཐར་ཐུག་རེ་བ་སྒྲུབ་པར་ཤོག ཅེས་ཤོག་ངོས་མཐའ་མའི་མཇུག་དེར་རེ་སྨོན་ གྱི་ཚིག་དེ་ཡང་གོ་རྒྱུ་མེད་པ་ཞིག་བྲིས་འདུག    འདི་ལྟ་བུའི་ཡིག་ནོར་གྱི་རིགས་ནི་དྲི་ཤོག་དེའི་ཤོག་ངོས་ཚང་མའི་ སྟེང་ན་རྒྱུན་ལྡན་དང་བག་ཡངས་ཀྱི་ཚུལ་དུ་འདུག     དཀའ་ངལ་ཆེ་ཤོས་དེ་ནི་དགེ་རྒན་གྱི་དྲི་བ་ནོར་བ་དང་ཡིག་ནོར་ལ་བསྟེན་ནས་སློབ་མ་ཚོའི་སྐར་གྲངས་ལ་དོ་ ཕོག་འགྲོ་བཞིན་པ་དེ་རེད།...